ସୁଶାନ୍ତ ସିଂ ରାଜପୁତଙ୍କ ପିତା ପୁଅର ପୂର୍ବ ଗର୍ଲଫ୍ରେଣ୍ଡ ଅଙ୍କିତା ଲୋଖଣ୍ଡେଙ୍କ ବିଷୟରେ ମୁହଁ ଖୋଲିଲେ

ନିକଟରେ ସୁଶାନ୍ତ ସିଂ ରାଜପୁତଙ୍କ (Sushant Singh Rajput) ପିତା କେ.କେ. ସିଂ ତାଙ୍କ ପୁଅର ପୂର୍ବତନ ଗର୍ଲଫ୍ରେଣ୍ଡ ତଥା ଅଭିନେତ୍ରୀ ଅଙ୍କିତା ଲୋଖଣ୍ଡେଙ୍କ (Ankita lokhande) ବିଷୟରେ ନିଜ ମୁହଁ ଖୋଲିଛନ୍ତି । ମୁମ୍ବାଇରେ ସୁଶାନ୍ତ ସିଂ ରାଜପୁତଙ୍କ ଅନ୍ତିମ ସଂସ୍କାର ପରେ ତାଙ୍କ ପରିବାରକୁ ଭେଟିବାକୁ ଅଙ୍କିତା ଆସିଥିଲେ । ସୁଶାନ୍ତ ଓ ଅଙ୍କିତା ଛଅ ବର୍ଷ ଡେଟିଂ କରିଥିଲେ, ଆଉ ୨୦୧୬ରେ ସେମାନଙ୍କର ବ୍ରେକଅପ୍ ହୋଇଯାଇଥିଲା । ସେମାନେ ବଲିଉଡର ଏକ ଷ୍ଟାର୍ ଦମ୍ପତି (Bollywood star couple) ହିସାବରେ ଅନେକଙ୍କର ପ୍ରିୟ ଥିଲେ ।

ଅଙ୍କିତାଙ୍କ ବିଷୟରେ ସୁଶାନ୍ତଙ୍କ ପିତା କେ.କେ. ସିଂ କହିଛନ୍ତି, ‘‘ସେ (ଅଙ୍କିତା) ବି ଆସିଥିଲା… ବମ୍ବେ ବି ଆସିଥିଲା, ଆଉ ପାଟନା ବି ଆସିଥିଲା ।’’

ସୁଶାନ୍ତ ଓ ଅଙ୍କିତାଙ୍କ ପ୍ରେମ ସମ୍ପର୍କ କାହିଁକି ବିବାହ ବନ୍ଧନରେ ପରିଣତ ହେଲା ନାହିଁ ବୋଲି ପଚରାଯିବାରୁ ସେ କହିଥିଲେ: ‘‘ଏଇଟା ତ ଗୋଟେ ସଞ୍ଜୋଗ! ଯାହା ହେବାର ଥାଏ, ତାହା ହୁଏ ।’’ କେ.କେ ସିଂ ଆହୁରି ମଧ୍ୟ କହିଛନ୍ତି ଯେ ଅଙ୍କିତା ସୁଶାନ୍ତଙ୍କ ଜୀବନରେ ଥିବା ଏକ ମାତ୍ର ଝିଅ ଯାହାଙ୍କୁ ସେ ଜାଣିଥିଲେ ।

୨୦୦୯ରେ ସୁଶାନ୍ତ ଓ ଅଙ୍କିତା ପ୍ରଥମେ ଟିଭି ସିରିଏଲ୍ ‘ପବିତ୍ର ରିସ୍ତା’ର (Pavitra Rishta) ସେଟରେ ଦେଖା ହୋଇଥିଲେ । ଏହି ଟିଭି ସୋ’ ଉଭୟଙ୍କୁ ରାତାରାତି ତାରକା କରିଥିଲା । କିଛି ବର୍ଷ ପରେ ସୁଶାନ୍ତ ବଲିଉଡରେ ନିଜ କରିୟର ବନେଇବାକୁ ଏହି ସିରିଏଲ୍ ଛାଡିଥିଲେ, କିନ୍ତୁ ସେ ଅଙ୍କିତାଙ୍କ ସହ ୨୦୧୬ ପର୍ଯ୍ୟନ୍ତ ସମ୍ପର୍କରେ ରହିଥିଲେ ।

