Big Boss 14 ଘରେ ପ୍ରବେଶ କରିବେ ରାଖୀ ସାୱନ୍ତଙ୍କ ସ୍ୱାମୀ; ସଲମାନ ଖାଁଙ୍କୁ ପ୍ରଶଂସା କଲେ

ଟିଭିର ସବୁ ଠାରୁ ଲୋକପ୍ରିୟ ରିଆଲିଟି ଶୋ’ ‘ବିଗ୍ ବସ୍ ୧୪’ରେ (Bigg Boss 14) ନିଜ ପତ୍ନୀ ରାଖୀ ସାୱନ୍ତଙ୍କୁ (Rakhi Sawant) ସମର୍ଥନ କରିବାକୁ ରିତେଶ (Raki Sawant husband Ritesh) ଖୁବ୍‌ ଶୀଘ୍ର ଘରେ ପ୍ରବେଶ କରିବେ । News18 ସହିତ ତାଙ୍କର ଏକ ସ୍ୱତନ୍ତ୍ର ବାର୍ତ୍ତାଳାପ ହୋଇଛି ଓ ସେ କହିଛନ୍ତି ଯେ ଶୋ’ର ଆୟୋଜକଙ୍କ ସହ ତାଙ୍କର କଥାବାର୍ତ୍ତା ହୋଇଛି । ସେ ପ୍ରତିଯୋଗୀ ଭାବରେ ଶୀଘ୍ର ଶୋ’ରେ ପ୍ରବେଶ କରିବାକୁ ଯାଉଛନ୍ତି ।

ରିତେଶ କହିଛନ୍ତି ଯେ ଏହି ଶୋ’ର ଆୟୋଜକ ବର୍ତ୍ତମାନ ପର୍ଯ୍ୟନ୍ତ ଅନେକ ଥର ତାଙ୍କୁ ଶୋ’କୁ ଆସିବା ପାଇଁ ଖବର ପଠାଇଛନ୍ତି, କିନ୍ତୁ ବ୍ୟବସାୟ କାରଣରୁ ରିତେଶ ଏହି ଶୋ’କୁ ଆସିବାରେ ଅସମର୍ଥ ହୋଇଥିଲେ । ବ୍ୟବସାୟ ହେତୁ ସେ ସମୟ ପାଇ ନ ଥିଲେ । ରିତେଶ ପୂର୍ବରୁ ଜାନୁୟାରୀ ୪ ବା ୫ ପାଇଁ କଥା ହୋଇଥିଲେ, ହେଲେ ସମୟ ଅଭାବରୁ ସେ ଶୋ’ର ଆୟୋଜକଙ୍କୁ ଜାନୁଆରୀ ମାସର ଦ୍ୱିତୀୟ କିମ୍ବା ତୃତୀୟ ସପ୍ତାହରେ ତାଙ୍କୁ ଡାକିବାକୁ ଅନୁରୋଧ କରିଛନ୍ତି ।

<br />ଏହି ଶୋ’ର ହୋଷ୍ଟ ସଲମାନ ଖାନଙ୍କୁ (Salman Khan) ମଧ୍ୟ ରିତେଶ ପ୍ରଶଂସା କରିଛନ୍ତି । ସେ କହିଛନ୍ତି ଯେ ସଲମାନ ଜଣେ ପ୍ରକୃତ ପରାମର୍ଶଦାତା, ଯିଏ ଗତ ସପ୍ତାହରେ ରାଖୀଙ୍କୁ ସମର୍ଥନ କରିଥିଲେ । ସେ କହିଛନ୍ତି, ‘‘ମୁଁ ବର୍ତ୍ତମାନ ପର୍ଯ୍ୟନ୍ତ ଅନେକ ହଲିଉଡ ଓ ବଲିଉଡ ତାରକାଙ୍କୁ ଭେଟିଛି, କିନ୍ତୁ ସଲମାନ ଖାନଙ୍କ ପରି କୌଣସି ବୁଦ୍ଧିମାନ ବ୍ୟକ୍ତି ନାହାଁନ୍ତି । ସେ ତାଙ୍କ ଶୋ’ର ନ୍ୟୁଆନ୍ସକୁ ବହୁତ ଭଲ ଭାବରେ ଜାଣିଛନ୍ତି । ସଲମାନ ଖାନ ମୋତେ ବହୁତ ପ୍ରଭାବିତ କରିଛନ୍ତି ।’’

ରିତେଶ ଆହୁରି କହିଛନ୍ତି ଯେ ସେ ଏହି ଶୋ’ ଭିତରେ ପୁରା ଯୋଜନା ସହିତ ପ୍ରବେଶ କରିବାକୁ ଯାଉଛନ୍ତି । ସେ ଶୋ’ରେ କେବଳ ନିଜ ପତ୍ନୀ ରାଖୀଙ୍କୁ ସମର୍ଥନ କରିବେ ନାହିଁ । ଯିଏ ତାଙ୍କ ସାହାଯ୍ୟ ଆବଶ୍ୟକ କରିବ ସେ ସମସ୍ତଙ୍କୁ ସାହାଯ୍ୟ କରିବେ । ଅର୍ଥାତ୍ ଏଥିରୁ ସ୍ପଷ୍ଟ ହେଉଛି ଯେ ବିଗ୍‌ ବସର ଘର ଭିତରେ ପ୍ରବେଶ କରିବା ପରେ ସେ ଏକ ଅଲଗା ଗୋଷ୍ଠୀ ଗଠନ କରିପାରନ୍ତି ।

ଯେତେବେଳେ ରିତେଶଙ୍କୁ ପଚରାଯାଇଥିଲା ଯେ ଯଦି ସେ ଘରର ଜଣେ ସଦସ୍ୟଙ୍କୁ ହଟାଇବାକୁ ପଡ଼େ ତ ସେ କାହାକୁ ବାହାର କରିବେ, ଉତ୍ତରରେ ସେ ସ୍ପଷ୍ଟ ଭାବରେ କହିଥିଲେ ଯେ ନିକି ତାମ୍ବୋଲି ଅଧିକ ବିଶୃଙ୍ଖଳିତ ଥିବାରୁ ତାଙ୍କୁ ବାହାର କରିବାକୁ ଚାହିଁବେ । ‘‘ନିକି ଜାଣନ୍ତି ନାହିଁ କିପରି ଓ କାହା ସହିତ କେମିତି କଥାବାର୍ତ୍ତା କରାଯାଏ,’’ ସେ କହିଛନ୍ତି । ଯେହେତୁ ରିତେଶ ଜଣେ ଭଲ ବ୍ୟବସାୟୀ ଓ ତାଙ୍କର ପରିଚାଳନା ବିଷୟରେ ଭଲ ଜ୍ଞାନ ଅଛି, ତେଣୁ ଯେବେ ବି ସେ ବିଗ୍‌ ବସର ଘରେ ପ୍ରବେଶ କରିବେ ସେ ସବୁ କଥାକୁ ବହୁତ ଭଲ ଭାବରେ ପରିଚାଳନା କରିବାରେ ସମର୍ଥ ହେବେ ବୋଲି ଆଶା କରାଯାଉଛି । (ସବୁ ଫଟୋ ସୌଜନ୍ୟ: ଇନଷ୍ଟାଗ୍ରାମ @ rakhisawant2511)