Chanakya Niti: ପୁରୁଷଙ୍କ ପାଖରେ ଏହି ଗୁଣ ଥିଲେ ମହିଳା ହୃଦୟ ହାରିବା ଥୟ!

ମହିଳାମାନେ ସର୍ବଦା ସେହି ପୁରୁଷଙ୍କ ପ୍ରତି ଆକର୍ଷିତ ହୁଅନ୍ତି ଯେଉଁମାନେ ସେମାନଙ୍କୁ ସମ୍ମାନ କରନ୍ତି । ଅଧିକାଂଶ ମହିଳା ସ୍ବାଭିମାନୀ ଥାଆନ୍ତି ତେଣୁ କୌଣସି ପ୍ରକାର ଅପମାନ ସେମାନେ ମନରେ ଅଧିକ ସମୟ ରହେ । ତେଣୁ ସେମାନଙ୍କ ହୃଦୟ ଜିତିବାକୁ ହେଲେ ଏଥି ପ୍ରତି ଅଧିକ ଯତ୍ନବାନ ହେବାକୁ ଚାଣକ୍ୟ ନୀତିରେ ପରାମର୍ଶ ଦିଆଯାଇଛି ।

ସରଳତା ସହଜରେ ହୃଦୟକୁ ଛୁଏଁ । ଜଟିଳ ଲୋକ ଅପେକ୍ଷା ସଧାରଣତଃ ମହିଳାମାନେ ସରଳ ପ୍ରକୃତିର ପୁରୁଷଙ୍କୁ ପସନ୍ଦ କରିଥାନ୍ତି । ସିମ୍ପଲ୍‌ ସ୍ବାଭାବର ଲୋକଙ୍କ ପ୍ରତି ମହିଳାଙ୍କର ଅଧିକ ଦୁର୍ବଳତା ଥାଏ। ଚାଣକ୍ୟ ନୀତି ମଧ୍ୟ ଏହା କହୁଛି, ଯେ ଜଣେ ପୁରୁଷ ସରଳ ଏବଂ ସ୍ଥିର ପ୍ରକୃତିର ହେବା ଉଚିତ, ଯାହାଦ୍ବାରା ମହିଳାମାନେ ଶୀଘ୍ର ତାଙ୍କ ପ୍ରତି ଆକର୍ଷିତ ହେବେ।

ଅଭ୍ୟାସଗତ ମିଛୁଆକୁ ମହିଳା ନାପସନ୍ଦ କରନ୍ତି । ମିଛ କହୁଥିଲେ ସାବଧାନ ! ଆପଣ କେବେ ମହିଳାଙ୍କ ମନ ଜିଣିପାରିବେନି । ଯେଉଁମାନେ ସମ୍ପର୍କରେ ସବୁବେଳେ ସଚ୍ଚୋଟ ରୁହନ୍ତି ତାଙ୍କ ପ୍ରତି ମହିଳାମାନେ ଅଧିକ ଆକର୍ଷିତ ହୋଇଥାନ୍ତି । ଏପରି ଗୁଣଥିବା ବ୍ୟକ୍ତି ନାରୀ ହୃଦୟରେ ଶୀଘ୍ର ଘର କରିପାରନ୍ତି।

ଅଧିକାଂଶ ମହିଳାମାନେ ସାହାସୀ ପୁରୁଷଙ୍କ ପ୍ରତି ଆକର୍ଷିତ ହୋଇଥାନ୍ତି । ସାହାସୀ ପୁରୁଷ ପାଖରେ ସେମାନେ ସୁରକ୍ଷିତ ମଣନ୍ତି, ତେଣୁ ତାଙ୍କ ସହ ସମ୍ପର୍କ ବି ଗଭୀର ହୁଏ । ଯେଉଁ ପୁରୁଷ ସବୁ ପରିସ୍ଥିତିର ମୁକାବିଲା କରିବାର ସାହାସ ରଖନ୍ତି ସେହିଭଳି ପୁରୁଷଙ୍କୁ ମହିଳାମାନେ ନିଜ ଜୀବନସାଥୀ କରିବାକୁ ଆଗ୍ରହ ଦେଖାନ୍ତି ।

ଗର୍ବୀ ଓ ଇର୍ଷା କରୁଥିବା ପୁଅଙ୍କୁ ମହିଳା ପସନ୍ଦ କରନ୍ତି ନାହିଁ। ଯେଉଁ ପୁଅଙ୍କର ଗର୍ବ, ଇର୍ଷା ନଥାଏ ସେହି ପୁରୁଷଙ୍କୁ ପ୍ରତି ମହିଳାମାନେ ଅଧିକ ଆକର୍ଷିତ ହୋଇଥାନ୍ତି । ସବୁ ସମ୍ପର୍କ ପାଇଁ ସବୁଠୁ ବଡ଼ ବାଧକ ହେଉଛି ଇଗୋ । ତେଣୁ ଗର୍ବ ଅହଙ୍କାର ଛାଡ଼ି ସରଳତା ଓ ମଧୁରତାର ସହ ଆଚରଣ କଲେ ମହିଳାଙ୍କ ମନର ମଣିଷ ହୋଇପାରିବେ ବୋଲି ଚାଣକ୍ୟ ନୀତି କହୁଛି।