ୟେ ଆଉ ଜଣେ IAS-IPS ଦମ୍ପତି; ଯିଏ ସମୟ ଅଭାବରୁ କରିଥିଲେ ନିଆରା ବିବାହ
IAS-IPS Love Story: ବିହାର କ୍ୟାଡରର ଆଇପିଏସ୍ ଅଧିକାରୀ ନବଜୋତ ସିମିଙ୍କୁ ନେଇ ନିକଟରେ ବେଶ୍ ଚର୍ଚ୍ଚାରେ ହୋଇଥିଲା। ବିବାହର ତିନି ବର୍ଷ ପୂରଣ ହେବା ଅବସରରେ ସେ ନିଜ ବିବାହର କିଛି ଫଟୋ ସୋସିଆଲ ମିଡ଼ିଆରେ ସେୟାର କରିଥିଲେ, ଯାହାକୁ ଲୋକ ବହୁତ ପସନ୍ଦ ମଧ୍ୟ କରିଛନ୍ତି। ନବଜୋତ ସିମି ଏବଂ ତାଙ୍କ ସ୍ୱାମୀ ତୁଷାର ସିଙ୍ଗଲାଙ୍କ ପ୍ରେମ କାହାଣୀ ଚମତ୍କାର ଥିଲା, ଯାହା ବିଷୟରେ ଆମେ ଆଜି ଆପଣଙ୍କୁ କହିବାକୁ ଯାଉଛୁ। ପ୍ରଥମେ କର୍ତ୍ତବ୍ୟ ପରେ ବ୍ୟକ୍ତିଗତ ଜୀବନ ବିଷୟରେ ଭାବିଥିଲେ ଏହି ଯୋଡି।
ବର୍ତ୍ତମାନ ଆଇପିଏସ ନବଜୋତ ସିମି ବିହାର କ୍ୟାଡରର ପାଟନାରେ ଡିଏସପି ପଦରେ ଅଛନ୍ତି। ୨୦୧୮ରେ, ସେ ତାଙ୍କର ଦ୍ୱିତୀୟ ପ୍ରୟାସରେ UPSCର ସିଭିଲ୍ ସର୍ଭିସେସ୍ ପରୀକ୍ଷାରେ ଉତ୍ତୀର୍ଣ୍ଣ ହୋଇଥିଲେ। ଅନ୍ୟପକ୍ଷରେ, ତାଙ୍କ ସ୍ୱାମୀ ଆଇଏଏସ୍ ତୁଷାର ସିଙ୍ଗଲା ୨୦୧୫ ବ୍ୟାଚର IAS ଅଧିକାରୀ ଏବଂ ବର୍ତ୍ତମାନ ବେଙ୍ଗାଲୁରୁ କ୍ୟାଡରରେ ପୋଷ୍ଟ ହୋଇଛନ୍ତି। ଉଭୟ ନବଜୋତ ଏବଂ ତୁଷାର ସିଙ୍ଗଲା ପଞ୍ଜାବର ବାସିନ୍ଦା।
ତେବେ ବିବାହ ପାଇଁ ବ୍ୟସ୍ତବହୁଳ କାର୍ଯ୍ୟସୂଚୀରୁ ଉଭୟ ନବଜୋତ ଏବଂ ତୁଷାର ସମୟ ବାହାର କରିପାରିନଥିଲେ। ଏହି କାରଣରୁ, ଭାଲେଣ୍ଟାଇନ୍ସ ଡେ ଅବସରରେ ନାବଜୋତ ୨୦୨୦ ଫେବୃଆରୀ ୧୪ରେ ପଶ୍ଚିମବଙ୍ଗରେ ପହଞ୍ଚିଥିଲେ। ଏଥିସହିତ ତାଙ୍କର କିଛି ଘନିଷ୍ଠ ବନ୍ଧୁଙ୍କ ଉପସ୍ଥିତିରେ ସେ ନିଜ କାର୍ଯ୍ୟାଳୟରେ ଆଇଏଏସ୍ ତୁଷାର ସିଙ୍ଗଲାଙ୍କ ସହ ରେଜିଷ୍ଟର ବିବାହ କରିଥିଲେ। ତେବେ ଏହା ପରେ ଦୁହେଁ ସମୟ ବାହାର କରି ମନ୍ଦିରରେ ମଧ୍ୟ ବିବାହ କରିଥିଲେ, ଯାହାର ଫଟୋ ଏହି ଭାଲେଣ୍ଟାଇନ୍ସ ଡେ ଅବସରରେ ସୋସିଆଲ ମିଡ଼ିଆରେ ନବଜୋତ ସିମି ସେୟାର କରିଥିଲେ।
