ICC Test Rankings: ଋଷଭ ପନ୍ତ ଲଗାଇଲେ ଲମ୍ବା ଲମ୍ଫ; ମାର୍ନୁସ୍ ଲାବୁଶେନ୍ ବିରାଟ କୋହଲିଙ୍କୁ ପଛରେ ପକାଇଲେ

ନୂଆ ଦିଲ୍ଲୀ: ବ୍ରିସବେନ୍ ଟେଷ୍ଟରେ ଭାରତକୁ ଐତିହାସିକ ବିଜୟ ଦେଇଥିବା ଭାରତୀୟ ୱିକେଟ୍ କିପର ବ୍ୟାଟ୍ସମ୍ୟାନ୍ ଋଷଭ ପନ୍ତ ଆଇସିସି ଟେଷ୍ଟ ମାନ୍ୟତାରେ ୧୩ ତମ ସ୍ଥାନରେ ପହଞ୍ଚିଛନ୍ତି । ବ୍ରିସବେନ୍ ଟେଷ୍ଟର ଚତୁର୍ଥ ଇନିଂସରେ ଅପରାଜିତ 89 ରନ୍ କରିଥିବା ପନ୍ତ ୧୩ ତମ ସ୍ଥାନ ହାସଲ କରିଛନ୍ତି । ସେ ୱିକେଟ୍ କିପର ବ୍ୟାଟ୍ସମ୍ୟାନ ଭାବରେ ଶୀର୍ଷରେ ଅଛନ୍ତି । ତାଙ୍କ ପରେ ଦକ୍ଷିଣ ଆଫ୍ରିକାର ୱିକେଟ୍ କିପର ବ୍ୟାଟ୍ସମ୍ୟାନ୍ ଅଧିନାୟକ କ୍ୱିଣ୍ଟନ୍ ଡି କକ୍ ୧୫ ନମ୍ବର ସ୍ଥାନରେ ଅଛନ୍ତି । (ଫଟୋ- AP)

ଗାବା ଗ୍ରାଉଣ୍ଡରେ ଶତକ ହାସଲ କରିଥିବା ଅଷ୍ଟ୍ରେଲୀୟ ବ୍ୟାଟ୍ସମ୍ୟାନ୍ ମାର୍ନୁସ୍ ଲାବୁଶେନ୍ ବିରାଟ କୋହଲିଙ୍କୁ ପଛରେ ପକାଇ ତୃତୀୟ ସ୍ଥାନ ଅଧିକାର କରିଛନ୍ତି । ପିତୃତ୍ୱ ଛୁଟି ଯୋଗୁଁ ବିରାଟ କୋହଲି ପ୍ରଥମ ଟେଷ୍ଟ ଖେଳିବା ପରେ ଭାରତ ଫେରିଥିଲେ । ପ୍ରଥମ ନମ୍ବର ନ୍ୟୁଜିଲ୍ୟାଣ୍ଡର ଅଧିନାୟକ କେନ୍ ୱିଲିୟମସନ ଓ ଦ୍ୱିତୀୟରେ ଷ୍ଟିଭ୍ ସ୍ମିଥ୍ ଅଛନ୍ତି । (ଫଟୋ- AP)

ବ୍ୟାଟ୍ସମ୍ୟାନ୍ ତାଲିକାର ଶ୍ରେଷ୍ଠ ଦଶ ଖେଳାଳିଙ୍କ ମଧ୍ୟରେ ଭାରତରୁ ବିରାଟ କୋହଲି ଚତୁର୍ଥ, ଚେତେଶ୍ୱର ପୂଜାରା ସପ୍ତମ ଓ ଅଜିଙ୍କ୍ୟ ରାହାଣେ ନବମ ସ୍ଥାନରେ ଅଛନ୍ତି । ବ୍ରିସବେନ ଟେଷ୍ଟର ଦ୍ୱିତୀୟ ଇନିଂସରେ ଚମତ୍କାର 56 ରନ ସ୍କୋର କରିଥିବା ପୂଜାରା ର଼୍ୟାଙ୍କିଙ୍ଗରେ ଗୋଟିଏ ସ୍ଥାନ ଆଗକୁ ବଢ଼ିଛନ୍ତି । (ଫଟୋ-ଏପି)

