ଏକ ବଡ଼ ବିସ୍କୁଟ କମ୍ପାନୀ ଅମଜାଦ୍ ଖାନଙ୍କୁ ଏକ ବିଜ୍ଞାପନ ଅଫର୍ କରିଥିଲା, ଯେଉଁଥି ପାଇଁ ସେ ତୁରନ୍ତ ପ୍ରସ୍ତୁତ ହୋଇଯାଇଥିଲେ । ଏହି ବିସ୍କୁଟର ବିଜ୍ଞାପନ ଦ୍ୱାରା ସେ ଛୋଟ ପରଦାରେ ବି ଖୁବ୍ ପ୍ରସିଦ୍ଧ ହୋଇଥିଲେ । ଯଦି ବିସ୍କୁଟ କମ୍ପାନୀ ଚାହିଁଥାନ୍ତା ତେବେ ଅମିତାଭ ବଚ୍ଚନ (Amitabh Bachchan) କିମ୍ବା ଧର୍ମେନ୍ଦ୍ରଙ୍କୁ (Dharmendra) ଏହି ବିଜ୍ଞାପନ କରିବାକୁ ଦେଇପାରିଥାନ୍ତା । କିନ୍ତୁ ‘ଶୋଲେ’ ଚଳଚ୍ଚିତ୍ରର ଗବ୍ବର ସିଂଙ୍କୁ ଏହି ବିଜ୍ଞାପନ ଦିଆଯାଇଥିଲା ।
ରିପୋର୍ଟ ଅନୁଯାୟୀ ଏହି ବିଜ୍ଞାପନ ପାଇଁ ଅମଜାଦ ଖାନ ଗବ୍ବର ସିଂ ଡ୍ରେସରେ ବିସ୍କୁଟ ବିକ୍ରି କରିବାକୁ ରାଜି ହୋଇଯାଇଥିଲେ । ତାଙ୍କର ପ୍ରଥମ ଚଳଚ୍ଚିତ୍ରରେ ଏକ ଶକ୍ତିଶାଳୀ ଭିଲେନ୍ ଭୂମିକାରେ ଅଭିନୟ କରିବା ପରେ ବି ଅନେକ ଚଳଚ୍ଚିତ୍ରରେ ଅମଜାଦ୍ ଖାନ୍ ହିରୋ ଭୂମିକାରେ ଅଭିନୟ କରିଥିଲେ ଓ ପ୍ରଶଂସା ପାଇଥିଲେ । ୧୨ ନଭେମ୍ବର ୧୯୪୦ରେ ପାକିସ୍ତାନର ପେଶାୱରରେ ଜନ୍ମ ଗ୍ରହଣ କରିଥିବା ଅମଜାଦ୍ ଖାନଙ୍କର ୨୭ ଜୁଲାଇ ୧୯୯୨ରେ ତାଙ୍କର ଦେହାନ୍ତ ହୋଇଥିଲା ।
