IND vs ENG: ଚାରି ମ୍ୟାଚ ବିଶିଷ୍ଟ ଟେଷ୍ଟ ସିରିଜ୍ ପାଇଁ ଭାରତରେ ପହଞ୍ଚିଲା ଇଂଲଣ୍ଡ ଟିମ୍

ଚେନ୍ନାଇ: ଅଧିନାୟକ ଜୋ ରୁଟଙ୍କ ସମେତ ଇଂଲଣ୍ଡ କ୍ରିକେଟ୍ ଦଳର ଅନ୍ୟ ସଦସ୍ୟମାନେ ଭାରତ ବିପକ୍ଷରେ ଚାରି ମ୍ୟାଚ ବିଶିଷ୍ଟ ଟେଷ୍ଟ ସିରିଜର ପ୍ରଥମ ଦୁଇଟି ଟେଷ୍ଟ ଖେଳିବା ପାଇଁ ବୁଧବାର ଚେନ୍ନାଇରେ ପହଞ୍ଚିଛନ୍ତି ।

ରୁଟ୍ ଓ ତାଙ୍କ ଟିମ୍ ଶ୍ରୀଲଙ୍କାରୁ ସକାଳ ୧୦.୩୦ ରେ ଆସି ଭାରତରେ ପହଞ୍ଚିବା ପରେ ସିଧା ହୋଟେଲକୁ ଯାଇଥିଲେ । ଯେଉଁଠାରେ ଭାରତ ଓ ଇଂଲଣ୍ଡ ଦଳ ପାଇଁ ଏକ ବାୟୋ ବବଲ୍ ତିଆରି କରାଯାଇଛି ।<br />

ଉଭୟ ଦଳ ହୋଟେଲ ଲୀଲା ପ୍ୟାଲେସରେ ରହିଛନ୍ତି ଯେଉଁଠାରେ ବାୟୋ ବବଲ୍ ପ୍ରସ୍ତୁତ କରାଯାଇଛି । ଏହି ଦଳମାନେ ୬ ଦିନ ବିଚ୍ଛିନ୍ନ ରହିବା ପରେ ୨ ଫେବୃଆରୀରୁ ଅଭ୍ୟାସ ଆରମ୍ଭ କରିବେ । ଉଭୟ ଦଳର ଖେଳାଳୀ ମାନଙ୍କର ମଧ୍ୟ କରୋନା ଟେଷ୍ଟ କରାଯିବ ।<br />

ଭାରତ ଓ ଇଂଲଣ୍ଡ ମଧ୍ୟରେ ଚାରି ମ୍ୟାଚ ବିଶିଷ୍ଟ ଟେଷ୍ଟ ସିରିଜ୍ ଚେନ୍ନାଇରେ ୫ ଫେବୃଆରୀରୁ ଆରମ୍ଭ ହେବ । ପ୍ରଥମ ଦୁଇଟି ଟେଷ୍ଟ ମ୍ୟାଚ୍ ଚେନ୍ନାଇରେ ଓ ଶେଷ ଦୁଇଟି ଟେଷ୍ଟ ମ୍ୟାଚ୍ ଅହମ୍ମଦାବାଦରେ ଖେଳାଯିବ ।<br />

କିଛି ଦିନ ପୂର୍ବରୁ ଇଂଲଣ୍ଡ ଅଲରାଉଣ୍ଡର ବେନ୍ ଷ୍ଟକ୍ ଓ ଦ୍ରୁତ ବୋଲର ଜୋଫ୍ରା ଆର୍ଚର ମଧ୍ୟ ଭାରତରେ ପହଞ୍ଚିଥିଲେ । (ବେନ୍ ଷ୍ଟୋକ୍ସ / ଟ୍ୱିଟର)