‘କୁଛ୍ କୁଛ୍ ହୋତା ହୈ’ ଫିଲ୍ମର ସେହି ବଚ୍ଚା ସର୍ଦ୍ଦାର୍ ବଡ଼ ହେଲେ; ଗର୍ଲଫ୍ରେଣ୍ଡକୁ ବାହା ହେଲେ - PHOTOS

ଆପଣ ନିଶ୍ଚିତ ଶାହରୁଖ ଖାନ, କାଜୋଲ ଓ ରାଣୀ ମୁଖାର୍ଜୀଙ୍କ ଫିଲ୍ମ ‘କୁଛ୍‌ କୁଛ୍‌ ହୋତା ହୈ’ ଦେଖିଥିବେ । ଏହି ଫିଲ୍ମର ପ୍ରତି ଚରିତ୍ରକୁ ଦର୍ଶକଙ୍କ ବହୁତ ଭଲପାଇବା ମିଳିଥିଲା ।

ସେହି ଫିଲ୍ମରେ ଏକ ସର୍ଦ୍ଦାର୍‌ (ସିଖ୍‌) ପିଲା ଭୂମିକାରେ ଅଭିନୟ କରିଥିବା ପରଜାନ ଦସ୍ତୁରଙ୍କୁ (Parzaan Dastur) ଖୁବ୍‌ ଲୋକପ୍ରିୟତା ମିଳିଥିଲା । ଫିଲ୍ମର ଅନ୍ତରେ ତାଙ୍କର ଏକ ସଂଳାପ ବେଶ୍ ପ୍ରସିଦ୍ଧ ହୋଇଥିଲା । ‘‘ତୁସୀ ଜା ରହେ ହୋ… ତୁସୀ ନା ଜାଓ’’ (ତୁମେ ଚାଲିଯାଉଛ… ତୁମେ ଯାଅ ନାହିଁ) ସଂଳାପଟି ସାଧାରଣ ଲୋକଙ୍କ ମନ ଭିତରେ ଏବେ ବି ଅଛି ।

ପରଜାନ ଦସ୍ତୁରଙ୍କୁ ଏବେ ୨୯ ବର୍ଷ ବୟସ ଓ ସେ ତାଙ୍କର ଦୀର୍ଘ ଦିନର ଗର୍ଲଫ୍ରେଣ୍ଡ ଡେଲନା ଶ୍ରଫଙ୍କୁ (Delna Shroff) ବିବାହ କରିଛନ୍ତି । (ଫଟୋ: ପରଜନ ଦସ୍ତୁରଙ୍କ ଇନଷ୍ଟାଗ୍ରାମରୁ)

ଦୁହେଁ ଦୀର୍ଘ ସମୟ ଧରି ପରସ୍ପରକୁ ଜାଣିଥିଲେ । ଉଭୟ ପାରମ୍ପାରିକ ପାର୍ସୀ ଶୈଳୀରେ ବିବାହ କରିଛନ୍ତି ।

ବିବାହ ଉତ୍ସବରେ ପରଜାନ ଏକ ଧଳା କୁର୍ତ୍ତା ପାଇଜାମା ଓ ଟୋପି ପିନ୍ଧିଥିବା ବେଳେ ତାଙ୍କ ପତ୍ନୀ ଏକ ମେରୁନ୍‌ ସାଢ଼ୀରେ ନଜର ଆସିଥିଲେ ।

ପରଜାନ ନିଜ ଇନଷ୍ଟାଗ୍ରାମ ଆକାଉଣ୍ଟରେ ତାଙ୍କ ବିବାହର ଫଟୋ ଶେୟାର କରିଛନ୍ତି । ସେ ଡେଲନାଙ୍କ ସହ ପୂର୍ବର ଅନେକ ଫଟୋ ବି ଶେୟାର କରିଛନ୍ତି ।

ଅକ୍ଟୋବରରେ ସେ ଡେଲ୍‌ନାଙ୍କ ସହ ଏକ ଫଟୋ ଶେୟାର କରିଥିଲେ ଯେଉଁଥିରେ ସେ ଆଣ୍ଠେଇ ବସି ଡେଲ୍‌ନାଙ୍କୁ ବିବାହ ପ୍ରସ୍ତାବ ଦେଉଥିବାର (ପ୍ରପୋଜ୍‌ କରୁଥିବା) ନଜର ଆସିଥିଲେ । (ସବୁ ଫଟୋ: ପରଜାନ ଦସ୍ତୁରଙ୍କ ଇନଷ୍ଟାଗ୍ରାମରୁ)