ଅଙ୍କିତାଙ୍କ ସହ ବ୍ରେକ୍-ଅପ୍ ହେବା ପରେ ସୁଶାନ୍ତ ‘ରାବତା' ଫିଲ୍ମରେ ତାଙ୍କ ସହ-ତାରକା କ୍ରିତି ସାନନଙ୍କୁ (Kriti Sanon) ଡେଟ୍ କରୁଥିବା ଶୁଣିବାକୁ ମିଳିଥିଲା । କିଛି ମାସ ପୂର୍ବରୁ ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କ (Rhea Chakraborty) ସହ ତାଙ୍କର ସମ୍ପର୍କ ଥିବା କୁହାଯାଉଥିଲା ।

ସୁଶାନ୍ତ ସିଂ ରାଜପୁତ ଓ କ୍ରିତି ସାନନ୍ ଏକାଠି ‘ରାବତା’ରେ କାମ କରିଥିଲେ।

ସୁଶାନ୍ତଙ୍କ ପିତା କେ.କେ. ସିଂ କହିଛନ୍ତି ଯେ ସେ ସୁଶାନ୍ତଙ୍କ ଠାରୁ ରିୟାଙ୍କ ବିଷୟରେ କେବେ କିଛି ଶୁଣି ନ ଥିଲେ । ସେ କହିଛନ୍ତି ଯେ ସୁଶାନ୍ତଙ୍କ ମୃତ୍ୟୁ ପୂର୍ବରୁ ସେ ତାଙ୍କ ସହ ବିବାହ ବିଷୟରେ କଥାବାର୍ତ୍ତା ହୋଇଥିଲେ ।

‘‘ସେ (ସୁଶାନ୍ତ) କହିଥିଲା ଯେ ଏବେ କରୋନା ଭାଇରସ୍ ସଂକ୍ରମଣ ସମୟରେ ତ ବାହା ହେବ ନାହିଁ । ୟା ପରେ ତା’ର ଗୋଟେ ଫିଲ୍ମ ଆସୁଛି ବୋଲି କହିଥିଲା । ସେହି ଫିଲ୍ମଟା ପରେ ଫେବୃଆରୀ-ମାର୍ଚ୍ଚରେ ବାହା ହୋଇପାରେ ବୋଲି ସେ କହିଥିଲା,’’ କେ.କେ. ସିଂ କହିଛନ୍ତି ବୋଲି ‘ବଲିଉଡ ଲାଇଫ’ରେ ପ୍ରକାଶିତ ହୋଇଛି ।

ଜୁନ୍ ୧୪ ତାରିଖରେ ମୁମ୍ବାଇରେ ନିଜ ଫ୍ଲାଟରେ ସୁଶାନ୍ତ ସିଂ ରାଜପୁତ ଆତ୍ମହତ୍ୟା କରିଥିଲେ (Sushant Singh Rajput Suicide)। ତାଙ୍କ ଫ୍ଲାଟରେ ଏକ ରୁମରେ ତାଙ୍କର ଝୁଲୁଥିବା ମୃତ ଦେହ ଦେଖିବାକୁ ମିଳିଥିଲା ।

ମାତ୍ର ୩୪ ବର୍ଷୀୟ ଏହି ଅଭିନେତା ଗତ କିଛି ମାସ ଧରି ଉଦାସୀନତା ଓ ଚାପରେ ଥିବା କୁହାଯାଉଛି ।

ତାଙ୍କ ଆତ୍ମହତ୍ୟା ମାମଲାରେ ଏ ପର୍ଯ୍ୟନ୍ତ ତଦନ୍ତ ଚାଲିଛି । ପୋଲିସ ରିୟା ଚକ୍ରବର୍ତ୍ତୀଙ୍କ ସମେତ ତାଙ୍କ ପରିବାର ସଦସ୍ୟ, ସୁଶାନ୍ତଙ୍କ ସହଯୋଗୀ, ହେଲପର୍ ଓ ଘନିଷ୍ଠ ବନ୍ଧୁମାନଙ୍କ ସହ ପଚରାଉଚରା କରୁଛି ।

ଅଙ୍କିତା ଲୋଖଣ୍ଡେ (Ankita Lokhande)

ଅଙ୍କିତା ଲୋଖଣ୍ଡେ (Ankita Lokhande)

ଅଙ୍କିତା ଲୋଖଣ୍ଡେ (Ankita Lokhande)

ଅଙ୍କିତା ଲୋଖଣ୍ଡେ (Ankita Lokhande) (ସବୁ ଫଟୋ ଇନଷ୍ଟାଗ୍ରାମରୁ)