ମହେନ୍ଦ୍ର ସିଂ ଧୋନିଙ୍କ ଏହି ପ୍ରଶଂସକ ନିଜ ଘରକୁ ହଳଦିଆ ରଙ୍ଗରେ ଏପରି ରଙ୍ଗେଇଲେ - ଦେଖନ୍ତୁ ଫଟୋ

ଚେନ୍ନାଇ ସୁପର କିଙ୍ଗସ୍ (Chennai Super Kings) ଇଣ୍ଡିଆନ୍ ପ୍ରିମିୟର ଲିଗର (IPL) ପାୱାର୍ ହାଉସ୍ ରହିଛି । ସେ ତିନିଥର ଟାଇଟଲ ଜିତି ସାରିଛନ୍ତି । CSK ଆଠ ଥର ଫାଇନାଲ ମ୍ୟାଚ ଖେଳିଛି ଓ ପ୍ରତ୍ୟେକ ଥର ପ୍ଲେ ଅଫରେ ପହଞ୍ଚିଛି ​। କିନ୍ତୁ ଏଥର ରାସ୍ତା ସେମାନଙ୍କ ପାଇଁ କଷ୍ଟକର ହୋଇପଡୁଛି । ଦଳ ୮ ଟି ମ୍ୟାଚରୁ ମଧ୍ୟରୁ ୩ ଥର ଜିତି ପଏଣ୍ଟ ଟେବୁଲରେ ସପ୍ତମ ସ୍ଥାନରେ ରହିଛି । କିନ୍ତୁ ସିଏସକେ ପ୍ରଶଂସକଙ୍କ ଭଲପାଇବାରେ ହ୍ରାସ ଘଟିନାହିଁ । @CSK Twitter

ମହେନ୍ଦ୍ର ସିଂ ଧୋନିଙ୍କ (MS Dhoni) ନେତୃତ୍ୱରେ ଦଳ ଟେନସନ ଓ ଚାପ ଦେଇ ଗତି କରୁଛି । ଚେନ୍ନାଇ ସୁପର କିଙ୍ଗ୍ସର ସବୁଠାରୁ ବଡ ଶକ୍ତି ହେଉଛି ସେମାନଙ୍କର ବିଶ୍ୱସ୍ତ ପ୍ରଶଂସକ । ଯେଉଁମାନେ ସର୍ବଦା ସେମାନଙ୍କ ସହିତ ଛିଡା ହୋଇଛନ୍ତି । ଖେଳାଳିଙ୍କ ମନୋବଳକୁ ସୁଦୃଢ କରିବା ପାଇଁ CSK ନିଜର ଟ୍ୱିଟର ହ୍ୟାଣ୍ଡେଲରେ ପ୍ରଶଂସକଙ୍କ କିଛି ଫଟୋ ସେୟାର କରିଛି । @CSK Twitter

CSK ଯେଉଁ ଫଟୋଗୁଡ଼ିକ ସେୟାର କରିଛି ତାହା ତାମିଲନାଡୁ ରାଜ୍ୟର ଅରଙ୍ଗୁରର ସୁପର ପ୍ରଶଂସକ ଗୋପୀ କୃଷ୍ଣନ୍ ଓ ତାଙ୍କ ପରିବାରର । ଧୋନି ଓ CSK ର ଏହି ସୁପର ଫ୍ୟାନ୍ ତାଙ୍କର ପୁରା ଘରକୁ ହଳଦିଆ ରଙ୍ଗରେ ରଙ୍ଗେଇ ଦେଇଛନ୍ତି । ଏହା ସହିତ ସେ ତାଙ୍କ ଘରର ନାମ ରଖିଛନ୍ତି - ହୋମ ଅଫ୍ ଧୋନି ଫ୍ୟାନ୍ ।

ମହେନ୍ଦ୍ର ସିଂ ଧୋନିଙ୍କ ପ୍ରଶଂସକ ଗୋପୀ କୃଷ୍ଣନ୍ କହିଛନ୍ତି, 'ମୁଁ ଧୋନିଙ୍କର ଜଣେ ବଡ଼ ପ୍ରଶଂସକ । ଲୋକମାନେ ସେମାନଙ୍କ ବିଷୟରେ ନକାରାତ୍ମକ ମନ୍ତବ୍ୟ ଦେଉଛନ୍ତି । ଲୋକମାନେ ଭୁଲି ଯାଇଛନ୍ତି ଯେ ସେ ବିଶ୍ୱ କ୍ରିକେଟର ଶ୍ରେଷ୍ଠ ଫିନିସର୍ ।

ଚେନ୍ନାଇ ସୁପର କିଙ୍ଗ୍ସ ମଙ୍ଗଳବାର ଦିନ ସନରାଇଜର୍ସ ହାଇଦ୍ରାବାଦକୁ ୨୦ ରନରେ ପରାସ୍ତ କରି ବିଜୟ ରାସ୍ତାକୁ ଫେରିଛି । ଧୋନି ଏହି ମ୍ୟାଚରେ ଅନେକ ପରିବର୍ତ୍ତନ କରିଥିଲେ । ସେ ସେନ ୱାଟସନଙ୍କ ସ୍ଥାନରେ ସାମ କରନଙ୍କୁ ଓପନିଂ ପାଇଁ ପଠାଇଥିଲେ। @CSK Twitter

ଏହା ସହ ଧୋନି ଏହି ମ୍ୟାଚରେ ସାତ ଜଣଙ୍କ ବୋଲରଙ୍କ ସହ ଖେଳିଥିଲେ । ଧୋନିଙ୍କ ଏହି ନୂଆ ପରିବର୍ତ୍ତନ ଓ ପରୀକ୍ଷଣ ତାଙ୍କ ସପକ୍ଷରେ କାମ କଲା ଓ ଦଳ ବିଜୟ ହାସଲ କରିଥିଲା । ଚେନ୍ନାଇ ସୁପର କିଙ୍ଗ୍ସର ପରବର୍ତ୍ତୀ ମ୍ୟାଚ୍ ଶନିବାର ଦିଲ୍ଲୀ କ୍ୟାପିଟାଲ ସହିତ ଖେଳିବ । @CSK Twitter<br />