ଶୀତ ଓ ମୁଦ୍ରାସ୍ଫୀତିର ଭୟ ଯୋଗୁଁ ଡିସେମ୍ବର ଛୁଟିକୁ ନଷ୍ଟ କରନ୍ତୁନି; ବୁଲିବାକୁ ଯାଆନ୍ତୁ ଏହି ସ୍ଥାନ
ଆମ ଦେଶର କେତେକ ସୁନ୍ଦର ବେଳାଭୂମି ଅଛି ଯାହା ହଜାର ହଜାର ପର୍ଯ୍ୟଟକଙ୍କୁ ଆକର୍ଷିତ କରିଥାଏ, ହେଲେ ଡିସେମ୍ବରରେ ଏହି ଅଭିଜ୍ଞତା ଚମତ୍କାର। ଏହି ମାସରେ ଖ୍ରୀଷ୍ଟମାସ ଏବଂ ନୂଆ ବର୍ଷ ପାଳନ କରାଯିବ। ତେବେ ଶୀତ ଓ ମୁଦ୍ରାସ୍ଫୀତିକୁ ଭୟ ନକରି ଦେଶର ଏହି ସ୍ଥାନକୁ ଥରେ ବୁଲି ଦେଖିଆସନ୍ତୁ। ମନ ହୋଇଯିବ ସତେଜ।
ଗୋଆ: ଗୋଆ ଅନେକଙ୍କ ପାଇଁ ଏକ ସ୍ୱପ୍ନର ଗନ୍ତବ୍ୟସ୍ଥଳ, ତେଣୁ ଡିସେମ୍ବରରେ ଏହାକୁ ପରିଦର୍ଶନ କରନ୍ତୁ। ଏଠାରେ ଅଛି ଦେଶର ସୁନ୍ଦର ବେଳାଭୂମି ଯାହା ହଜାର ହଜାର ପର୍ଯ୍ୟଟକଙ୍କୁ ଆକର୍ଷିତ କରିଥାଏ, କିନ୍ତୁ ଡିସେମ୍ବରରେ ଏହି ଅଭିଜ୍ଞତା କେବଳ ଚମତ୍କାର। ଏହି ମାସରେ ଖ୍ରୀଷ୍ଟମାସ ଏବଂ ନୂଆ ବର୍ଷ ପାଳନ କରାଯାଏ। ଡିସେମ୍ବରରେ ଗୋଆରେ ମୋଣ୍ଡୋ ଫେଷ୍ଟିଭାଲ ଏବଂ ଗୋଆ ଆର୍ଟ ଆଣ୍ଡ ଲିଟରେଚର ମହୋତ୍ସବ ମଧ୍ୟ ଆୟୋଜନ କରାଯାଇଥାଏ। ଏଠାରେ ମଧ୍ୟ ଆପଣ ଅଗୁଆଡା ବିଚ୍, ବାଗା ବିଚ୍, ବୋମ ଜିସସ ବେସିଲିକା, ଚପୋରା ଦୁର୍ଗ, ସଲିମ ଅଲ୍ଲି ବାର୍ଡ ସେଞ୍ଚୁରୀ ଭଳି ଅନେକ ସ୍ଥାନଗୁଡିକ ପରିଦର୍ଶନ କରିପାରିବେ।
ଗୟା (ବିହାର): ଗୟା ଉଭୟ ବୌଦ୍ଧ ଏବଂ ହିନ୍ଦୁମାନଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ ତୀର୍ଥସ୍ଥାନ। ଗୟା ପବିତ୍ର ଫଲ୍ଗୁ ନଦୀ କୂଳରେ ଅବସ୍ଥିତ। ମହାବୌଦ୍ଧି ମନ୍ଦିର ଏବଂ ବିଷ୍ଣୁପଦ ମନ୍ଦିର ହେଉଛି ଏହି ଦୁଇଟି ବଡ଼ ମନ୍ଦିର, ଯେଉଁଠାରେ ପ୍ରତିଦିନ ବହୁ ସଂଖ୍ୟାରେ ଭକ୍ତଙ୍କ ଭିଡ଼ ଜମିଥାଏ। ଏଠାରେ ଆପଣ ମହବୌଦ୍ଧି ମନ୍ଦିର, ଦୁଙ୍ଗେଶ୍ୱରୀ ଗୁମ୍ଫା ମନ୍ଦିର, ବରାବର ଗୁମ୍ଫା, ବିଷ୍ଣୁପଦ ମନ୍ଦିର, ଚିନି ମନ୍ଦିର ଏବଂ ମଠ, ଥାଇ ମନ୍ଦିର ଏବଂ ରୟାଲ ଭୁଟାନ ମଠ ପରିଦର୍ଶନ କରିପାରିବେ।
