୧୦ ଲକ୍ଷ ଘର ଜଳମଗ୍ନ, ୧୧୩୬ ଜଣ ପ୍ରାଣ ହରାଇଛନ୍ତି; ଫଟୋରେ ଦେଖନ୍ତୁ ପାକିସ୍ତାନର ବନ୍ୟା ପରିସ୍ଥିତି

ପାକିସ୍ତାନରେ ବନ୍ୟା ପରିସ୍ଥିତି ସୃଷ୍ଟି ହୋଇଛି। ଦେଶରେ ପ୍ରବଳ ବର୍ଷା ଯୋଗୁଁ ସୃଷ୍ଟି ହୋଇଥିବା ଭୟଙ୍କର ବନ୍ୟାରେ ମୃତ୍ୟୁ ସଂଖ୍ୟା ସୋମବାର ଦିନ ୧୧୦୦ରୁ ବୃଦ୍ଧି ପାଇ ୧୬୦୦ରୁ ଅଧିକ ଲୋକ ଆହତ ହୋଇଥିବା କୁହାଯାଉଛି। (PC-PTI)

ପାକିସ୍ତାନର ପ୍ରାକୃତିକ ବିପର୍ଯ୍ୟୟର ମୁକାବିଲା ପାଇଁ ମୁଖ୍ୟ ସଙ୍ଗଠନ ଜାତୀୟ ବିପର୍ଯ୍ୟୟ ପରିଚାଳନା ପ୍ରାଧିକରଣ ଦ୍ବାରା ସୋମବାର ପ୍ରକାଶିତ ସର୍ବଶେଷ ତଥ୍ୟ ଅନୁଯାୟୀ ବନ୍ୟା ଯୋଗୁଁ ଅତି କମରେ ୧୧୩୬ ଜଣଙ୍କର ମୃତ୍ୟୁ ଘଟିଥିବା ବେଳେ ୧୬୩୪ ଜଣ ଆହତ ହୋଇଛନ୍ତି। (PC-PTI)

କର୍ତ୍ତୃପକ୍ଷ କହିଛନ୍ତି ଯେ ପ୍ରାୟ ୯,୯୨,୮୭୧ ଘର ସମ୍ପୂର୍ଣ୍ଣ କିମ୍ବା ଆଂଶିକ କ୍ଷତିଗ୍ରସ୍ତ ହୋଇଛି, ଲକ୍ଷ ଲକ୍ଷ ଲୋକ ଖାଦ୍ୟ ଓ ବିଶୁଦ୍ଧ ପାନୀୟ ଜଳରୁ ବଞ୍ଚିତ ହୋଇଛନ୍ତି। ଏହା ସହିତ ପ୍ରାୟ ୭.୧୯ ଲକ୍ଷ ପ୍ରାଣୀ ମଧ୍ୟ ପ୍ରାଣ ହରାଇଛନ୍ତି ଓ ଲଗାତାର ବର୍ଷା ହେତୁ ଲକ୍ଷ ଏକର ଉର୍ବର ଜମି ଜଳମଗ୍ନ ହୋଇଛି। (PC-PTI)

ବନ୍ୟା ପରିସ୍ଥିତିକୁ ଆକଳନ କରାଯାଇପାରେ ଯେ ୩୩ ମିଲିୟନ ଲୋକ ଅର୍ଥାତ୍ ଦେଶର ସମୁଦାୟ ଜନସଂଖ୍ୟାର ପ୍ରାୟ ଏକ ସପ୍ତମ ଲୋକଙ୍କୁ ବିସ୍ଥାପିତ ହେବାକୁ ପଡ଼ିଛି। (PC-PTI)

ପାକିସ୍ତାନର ଜଳବାୟୁ ପରିବର୍ତ୍ତନ ମନ୍ତ୍ରୀ ଶେରି ରେହମାନ ଏହାକୁ "ଦଶନ୍ଧିର ସବୁଠାରୁ ଖରାପ ମୌସୁମୀ" ବୋଲି କହିଥିବାବେଳେ ଅର୍ଥମନ୍ତ୍ରୀ ମିଫ୍ତା ଇସମାଇଲ କହିଛନ୍ତି ଯେ ଏହି ବନ୍ୟା ପରିସ୍ଥିତି ପାକିସ୍ତାନର ୧୦ ବିଲିୟନ ଆମେରିକୀୟ ଡଲାରର ଅର୍ଥନୀତିରେ କ୍ଷତି ଘଟାଇଛି। (PC-PTI)

ଖାଇବର ପାଖ୍ଟନଖୱା ପ୍ରଦେଶର ହଜାର ହଜାର ଗାଁ ଦେଶର ଅନ୍ୟାନ୍ୟ ସ୍ଥାନରୁ କଟି ଯିବା ସହ ନଦୀ, ସଡ଼କ ଓ ସେତୁ ନଷ୍ଟ ହୋଇଯାଇଥିବାରୁ ମୃତ୍ୟୁ ସଂଖ୍ୟା ଅଧିକ ହୋଇପାରେ।