ଭାଉଜ ପଞ୍ଚମ ଥର ମା’ ହୋଇପାରିଲେନି ବୋଲି ଭଉଣୀ ଗର୍ଭବତୀ ହେଲେ, ଭାଇର ପିଲାକୁ ଜନ୍ମ ଦେଲେ

ଅତୀତରେ ଯଦି କୌଣସି ମହିଳା ମା’ ହୋଇପାରୁ ନ ଥିଲେ ତେବେ ତାଙ୍କୁ ସମାଜରୁ ବହୁତ ଅପମାନ ମିଳୁଥିଲା । ହେଲେ ଏବେ ଡାକ୍ତରୀ ବିଜ୍ଞାନ (Medical Science) ଯଥେଷ୍ଟ ଅଗ୍ରଗତି କରିଛି ଓ ସରୋଗେସି (Surrogacy) ମଧ୍ୟ ବ୍ୟବହାର ହେଉଛି । ନିକଟରେ ଆମେରିକାରେ ଘଟିଥିବା ଏକ ସରୋଗୋସି ଘଟଣା ଖୁବ୍ ଚର୍ଚ୍ଚାରେ ଅଛି ।

ୱାଶିଂଟନରେ ରହୁଥିବା ୨୭ ହିଲ୍ଡେ ପେରିଙ୍ଗର୍ (Hilde Perringer ) ନିଜେ ତିନି ସନ୍ତାନର ମା’ । ତାଙ୍କ ଭାଉଜଙ୍କର ମଧ୍ୟ ଚାରି ସନ୍ତାନ ଅଛନ୍ତି । କିନ୍ତୁ ହିଲ୍ଡେଙ୍କ ଭାଇ ଅନ୍ୟ ଏକ ସନ୍ତାନ ଚାହୁଁଥିଲେ, ମାତ୍ର ତାଙ୍କ ସ୍ତ୍ରୀ ଗର୍ଭଧାରଣ କରିପାରି ନ ଥିଲେ । ଏଭଳି ପରିସ୍ଥିତିରେ ହିଲଡେ ନିଜ ଭାଇଙ୍କ ପାଇଁ ସରୋଗେଟ୍ ମା’ ହୋଇ ତାଙ୍କ ପଞ୍ଚମ ସନ୍ତାନକୁ ଜନ୍ମ ଦେଇଥିଲେ ।

ଜାନୁଆରୀ ୨୦୨୧ରେ ହିଲଡେ ପେରିଙ୍ଗର୍ ନିଜ ୩୫ ବର୍ଷୀୟ ଭାଇ ଇଭାନ୍ ଶେଲି ଓ ତାଙ୍କ ପତ୍ନୀ ୩୩ ବର୍ଷୀୟ କେଲସେଙ୍କ ପଞ୍ଚମ ସନ୍ତାନକୁ ଜନ୍ମ ଦେଇଥିଲେ । ଏହି ଦମ୍ପତିଙ୍କର ପୂର୍ବରୁ ଚାରି ସନ୍ତାନ ଥିଲେ, କିନ୍ତୁ ସେମାନେ ଏକ ପଞ୍ଚମ ସନ୍ତାନ ଚାହୁଁଥିଲେ ।

ଏଭଳି ପରିସ୍ଥିତିରେ ହିଲଡେ ନିଜ ଭାଇଙ୍କୁ ସାହାଯ୍ୟ କରିବାକୁ ଆଗେଇ ଆସି ସରୋଗେଟ୍ ମା’ ହୋଇଥିଲେ ଓ ନିଜ ଭାଇଙ୍କ ପରିବାରକୁ ପୂରା କରିଥିଲେ ।

‘‘ମୁଁ ମଧ୍ୟ ଅନେକ ଦିନରୁ ସରୋଗେଟ୍ ମା’ ହେବାକୁ ଚାହୁଁଥିଲି । ଏବେ ମୋ’ର ସେହି ସ୍ୱପ୍ନ ବି ମୋ’ ଭାଇଙ୍କ ମାଧ୍ୟମରେ ପୂରଣ ହୋଇଛି,’’ ହିଲଡେ କହିଛନ୍ତି । ଯଦିଓ ହିଲଡେଙ୍କ ଭାଇ ଓ ଭାଉଜଙ୍କର ପୂର୍ବରୁ ଚାରି ସନ୍ତାନ ଥିଲେ, ତଥାପି ସେମାନଙ୍କୁ ଲାଗୁଥିଲା ଯେ ତାଙ୍କ ପରିବାର ଅସମ୍ପୂର୍ଣ୍ଣ ରହିଛି । ସେହି କାରଣରୁ ସେମାନେ ଏକ ପଞ୍ଚମ ସନ୍ତାନ ଚାହୁଁଥିଲେ ।

ଡାକ୍ତରମାନେ ସ୍ପଷ୍ଟ କରିଦେଇଥିଲେ ଯେ ପଞ୍ଚମ ସନ୍ତାନ ହିଲଡେଙ୍କ ଭାଉଜଙ୍କ ଜୀବନ ପାଇଁ ବିପଦପୂର୍ଣ୍ଣ ହେବ । ସେମାନେ କହିଥିଲେ ଯେ ପଞ୍ଚମ ସନ୍ତାନ ପାଇବା ପାଇଁ ସରୋଗେସି ହିଁ ଏକ ମାତ୍ର ବିକଳ୍ପ ।

ଏହା ପରେ ନିଜ ଭାଇଙ୍କ ପାଇଁ କୃତ୍ରିମ ଗର୍ଭଧାରଣ ପ୍ରକ୍ରିୟାରେ (IVF process) ହିଲଡେ ସରୋଗେଟ୍ ମା’ ହୋଇଥିଲେ ଓ ତାଙ୍କ ସନ୍ତାନକୁ ନଅ ମାସ ପର୍ଯ୍ୟନ୍ତ ନିଜ ଗର୍ଭରେ ରଖିବା ପରେ ଜନ୍ମ ଦେଇଥିଲେ ।

ବାସ୍ତବରେ ହିଲ୍ଡେ ନିଜେ ୨୦୨୦ରୁ ହିଁ ସରୋଗେସି ପାଇଁ ଚେଷ୍ଟା କରିବା ଆରମ୍ଭ କରିଥିଲେ । ସେ ଏଥି ପାଇଁ ନିଜ ଭାଇ ଓ ଭାଉଜଙ୍କ ଠାରୁ ଟଙ୍କା ନେଇ ନ ଥିଲେ, କିନ୍ତୁ ତାଙ୍କ ଭାଇ ସରୋଗେସି ପ୍ରକ୍ରିୟାର ଖର୍ଚ୍ଚ ବହନ କରିଥିଲେ ।

ନିଜ ଭାଇଙ୍କୁ ତାଙ୍କ ପଞ୍ଚମ ସନ୍ତାନକୁ ଦେବା ପରେ ହିଲଡେ ବହୁତ ଖୁସି । ହିଲ୍ଡେ ନିଜେ ପୂର୍ବରୁ ତିନି ସନ୍ତାନର ମା’ । ହିଲ୍ଡେଙ୍କ ସରୋଗେଟ୍ ମା’ ହେବା ନିଷ୍ପତ୍ତି ପରେ ତାଙ୍କ ଗର୍ଭଧାରଣର ପୂରା ନଅ ମାସ ତାଙ୍କ ଭାଇ ଓ ଭାଉଜ ତାଙ୍କର ଯତ୍ନ ନେଇଥିଲେ । (ସବୁ ଫଟୋ ସୌଜନ୍ୟ: carryingformysister)