Delhi-Mumbai Expressway: ଏଥର ୧୨ଘଣ୍ଟାରେ ଦିଲ୍ଲୀରୁ ପହଞ୍ଚିବେ ମୁମ୍ୱାଇ; PM କରିବେ ଉଦଘାଟନ

ଫେବୃଆରୀ ୧୩ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶର ଦୀର୍ଘତମ ଏକ୍ସପ୍ରେସ ୱେ ଉଦଘାଟନ କରିବେ। ଦିଲ୍ଲୀରୁ ମୁମ୍ବାଇ ପର୍ଯ୍ୟନ୍ତ ଯାତ୍ରୀଙ୍କ ଦୂରତା 12 ଘଣ୍ଟାକୁ ହ୍ରାସ ପାଇବ।

ଦିଲ୍ଲୀ ରୁ ମୁମ୍ବାଇ ଯାତ୍ରା କରୁଥିବା ଯାତ୍ରୀଙ୍କ ପାଇଁ ଖୁସି ଖବର। ଏହି ଏକ୍ସପ୍ରେସ ୱେ ପ୍ରଧାନମନ୍ତ୍ରୀଙ୍କ ଏକ ମହତ୍ତ୍ଵକାଂକ୍ଷୀ ପରିଯୋଜନା ମଧ୍ୟରୁ ଗୋଟିଏ।

ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହାକୁ ଉଦଘାଟନ କରିବେ।

ଦିଲ୍ଲୀ ମୁମ୍ବାଇ ଏକ୍ସପ୍ରେସ ୱେ ଜରିଆରେ ଦେଶର ଆର୍ଥିକ ରାଜଧାନୀ ଦେଶର ଜାତୀୟ ରାଜଧାନୀ ସହ ଯୋଡ଼ି ହେବ।

ଏଥର ଦିଲ୍ଲୀରୁ ମୁମ୍ବାଇ ଯାଉଥିବା ଯାତ୍ରୀଙ୍କୁ ୧୨ଘଣ୍ଟା ଲାଗିବ। ଦିଲ୍ଲୀରୁ ମୁମ୍ବାଇ ଯାତ୍ରା ୨୪ ଘଣ୍ଟା ବଦଳରେ ୧୨ଘଣ୍ଟା ହୋଇଯିବ।

ଏକ୍ସପ୍ରେସ ୱେ କଡ଼ରେ ୧୨ଲକ୍ଷ ଟଙ୍କାର ଗଛ ଲଗାଯାଇଛି।

ଏକ୍ସପ୍ରେସ ୱେ ଦେଶର ୬ଟି ରାଜ୍ୟ ଦିଲ୍ଲୀ, ହରିୟାଣା, ରାଜସ୍ଥାନ, ମଧ୍ୟପ୍ରଦେଶ, ଗୁଜୁରାଟ ଓ ମହାରାଷ୍ଟ୍ର ଦେଇ ଯାଇଛି।

ଜୟପୁର, କିଷାନଗଡ଼, ଅଜମେର, କୋଟା, ଚିତ୍ତୋରଗଡ଼, ଭୋପାଳ, ଉଜୟିନୀ, ଇନ୍ଦୋର, ଅହମଦାବାଦ ଓ ସୁରଟ ସହ ଭଲ ସଂଯୋଗ ସୃଷ୍ଟି ହେବ।

୮ଲେନ ବିଶିଷ୍ଟ ଏହି ରାସ୍ତାରେ ୮୦ଲକ୍ଷ ଟନ ସିମେଣ୍ଟ ଓ ୧୨ଲକ୍ଷ ଟନରୁ ଅଧିକ ଷ୍ଟିଲ ଲଗାଯାଇଛି। ଏକ୍ସପ୍ରେସ Wayରେ ଯାନବାହନ ପ୍ରତି ଘଣ୍ଟାକୁ ୧୨୦କିମି ବେଗରେ ଗତି କରିବ।

ନିର୍ଦ୍ଧାରିତ ବେଗଠୁ ଅଧିକ ହେଲେ ସାଙ୍ଗେ ସାଙ୍ଗେ ଚାଲାଣ କଟିବ। ସ୍ଥାନେ ସ୍ଥାନେ ଟ୍ୟାକ୍ସ ଦେବାକୁ ପଡିବନି। ଆପଣ ଯେତେବାଟ ଯାତ୍ରା କରିବେ ସେତିକିର ଟ୍ୟାକ୍ସ ଦେବାକୁ ପଡିବ। ପ୍ରତୀ ୫୦କିମିରେ ଏଣ୍ଟ୍ରି ଓ ଏକଜିଟ ଗେଟ ରହିଛି। ଗେଟ ପାଖରେ ଟୋଲ ଗେଟ ରହିଛି। ଏଣ୍ଟ୍ରି ଓ ଏକଜିଟ ହିସାବରେ ଆପଣଙ୍କର ଟୋଲ କଟିବ। ଫାଷ୍ଟ ଟ୍ୟାଗ ଦ୍ୱାରା ଆପଣଙ୍କ ବ୍ୟାଙ୍କ ଆକାଉଣ୍ଟରୁ ପଇସା କଟିବ।