ପ୍ରେମ ପାଇଁ ରାଜ ବଂଶ ଛାଡ଼ିଲେ ଜାପାନର ରାଜକୁମାରୀ; ସାଧାରଣ ବ୍ୟକ୍ତିଙ୍କୁ କରିବେ ବିବାହ

ଜାପାନର ରାଜକୁମାରୀ ମାକୋ (Princess Mako of Akishino) ରାଜବଂଶ ନୁହେଁ ବରଂ ଜଣେ ସାଧାରଣ ନାଗରିକଙ୍କୁ ବିବାହ କରିବାକୁ ଯାଉଛନ୍ତି । ମାକୋ ତାଙ୍କ ପ୍ରେମିକ ପାଇଁ ସାତ ଥର ବିବାହକ ଭାଙ୍ଗି ସାରିଛନ୍ତି । ତାଙ୍କୁ ରାଜ ପରିବାରରୁ ପ୍ରାୟ ୯.୧୦ କୋଟି (୧୩.୭୦ କୋଟି ୟେନ୍) କ୍ଷତିପୂରଣ ମିଳିବ । ହେଲେ ମାକୋ କ୍ଷତିପୂରଣ ଗ୍ରହଣ କରିବାକୁ ମନା କରି ଦେଇଛନ୍ତି।

୨୯ ବର୍ଷୀୟ ରାଜକୁମାରୀ ମାକୋ ଜାପାନର ରାଜା ନାରୁହିତୋଙ୍କ ଭାଇ ପ୍ରିନ୍ସ ଅକିଶିନୋଙ୍କ ଝିଅ । ସେ ତାଙ୍କ ପ୍ରେମିକା କୋମୁରୋଙ୍କୁ ବିବାହ କରିବାକୁ ନିଷ୍ପତ୍ତି ନେଇଛନ୍ତି। ବିବାହ ପରେ ସେମାନେ ଆମେରିକାରେ ବସବାସ କରିବାକୁ ଚାହୁଁଛନ୍ତି । ଏହି ବିବାହ କେବେ ହେବ, ତାହା ଏ ପର୍ଯ୍ୟନ୍ତ ପ୍ରକାଶ କରାଯାଇ ନାହିଁ । ତେବେ ରାଜ ପରିବାର ମଧ୍ୟ ଏହି ବିବାହ ପାଇଁ ରାଜି ହୋଇଛନ୍ତି ବୋଲି ଶୁଣିବାକୁ ମିଳୁଛି ।

ରାଜକୁମାରୀ ମାକୋଙ୍କ ପ୍ରେମିକା କୋମୁରୋ ଆମେରିକାରେ ଆଇନ ଅଧ୍ୟୟନ କରୁଛନ୍ତି । କୋମୁରୋଙ୍କ ବିଷୟରେ କୁହାଯାଇଛି ଯେ ସେ ସ୍କାଏକିଂ, ବାଦ୍ୟ ବଜାଇବା ଓ ରାନ୍ଧିବାକୁ ଭଲ ପାଆନ୍ତି । ସମୁଦ୍ର କୂଳରେ ପର୍ଯ୍ୟଟନକୁ ପ୍ରୋତ୍ସାହିତ କରିବା ପାଇଁ ସେ 'ପ୍ରିନ୍ସ ଅଫ ଦ ସି' ଭାବରେ କାର୍ଯ୍ୟ କରନ୍ତି ।

ମାକୋ କହିଛନ୍ତି ଯେ ହୃଦୟରେ ସମ୍ମାନର ସହିତ ଜୀବନଯାପନ କରିବା ଆମ ପାଇଁ ବିବାହ ଏକ ଆବଶ୍ୟକୀୟ ବିକଳ୍ପ । ସେ କହିଛନ୍ତି, ‘‘ଆମେ ଦୁହେଁ ପରସ୍ପର ଠାରୁ ଅଲଗା ହୋଇପାରିବା ନାହିଁ ଓ ଖରାପ ସମୟରେ ପରସ୍ପରକୁ ସହ ରହିପାରିବୁ ।’’

