ଆଲିଆ ଭଟ୍ଟଙ୍କ ଯାଆ ହେବାକୁ ଯାଉଛନ୍ତି ତାରା ସୁତରିଆ! ପାରମ୍ପରିକ ଡ୍ରେସ୍‌ରେ ଫଟୋ ଭାଇରାଲ୍ ହେଲା

ଆଜିକାଲି ସୋସିଆଲ୍ ମିଡି଼ଆରେ ବଲିଉଡ ଅଭିନେତ୍ରୀ ତାରା ସୁତରିଆ (Tara Sutaria) ଖୁବ୍ ସକ୍ରିୟ ଅଛନ୍ତି । ‘ମରଜାୱାଁ’ ଫିଲ୍ମର ଅଭିନେତ୍ରୀ ତାରା ନିଜ ଫିଲ୍ମ ଓ ପ୍ରେମ ଜୀବନକୁ ନେଇ ଚର୍ଚ୍ଚାରେ ଅଛନ୍ତି ।

ତାରା ଏବେ କପୁର ପରିବାରର ଜଣେ ଯୁବକଙ୍କୁ ଡେଟ୍ କରୁଛନ୍ତି । ସେହି କାରଣରୁ ତାଙ୍କୁ ପ୍ରାୟତଃ ପୁରା ପରିବାର ସହିତ ଦେଖାଯାଉଛି । କପୁର ପରିବାରରେ ଯେକୌଣସି ପାରିବାରିକ ସମାରୋହ ହେଲେ ତାରା ସେଠାରେ ସର୍ବଦା ଦେଖାଯାଉଛନ୍ତି । (ଫଟୋ ସୌଜନ୍ୟ: କରୀନା କପୁର ଫ୍ୟାନ୍ କ୍ଲବ୍ ଇନଷ୍ଟାଗ୍ରାମ୍‌)

ତାରା ଦୀର୍ଘ ଦିନ ଧରି ରଣବୀର କପୁରଙ୍କ ସମ୍ପର୍କୀୟ ଭାଇ ଆଦର୍‌ ଜୈନଙ୍କୁ (Aadar Jain) ଡେଟ୍‌ କରୁଛନ୍ତି । ପ୍ରଥମେ ଦୁହିଁଙ୍କ ସମ୍ପର୍କ ଗଣମାଧ୍ୟମ ସାମନାରେ ଖୋଲାଖୋଲି ଭାବେ ଆସି ନ ଥିଲା, କିନ୍ତୁ ଆଦର୍‌ ଜୈନଙ୍କ ଭାଇଙ୍କ ବିବାହରେ ପ୍ରଥମ ଥର ପାଇଁ ଏହି ଯୋଡ଼ି ନିଜ ସମ୍ପର୍କକୁ ସମସ୍ତଙ୍କ ସାମ୍ନାରେ ରଖିଥିଲେ । (ଫଟୋ ସୌଜନ୍ୟ: ତାରା ସୁତରିଆ ଇନଷ୍ଟାଗ୍ରାମ୍‌)

ଆଦର ଜୈନ ବି ରଣବୀରଙ୍କ ଭଳି ଫିଲ୍ମରେ ନାଁ କରିବାକୁ ଚାହୁଁଛନ୍ତି । ନିକଟରେ ତାଙ୍କ ଫିଲ୍ମ ‘ହେଲୋ ଚାର୍ଲି’ର ଟିଜର୍‌ ରିଲିଜ୍‌ ହୋଇଛି । ତାରା ଅନେକ ସମୟରେ ଆଦର ଜୈନଙ୍କ ସହିତ ଦେଖାଯାଉଛନ୍ତି ।

ତାରାଙ୍କୁ ଯୁବା ଦର୍ଶକମାନେ ବହୁତ ପସନ୍ଦ କରନ୍ତି । ସେହି କାରଣରୁ ପ୍ରତ୍ୟେକ ନିର୍ମାତା-ନିର୍ଦ୍ଦେଶକ ନିଜ ଚଳଚ୍ଚିତ୍ରରେ ତାରାଙ୍କୁ ନେବାକୁ ଚାହାଁନ୍ତି । ସୁନୀଲ ଶେଟ୍ଟୀଙ୍କ ପୁଅ ଅହାନ ଶେଟ୍ଟୀରେ ଫିଲ୍ମ ‘ତଡ଼ପ୍‌’ରେ ତାରା ଦେଖାଯିବେ । ଏହା ହେଉଛି ଅହାନଙ୍କ ଡେବ୍ୟୁ ଫିଲ୍ମ । ଏହି ଫିଲ୍ମର ଟିଜର ବି ବାହାରକୁ ଆସିଛି ।

ତାରା ଓ ଆଦର ଜୈନ ଦୀର୍ଘ ଦିନ ଧରି ଡେଟିଂ କରୁଛନ୍ତି । ଏହି ଯୁଗଳ ଛୁଟି କାଟିବାକୁ ମାଳଦ୍ୱୀପ ଯାଇଥିଲେ । ତାରା ଓ ଆଦରଙ୍କ ପ୍ରେମ କାହାଣୀ କେବଳ ଫିଲ୍ମି ପାର୍ଟିମାନଙ୍କରେ ଆରମ୍ଭ ହୋଇଥିଲା ।

ଏକ ସାକ୍ଷାତକାରରେ ତାରା କହିଥିଲେ ଯେ ଆଦରଙ୍କ ସହ ତାଙ୍କର ପ୍ରଥମ ସାକ୍ଷାତ ୨୦୧୮ରେ ଏକ ଦିୱାଲୀ ପାର୍ଟିରେ ହୋଇଥିଲା । ଆଦରଙ୍କ ଭାଇ ଅରମାନ ଜୈନଙ୍କ ବିବାହ ଅବସରରେ ତାରା ଓ ଆଦର୍‌ ଏକତ୍ର ନାଚିଥିଲେ । ଏପରିକି ତାରା ସେଠାରେ ଏକ ଗୀତ ଗାଇଥିଲେ ।

ତାରାଙ୍କୁ ବଲିଉଡର ଆଗାମୀ ସମୟର ଜଣେ ଶ୍ରେଷ୍ଠ ଅଭିନେତ୍ରୀ ଭାବରେ ବିବେଚନା କରାଯାଉଛି । ମାତ୍ର ଦୁଇଟି ଫିଲ୍ମରେ କାମ କରିଥିବା ଏହି ଅଭିନେତ୍ରୀଙ୍କୁ ଦର୍ଶକଙ୍କ ଠାରୁ ଆରମ୍ଭ କରି ଚଳଚ୍ଚିତ୍ର ସମାଲୋଚକ ପର୍ଯ୍ୟନ୍ତ ସମସ୍ତେ ପ୍ରଶଂସା କରୁଛନ୍ତି । ତାରାଙ୍କୁ ଟାଇଗର ଶ୍ରଫଙ୍କ ସହ ଫିଲ୍ମ ‘ହେରୋପନ୍ତି ୨’ରେ ବି ଦେଖିବାକୁ ମିଳିବ । (ସବୁ ଫଟୋ ସୌଜନ୍ୟ: ତାରା ସୁତରିଆ ଇନଷ୍ଟାଗ୍ରାମ୍‌)