ହୋମ୍ » ଫଟୋ ଗ୍ୟାଲେରୀ » ଟ୍ରେଣ୍ଡିଙ୍ଗ
ଆସନ୍ତା ବର୍ଷ ଭାରତରେ ମିଳିବ ଏହି କମାଲ୍ ଇଲେକ୍ଟ୍ରିକ୍ କାର୍, ପୂରା ଚାର୍ଜରେ ୪୦୦ କିମି ଚାଲିବ
ଭୋଲଭୋ ଭାରତରେ ଏହାର ସମ୍ପୂର୍ଣ୍ଣ ବୈଦ୍ୟୁତିକ XC40 Recharge ଇଲେକ୍ଟ୍ରିକ୍ SUV ଲଞ୍ଚ କରିବ ବୋଲି ଘୋଷଣା କରିଛି । କମ୍ପାନୀ ଏହାକୁ ୨୦୨୧ରେ ଭାରତରେ ଲଞ୍ଚ କରିବ । ଏହା ଭୋଲଭୋର ପ୍ରଥମ ପୂରା ଇଲେକ୍ଟ୍ରିକ୍ କାର ହେବ ।
1/ 6
ସ୍ୱିଡେନର (Sweden) କାର ଉତ୍ପାଦନକାରୀ କମ୍ପାନୀ ଭୋଲଭୋ (Volvo) ଆସନ୍ତା ବର୍ଷ ଭାରତରେ ଏହାର ଅଲ-ଇଲେକ୍ଟ୍ରିକ୍ ଭୋଲଭୋ XC40 ରିଚାର୍ଜ (Volvo XC40 Recharge) ଲଞ୍ଚ୍ କରିବ । Volvo XC40 Recharge EV SUV ହେଉଛି ଭୋଲଭୋର ପ୍ରଥମ ସମ୍ପୂର୍ଣ୍ଣ ବୈଦ୍ୟୁତିକ କାର୍ ମଡେଲ ।
2/ 6
XC40 Recharge ମଡେଲ୍ ନୂଆ S60 ସେଡାନ ପରେ ଭାରତରେ ଲଞ୍ଚ୍ ହେବ । ଭୋଲଭୋ XC40 Rechargeରେ ଦୁଇଟି 204 hp ଇଲେକ୍ଟ୍ରିକ୍ ମୋଟର ବ୍ୟବହାର ହେବ, ଯାହା ପ୍ରତ୍ୟେକ ଏକ୍ସେଲରେ ଲଗାଯିବ । ଏହି ମୋଟର 408 hp ଶକ୍ତି ଏବଂ 660Nm ଟର୍କ ସୃଷ୍ଟି କରେ । ଏହି SUV କାର୍ ୪.୯ ସେକେଣ୍ଡରେ ଶୂନ୍ୟରୁ ୧୦୦ କିମି ପ୍ରତି ଘଣ୍ଟା ବେଗ ଧରିଥାଏ । ଏହାର ସର୍ବୋଚ୍ଚ ବେଗ ହେଉଛି ୧୮୦ କିଲୋମିଟର ପ୍ରତି ଘଣ୍ଟା ।
3/ 6
XC40 Rechargeରେ ୭୮kWh ବ୍ୟାଟେରୀ ଲାଗିଛି, ଯାହା ଫ୍ଲୋରରେ ଲାଗିଛି । ଥରେ ପୂରା ଚାର୍ଜ କରିବା ପରେ ଏହି କାରଟି ୪୦୦ କିଲୋମିଟରରୁ ଅଧିକ ମାଇଲେଜ୍ ଦେଇପାରିବ । ଏଥିରେ 11kW AC ଚାର୍ଜର ବା 150kW DC ଫାଷ୍ଟ-ଚାର୍ଜର ଉପଲବ୍ଧ । ଏହି ବ୍ୟାଟେରୀ ପ୍ରାୟ ୪୦ ମିନିଟରେ ପାଖାପାଖି ୮୦ ପ୍ରତିଶତ ଚାର୍ଜ ହୋଇଯାଏ ।
4/ 6
XC40 Recharge Electric SUV ଗାଡ଼ି ଲୁକ୍ ଓ ଷ୍ଟାଇଲିଂ ଦୃଷ୍ଟିରୁ ବର୍ତ୍ତମାନର ଇନ୍ଧନବାଲା XC40 କାର୍ ପରି ଦିଶିବ, କିନ୍ତୁ ଏହାର ସମ୍ମୁଖରେ ଥିବା ଗ୍ରିଲରେ ପରିବର୍ତ୍ତନ କରାଯାଇଛି ।