ରାଜକୁମାରୀ ମାକୋଙ୍କୁ ନେଇ କୁହାଯାଇଛି ଯେ ତାଙ୍କ ପ୍ରେମିକା କୋମୁରୋ ୨୦୧୩ ଡିସେମ୍ବରରେ ଏକ ରାତ୍ରୀ ଭୋଜନ ସମୟରେ ତାଙ୍କୁ ବିବାହ ପ୍ରସ୍ତାବ ଦେଇଥିଲେ । ଉଭୟ ନିଜ ପ୍ରେମକୁ ଦୀର୍ଘ ସମୟ ପର୍ଯ୍ୟନ୍ତ ପରିବାରଠୁ ଲୁଚାଇ ରଖିଥିଲେ । ତା’ପରେ ରାଜକୁମାରୀ ବ୍ରିଟେନରେ ପଢିବାକୁ ଚାଲି ଯାଇଥିଲେ ।

୨୦୧୭ ମସିହାରେ, ମାକୋ ଘୋଷଣା କରିଥିଲେ ଯେ ସେ ନଭେମ୍ବର ୨୦୧୮ରେ ବିବାହ କରିବାକୁ ଯାଉଛନ୍ତି, କିନ୍ତୁ ଏହି ମାସରେ ସେ ବିବାହକୁ ୨୦୨୦ କୁ ସ୍ଥଗିତ ରଖିଥିଲେ । ମାକୋ ତାଙ୍କ ପ୍ରେମିକ କୋମୁରୋଙ୍କୁ ଏତେ ଭଲପାଉଛନ୍ତି ଯେ ସେ ପୂର୍ବରୁ ଆସିଥିବା ସାତଟି ବିବାହ ପ୍ରସ୍ତାବକୁ ପ୍ରତ୍ୟାଖ୍ୟାନ କରିଥିଲେ ।

ରାଜକୁମାରୀ ମାକୋଙ୍କ ପିଉସୀ ରାଜବଂଶର ଶେଷ ସଦସ୍ୟ ଥିଲେ । ୨୦୦୫ରେ, ରାଜକୁମାରୀ ସାୟାକୋ ରାଜଧାନୀ ଟୋକିଓର ଜଣେ ଅଧିକାରୀଙ୍କୁ ବିବାହ କରିଥିଲେ । ଦୁହେଁ ପରସ୍ପର ସହିତ ଅଧ୍ୟୟନ କରୁଥିଲେ, ଯେବେ ଦୁଇଜଣଙ୍କ ମଧ୍ୟରେ ପ୍ରେମ ସମ୍ପର୍କ ସୃଷ୍ଟି ହୋଇଥିଲା । ଏହା ପରେ ଦୁଇଜଣ ବିବାହ ବନ୍ଧନରେ ଆବଦ୍ଧ ହୋଇଥିଲେ ।

ଜାପାନ ରାଜବଂଶରେ କେବଳ ପୁରୁଷମାନେ ସିଂହାସନର ଉତ୍ତରାଧିକାରୀ ହୋଇପାରନ୍ତିଯ । ଏହି ପରିପ୍ରେକ୍ଷୀରେ, ରାଜକୁମାରୀ ମାକୋଙ୍କ ୧୪ ବର୍ଷୀୟ ସାନ ଭାଇ ପ୍ରିନ୍ସ ହିସାହିତୋ ବର୍ତ୍ତମାନ ତାଙ୍କ ପିତା ଅକିଶିନୋଙ୍କ ବ୍ୟତୀତ ସିଂହାସନ ପାଇଁ ଏକମାତ୍ର ପ୍ରତିଦ୍ୱନ୍ଦ୍ୱୀ ଅଛନ୍ତି । ଜାପାନର ସାମ୍ରାଜ୍ୟ ନିୟମ ଅନୁଯାୟୀ, ରାଜବଂଶର ବାହାରେ ବିବାହ କରିଥିବା ରାଜକୀୟ ମହିଳାମାନଙ୍କର ପୁତ୍ରମାନେ ସିଂହାସନର ଉତ୍ତରାଧିକାରୀ ଭାବରେ ବିବେଚିତ ହୋଇପାରିବେ ନାହିଁ ।