ସୁଶାନ୍ତ ସିଂ ରାଜପୁତଙ୍କ ଭଉଣୀ ଭାବପ୍ରବଣ ପୋଷ୍ଟ୍ କଲେ: ‘‘ଆମେ ତତେ ସବୁ ଦିନ ପାଇଁ ଭଲ ପାଇବୁ’’

ଫିଲ୍ମ ଇଣ୍ଡଷ୍ଟ୍ରିର ଉଜ୍ଜ୍ୱଳ ତାରକା ସୁଶାନ୍ତ ସିଂ ରାଜପୁତ ନିଜ ଜୀବନ ଉପରେ ଅତ୍ୟଧିକ ବିରକ୍ତ ହୋଇଯାଇଥିଲେ । ଶେଷରେ ସେ ଏହି ବିଚିତ୍ର ଦୁନିଆକୁ ବିଦାୟ ଜଣାଇଥିଲେ (Sushant Singh Rajput suicide) । ପଛରେ ଛାଡ଼ିଗଲେ ଶହ ଶହ ପ୍ରଶ୍ନ । ସେ ନିଜ ପରିବାରର ଏକ ମାତ୍ର ପୁଅ ଥିଲେ । ଚାରି ଭଉଣୀଙ୍କର ଗୋଟିଏ ମାତ୍ର ଭାଇ ଥିଲେ । ଲକ୍ଷ ଲକ୍ଷ ପ୍ରଶଂସକଙ୍କ ପସନ୍ଦର ହିରୋ ସେମାନଙ୍କୁ ଦୁଃଖରେ ଛାଡ଼ିଗଲେ । ତାଙ୍କ ଭଉଣୀ (Sushant Singh Rajput sister) ଶ୍ୱେତା ସିଂ କିର୍ତ୍ତୀ ନିଜ ଫେସବୁକରେ ସୁଶାନ୍ତଙ୍କ ପ୍ରାର୍ଥନା ସଭାର ଏକ ଫଟୋ ସେୟାର କରିଛନ୍ତି ଓ ନିଜ ଭାଇଙ୍କ ପାଇଁ ଏକ ଭାବପ୍ରବଣ ବିଦାୟ ବାର୍ତ୍ତା ମଧ୍ୟ ଲେଖିଛନ୍ତି ।

ସୁଶାନ୍ତଙ୍କ ମୃତ୍ୟୁ ପରେ ପୂରା ପରିବାର ଦୁଃଖରେ ଅଛନ୍ତି । ତାଙ୍କ ବଡ଼ ଭଉଣୀ ଶ୍ୱେତା ସୋସିଆଲ ମିଡିଆରେ ଭାଇଙ୍କ ପାଇଁ ଲେଖିଥିବା ଅନ୍ତିମ ବାର୍ତ୍ତାରେ ତାଙ୍କ ମାନସିକ ଶାନ୍ତି ପାଇଁ ପ୍ରାର୍ଥନା କରିଛନ୍ତି । ଭଉଣୀଙ୍କ ଏହି ବାର୍ତ୍ତା ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି । ସେ ଫେସବୁକରେ ଲେଖିଛନ୍ତି, ‘‘ମୋ’ ସାନ ଭାଇକୁ ଭଲପାଇବା ଓ ସକରାତ୍ମକତାରେ ପରିପୂର୍ଣ୍ଣ ଏକ ଶେଷ ବିଦାୟ ଜଣାଉଛି । ଆଶା କରେ ସେ ଯେଉଁଠି ଥିବ ସର୍ବଦା ଖୁସିରେ ରହିବ । ଆମେ ତତେ ସବୁ ଦିନ ପାଇଁ ଭଲ ପାଇବୁ ।’’

ଏହି ନୋଟ୍ ଲେଖିବା ପୂର୍ବରୁ ବି ଶ୍ୱେତା ତାଙ୍କ ଭାଇଙ୍କ ପାଇଁ ଆଉ ଏକ ଭାବପ୍ରବଣ ପୋଷ୍ଟ ସେୟାର କରିଥିଲେ । ହେଲେ ସେ ନିଜ ଆକାଉଣ୍ଟରୁ ଏହି ପୋଷ୍ଟକୁ ଡିଲିଟ କରିଦେଇଥିଲେ । ଶ୍ୱେତା ସିଂ କିର୍ତ୍ତୀଙ୍କ ପୋଷ୍ଟ ଉପରେ ଅନେକ ବନ୍ଧୁ ଓ ସାଧାରଣ ଲୋକ ପ୍ରତିକ୍ରିୟା ପ୍ରକାଶ କରିଛନ୍ତି । ସମସ୍ତେ ସୁଶାନ୍ତଙ୍କ ଆତ୍ମାର ଶାନ୍ତି ପାଇଁ ପ୍ରାର୍ଥନା କରିଛନ୍ତି ।

ସୁଶାନ୍ତ ସିଂ ରାଜପୁତ ଜୁନ୍ ୧୪ ତାରିଖରେ ମୁମ୍ବାଇର ବାନ୍ଦ୍ରାସ୍ଥିତ ନିଜ ଘରେ ଆତ୍ମହତ୍ୟା କରିଥିଲେ । ବିହାରର ରାଜଧାନୀ ପାଟନାର ମୂଳ ବାସିନ୍ଦା ସୁଶାନ୍ତ ମାତ୍ର ୩୪ ବର୍ଷ ବୟସରେ ସେ ଫାଶୀ ଲଗାଇ ନିଜ ଜୀବନ ଲୀଳା ଶେଷ କରିଥିଲେ । ପୋଲିସ ଏ ପର୍ଯ୍ୟନ୍ତ ଏହି ମାମଲାରେ ତାଙ୍କ ପୂର୍ବ ଗର୍ଲଫ୍ରେଣ୍ଡ୍ ରିୟା ଚକ୍ରବର୍ତ୍ତୀଙ୍କ ସମେତ ୨୭ ଜଣ ଲୋକଙ୍କ ସହ ପଚରାଉଚରା କରିଛି । ଏବେ ସୁଶାନ୍ତଙ୍କ ପ୍ରଶଂସକ ଓ କିଛି ବଲିଉଡ ତାରକା ଏହି ମାମଲାର ସିବିଆଇ ଯାଞ୍ଚ ପାଇଁ ଦାବି କରିଛନ୍ତି ।