ନୀତା ଅମ୍ବାନୀ ଓ ଝିଅ ଈଶା ଜିଓ ବିଶ୍ୱ ଗାର୍ଡେନରେ NGOରୁ ଆସିଥିବା ୪,୦୦୦ ପିଲାଙ୍କ ସହ କ୍ରିସ୍‌ମାସ୍‌ ପାଳନ କଲେ

ରିଲାଏନ୍ସ ଫାଉଣ୍ଡେସନର ଅଧ୍ୟକ୍ଷା ନୀତା ଅମ୍ବାନୀ ଓ ତାଙ୍କ ଝିଅ ଈଶା ଅମ୍ବାନୀ ପିରାମଲ ମୁମ୍ବାଇର ବାନ୍ଦ୍ରା କୁର୍ଲା କମ୍ପ୍ଲେକ୍ସରେ ଥିବା ଜିଓ ବିଶ୍ୱ ଗାର୍ଡେନରେ ବିଭିନ୍ନ NGOରୁ ଆସିଥିବା ୪,୦୦୦ ପିଲାଙ୍କ ସହିତ କ୍ରିସମାସ୍ ପାଳନ କରିଛନ୍ତି । ଏହି ଅବସରରେ ନୀତା ଓ ଈଶା ଭାରତର ସବୁଠୁ ଉଞ୍ଚା ସସ୍ଟେନେବ୍ଲ କ୍ରିସ୍‌ମାସ୍‌ ଟ୍ରିର ଆଲୁଅଗୁଡ଼ିକୁ ସ୍ୱିଚ୍‌ ଦବେଇ ଜଳେଇଥିଲେ ।

ଜିଓ ବିଶ୍ୱ ଗାର୍ଡେନକୁ ଆସି ପିଲାମାନେ ଖୁବ୍ ଖୁସି ହୋଇଥିବାର ଦେଖିବାକୁ ମିଳିଥିଲା । ନୀତା ଓ ଈଶା ବି ପିଲାମାନଙ୍କ ସହ ସମୟ ବିତେଇ ଭାରି ଖୁସି ହୋଇଥିଲେ ।

ଏହି ପାର୍ବଣ ଅବସର ପାଇଁ ନୀତା ଅମ୍ବାନୀ ଏକ ସରଳ ଅଥଚ଼ ଆଧୁନିକ ଢଙ୍ଗର ଡ୍ରେସ୍ ପିନ୍ଧି ଥିଲେ । ସେ ଗୋଟେ କଇଁଛ-ବେକବାଲା, ପୋଲ୍କା ଡଟ୍ ଥିବା ସବୁଜ ରଙ୍ଗର ସିଲ୍କ ସାର୍ଟ-ଟପ୍ ପିନ୍ଧିଥିଲେ । ସେହି ସାର୍ଟ-ଟପ୍ର ଗଳା ପାଖ ଅଂଶରେ ଟାଇର ଡିଟେଲ୍ ଥିଲା । ସେହି ଭବ୍ୟ ସାର୍ଟ-ଟପ୍ ସହିତ ନୀତା ହଳେ ନୀଳ ଡେନିମ୍ ଜିନ୍ସ ପିନ୍ଧିଥିଲେ । ଜିନ୍ସର ପାଦ ପାଖ ଅଂଶ ଫ୍ରେଏଡ୍ (ସୂତା ଖୋଲା) ଥିଲା । ନୀତା ନିଜ କେଶ ଖୋଲା ରଖି ଥିଲେ । କେଶରେ ସେ ସୁନ୍ଦର ଲାଗୁଥିବା କର୍ଲ ବନେଇ ଥିଲେ । ସେ ଆଖିରେ କଜଳ ଓ ଓଠରେ ଗୋଲାପି ଲିପ୍‌ଷ୍ଟିକ୍‌ ଲଗେଇଥିଲେ ।

ଈଶା ଅମ୍ବାନୀ ପିରାମଲ୍, ଯିଏ ରିଲାଏନ୍ସ ଜିଓର ନିର୍ଦ୍ଦେଶିକା, ସେ ଏହି ପାର୍ବଣ ଅବସରରେ ସମ୍ପୂର୍ଣ୍ଣ ଲାଲ୍ ରଙ୍ଗର ଡ୍ରେସ୍ ପିନ୍ଧିଥିଲେ ଓ ପିଲାମାନଙ୍କ ସହ ବେଶ୍ କିଛି ସମୟ ବିତେଇ ଥିଲେ । ଈଶା ପିନ୍ଧଥିବା ଲମ୍ବା, ଗାଢ଼ ଲାଲ ରଙ୍ଗର ଡ୍ରେସ୍ରେ ବଟନ୍ ସବୁ ଲାଗିଥିଲା ଓ ସେଥିରେ ଫୁଲିଲା ଫୁଲିଲା ସ୍ଲିଭ୍ ଥିଲା । ଏହି ବହମାନ ନାଲି ଡ୍ରେସ୍ ସହିତ ଈଶା ମ୍ୟାଚ୍ କରୁଥିବା ହଳେ ସୁନ୍ଦର ଇଅର୍ ରିଂ ଓ ହଳେ ଭିନ୍ନ ଭିନ୍ନ ରଙ୍ଗ ଥିବା ହାଇ ହିଲ୍ ପିନ୍ଧିଥିଲେ । ଇଶାଙ୍କ ଘନ କେଶ ଉନ୍ମୁକ୍ତ ଥିଲା ଓ ସେ ସାଇଡ୍ରେ ସିନ୍ଥି କାଟି ଥିଲେ । ଆଖିରେ ସେ କଜଳ ପିନ୍ଧିଥିଲେ ଓ ଶିଶିର ଭାବର ମେକ୍ଅପ୍ ହୋଇଥିଲେ, ମାତ୍ର ଓଠରେ ସେ ଲିପ୍‌ଷ୍ଟିକ୍‌ ଲଗେଇ ନ ଥିଲେ ।