ବ୍ରିସବେନ ଟେଷ୍ଟରେ ଭାରତର ଦ୍ୱିତୀୟ ଇନିଂସରେ ୯୧ ରନ ସ୍କୋର କରିଥିବା ଯୁବ ବ୍ୟାଟ୍ସମ୍ୟାନ୍ ଶୁବମାନ ଗିଲ ର଼୍ୟାଙ୍କିଙ୍ଗରେ ୨୧ ଟି ସ୍ଥାନ ଉପରକୁ ଉଠିଛନ୍ତି । ଅଷ୍ଟ୍ରେଲିଆ ବିପକ୍ଷ ତିନୋଟି ଟେଷ୍ଟରେ ୫୨ ହାରାହାରିରେ ୨୫୯ ରନ୍ ସଂଗ୍ରହ କରିଥିବା ଗିଲ୍ ବର୍ତ୍ତମାନ ୪୭ ନମ୍ବରରେ ପହଞ୍ଚିଛନ୍ତି । (ଫଟୋ-ଏପି)

ବ୍ରିସବେନ ଟେଷ୍ଟରେ ଭାରତୀୟ ବୋଲର ରବିଚନ୍ଦ୍ରନ ଅଶ୍ୱିନ ଓ ଜସପ୍ରିତ ବୁମ୍ରାଙ୍କ ଅନୁପସ୍ଥିତି ସତ୍ତ୍ୱେ ସେମାନେ ଏହି ମାନ୍ୟତାରେ ସ୍ଥାନ ପାଇଛନ୍ତି । ଉଭୟ ବୋଲର ଯଥାକ୍ରମେ ବୋଲର ତାଲିକାରେ ଅଷ୍ଟମ ଓ ନବମ ସ୍ଥାନରେ ରହିଛନ୍ତି । ଶୀର୍ଷରେ ଅଷ୍ଟ୍ରେଲିଆର ପ୍ୟାଟ୍ କମିନ୍ସ ଅଛନ୍ତି । ବର୍ଡ଼ର-ଗାଭାସ୍କର ଟ୍ରଫିରେ କମିନ୍ସ ୨୧ ଟି ୱିକେଟ ନେଇଛନ୍ତି । ତାଙ୍କ ବ୍ୟତୀତ ବ୍ରିସବେନ୍ ଟେଷ୍ଟର ପ୍ରଥମ ଇନିଂସରେ ପାଞ୍ଚଟି ୱିକେଟ୍ ନେଇଥିବା ଜୋସ୍ ହାଜଲେଉଡ୍ ର଼୍ୟାଙ୍କିଙ୍ଗରେ ଉପକୃତ ହୋଇଛନ୍ତି । ସେ ଚତୁର୍ଥ ସ୍ଥାନରେ ପହଞ୍ଚିଛନ୍ତି । (ଫଟୋ-ଏପି)

ଅଜିଙ୍କ୍ୟ ରାହାଣେଙ୍କ ନେତୃତ୍ୱରେ ଭାରତ ଚତୁର୍ଥ ତଥା ଅନ୍ତିମ ଟେଷ୍ଟରେ ଅଷ୍ଟ୍ରେଲିଆକୁ ତିନି ୱିକେଟରେ ପରାସ୍ତ କରି ଏକ ଐତିହାସିକ ବିଜୟ ପଞ୍ଜିକରଣ କରିଛି । ଏହି ବିଜୟ ପରେ ଭାରତ ଆଇସିସି ବିଶ୍ୱ ଟେଷ୍ଟ ଚାମ୍ପିଅନସିପରେ ଶୀର୍ଷରେ ପହଞ୍ଚିଛି । (ଫଟୋ-ଏପି)