ଗୋପନରେ ଚାଲିଥିଲା ପ୍ରେମ; ଅଷ୍ଟମ ଶ୍ରେଣୀର ଛାତ୍ର ସହ ପଳେଇଗଲେ ୩ ପିଲାଙ୍କ ମା’

• ପ୍ରେମ ପାଇଁ କୌଣସି ବୟସ ନ ଥାଏ ବୋଲି କୁହାଯାଏ, ହେଲେ ଏଥି ପାଇଁ ଲୋକଲଜ୍ଜା ଓ ନିଜ ସାଥୀଙ୍କ ବୟସ ବିଷୟରେ ଧ୍ୟାନ ଦେବା ଉଚିତ ବୋଲି ବି କୁହାଯାଏ । ଜଣେ ୨୯ ବର୍ଷୀୟା ବିବାହିତା ମହିଳା ଅଷ୍ଟମ ଶ୍ରେଣୀରେ ପଢୁଥିବା ୧୫ ବର୍ଷୀୟ ବାଳକ ସହିତ ପ୍ରେମରେ ପଡ଼ି ଘରୁ ପଳେଇଯାଇଥିବା ପରି ଚାଞ୍ଚଲ୍ୟକର ଖବର ଆସିଛି । (ପ୍ରତୀକାତ୍ମକ ଛବି)

• ମହିଳା ତିନି ପିଲାଙ୍କ ମା’ । ସେ ଓ ଅଷ୍ଟମ ଶ୍ରେଣୀର ଛାତ୍ର ଗୋଟିଏ ମେଳାରୁ ନିଖୋଜ ହୋଇଯିବା ପରେ ଉଭୟଙ୍କ ପରିବାର ସେମାନଙ୍କୁ ଖୋଜିବା ଆରମ୍ଭ କରିଥିଲେ । ବାଳକର ପରିବାର ଥାନାରେ ଏକ ଏତାଲା ଦେଇଥିଲା । ଏହି ଘଟଣା ଘଟିଥିଲା ଉତ୍ତର ପ୍ରଦେଶର ଗୋରଖପୁରରେ । (ପ୍ରତୀକାତ୍ମକ ଛବି)

• ଏହି ମହିଳା ଓ ଅଷ୍ଟମ ଶ୍ରେଣୀର ଛାତ୍ର ଗତ ବର୍ଷେ ଧରି ପ୍ରେମ ସମ୍ପର୍କରେ ଥିଲେ ବୋଲି ସେମାନଙ୍କୁ ଜାଣିଥିବା ଲୋକେ ପୋଲିସକୁ କହିଥିଲେ । ସେମାନଙ୍କ ମଧ୍ୟରେ ଥିବା ବୟସର ତାରତମ୍ୟ ଯୋଗୁଁ କେହି ସେମାନଙ୍କୁ ସନ୍ଦେହ କରି ନ ଥିଲେ ବୋଲି ସେମାନେ କହିଥିଲେ । (ପ୍ରତୀକାତ୍ମକ ଛବି)

• ଉଭୟଙ୍କ ପରିବାର ସେମାନଙ୍କୁ ତିନି ଦିନ ପର୍ଯ୍ୟନ୍ତ ଖୋଜିବା ପରେ ପୋଲିସ ନିକଟରେ ପହଞ୍ଚିଥିଲେ । (ପ୍ରତୀକାତ୍ମକ ଛବି)

• ଥାନାରେ ଏ ସଂକ୍ରାନ୍ତରେ ଏକ ପ୍ରଥମ ସୂଚନା ରିପୋର୍ଟ (ଏଫ୍‌.ଆଇ.ଆର୍‌.) ଦାଖଲ ହେବା ପରେ ପୋଲିସ ତଦନ୍ତ ଆରମ୍ଭ କରିଥିଲା । (ପ୍ରତୀକାତ୍ମକ ଛବି)

• ବାଳକର ପରିବାରର ଅଭିଯୋଗ ଉପରେ ମହିଳାଙ୍କ ବିରୋଧରେ ଆଇପିସିର ଦଫା ୩୬୩ (ଅପହରଣ) ଓ ୩୬୫ (କାହାକୁ ଲୁଚେଇ ରଖିବା ଉଦ୍ଦେଶ୍ୟରେ ଅପହରଣ) ଅଧୀନରେ ମାମଲା ରୁଜୁ କରାଯାଇଥିଲା। (ପ୍ରତୀକାତ୍ମକ ଛବି)

ମହିଳା ଜଣକ ତିନି ଛୋଟ ଛୋଟ ପିଲାଙ୍କର ମା’ । ତାଙ୍କ ସ୍ୱାମୀ ପୋଲିସକୁ କହିଛନ୍ତି ଯେ ତାଙ୍କ ପ୍ରତି ମହିଳାଙ୍କ ଆଚରଣ କିଛି ଦିନ ହେଲା ବଦଳି ଯାଇଥିଲା, କିନ୍ତୁ ସେ ଏପରି ଘଟଣା ଘଟିବ ବୋଲି କଳ୍ପନା କରି ନ ଥିଲେ । (ପ୍ରତୀକାତ୍ମକ ଛବି)

ପୋଲିସ ମହିଳା ଓ ଛାତ୍ରକୁ ଖୋଜିବା ଜାରି ରଖିଛି । ଏ ପର୍ଯ୍ୟନ୍ତ ସେମାନଙ୍କର ପତ୍ତା ମିଳିନାହିଁ । (ଫଟୋ: ପିଟିଆଇ)