ବର୍ତ୍ତମାନ Whatsapp ମାଧ୍ୟମରେ ବୁକ୍ କରନ୍ତୁ Gas Cylinder; ଜାଣନ୍ତୁ ବୁକିଂ କରିବାର ନମ୍ବର ଓ ପଦ୍ଧତି
ଆଜିକାଲି ସମସ୍ତ କାର୍ଯ୍ୟ ଅନଲାଇନରେ କରାଯାଉଛି । ଯଦି ଆପଣଙ୍କର ଫୋନରେ ହ୍ବାଟସଆପ୍ ଅଛି ତେବେ ଆପଣ ଏହା ଦ୍ୱାରା ଅନେକ କାର୍ଯ୍ୟ କରି ପାରିବେ । ଯେପରି ପେମେଣ୍ଟ କରିବା, ସାମଗ୍ରୀ କିଣିବା, ବୁକ୍ କରିବା, ଏହିପରି ଅନେକ ଜିନିଷ । ସେହିଭଳି ହ୍ବାଟସଆପ୍ ସାହାଯ୍ୟରେ ଆପଣ ବର୍ତ୍ତମାନ ଗ୍ୟାସ୍ ସିଲିଣ୍ଡର ମଧ୍ୟ ବୁକ୍ କରିପାରିବେ । ଜାଣନ୍ତୁ ହ୍ବାଟସଆପ୍ ମାଧ୍ୟମରେ ଗ୍ୟାସ୍ ସିଲିଣ୍ଡର ବୁକିଂ ପ୍ରକ୍ରିୟା ..
ଇଣ୍ଡେନ୍(Indane) ୟୁଜର୍ସ ହ୍ବାଟସଆପରେ ଗ୍ୟାସ୍ ସିଲିଣ୍ଡର ଏହିପରି ଭାବେ ବୁକ୍ କରିପାରିବେ: ଗ୍ୟାସ୍ ସିଲିଣ୍ଡର ବୁକ୍ କରିବାକୁ ଆପଣଙ୍କୁ ଆଉ ପଞ୍ଜୀକୃତ ନମ୍ବରରୁ କଲ କରିବାକୁ ପଡିବ ନାହିଁ । ଏହି କାର୍ଯ୍ୟ କେବଳ ଗୋଟିଏ ବାର୍ତ୍ତା ମାଧ୍ୟମରେ କରାଯାଇ ପାରିବ । ଏଥିପାଇଁ ସମସ୍ତ ଗ୍ୟାସ କମ୍ପାନୀ ଦ୍ୱାରା ଏହି ସଂଖ୍ୟା ଜାରି କରାଯାଇଛି । ଆପଣଙ୍କୁ କେବଳ REFILL ଟାଇପ୍ କରି ପଠାଇବାକୁ ପଡ଼ିବ । ହ୍ବାଟସଆପ୍ ସାହାଯ୍ୟରେ ବୁକ୍ କରିବାର ସ୍ଥିତି ମଧ୍ୟ ସହଜରେ ଜାଣିପାରିବେ ।
ବୁକ୍ କିପରି କରିବେ: ମନେରଖନ୍ତୁ ଯେ ଏହି ବୁକିଂ କରିବାକୁ ଆପଣଙ୍କୁ ନମ୍ବରରେ ଏକ ମେସେଜ୍ ପଠାଇବାକୁ ପଡ଼ିବ, ଯେଉଁ ନମ୍ବରକୁ ଆପଣ ଏଜେନ୍ସିରେ ପଞ୍ଜିକୃତ କରିଛନ୍ତି । ଯଦି ଆପଣ ଅନ୍ୟ ଏକ ନମ୍ବରରେ ମେସେଜ୍ କରନ୍ତି ତେବେ ଏହା କାମ କରିବ ନାହିଁ । ଏପରି ପରିସ୍ଥିତିରେ ଆପଣଙ୍କୁ ପଞ୍ଜୀକୃତ ନମ୍ବର ହ୍ବାଟସଆପରେ REFILL ଲେଖି 7588888824 ନମ୍ବରକୁ ପଠାଇବାକୁ ପଡ଼ିବ ।
ଏହାର ସ୍ଥିତି କିପରି ଜାଣିବେ: ଯଦି ଆପଣଙ୍କର ବୁକିଂ ସରିଛି ଓ ଆପଣ ଏହାର ସ୍ଥିତି ଜାଣିବାକୁ ଚାହୁଁଛନ୍ତି ତେବେ ହ୍ବାଟସଆପରେ ମଧ୍ୟ ଏହି ସୁବିଧା ଉପଲବ୍ଧ ରହିଛି । ଏଥିପାଇଁ ଆପଣଙ୍କୁ ପଞ୍ଜୀକୃତ ମୋବାଇଲ୍ ନମ୍ବରରୁ STATUS # ଟାଇପ୍ କରିବାକୁ ପଡ଼ିବ ତା’ପରେ ଅର୍ଡ଼ର ନମ୍ବର ଯାହା ଆପଣ ବୁକିଂ କରିବା ପରେ ପାଈଥିବେ ତାକୁ ଟାଇପ୍ କରିବାକୁ ପଡ଼ିବ । ଉଦାହରଣ ସ୍ୱରୂପ ଯଦି ଆପଣଙ୍କର ବୁକିଂ ନମ୍ବର 12345 ଅଟେ ତେବେ ଆପଣଙ୍କୁ STATUS # 12345 ଟାଇପ୍ କରି 7588888824 ନମ୍ବରରେ ପଠାଇବାକୁ ପଡ଼ିବ । ମନେରଖନ୍ତୁ ଯେ STATUS # ଓ ଅର୍ଡର ନମ୍ବର ମଧ୍ୟରେ କୌଣସି ସ୍ପେସ ଦେବେନାହିଁ ।
