Aadhaar card: ଅନେକ ଲୋକ ନିଜ ପାଖରେ କୌଣସି ପରିଚୟ ପତ୍ର ନ ଥିବାରୁ ଆଧାର କାର୍ଡ଼ ତିଆରି କରାଇପାରୁ ନ ଥିଲେ। ହେଲେ ଏବେ ଏକ ନୂଆ ସୁବିଧା ଜରିଆରେ ସେମାନେ ବିନା ଡକ୍ୟୁମେଣ୍ଟରେ ଆଧାର କାର୍ଡ଼ ତିଆରି କରିପାରିବେ। ତେବେ ଆସନ୍ତୁ ଜାଣିବା କେମିତି...ବର୍ତ୍ତମାନ ସମୟରେ ଆଧାର କାର୍ଡ (Aadhaar Card) ଏକ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟରେ ପରିଣତ ହୋଇଛି। ଅଧିକାଂଶ ସରକାରୀ ଯୋଜନାର ଲାଭ ପାଇବା ପାଇଁ ଲୋକଙ୍କ ପାଖରେ ଆଧାର କାର୍ଡ଼ ଥିବା ବାଧ୍ୟତାମୂଳକ କରାଯାଇଛି। ବର୍ତ୍ତମାନ ସମୟରେ ଆଧାର କାର୍ଡ (Aadhaar Card) ଏକ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟରେ ପରିଣତ ହୋଇଛି। ଅଧିକାଂଶ ସରକାରୀ ଯୋଜନାର ଲାଭ ପାଇବା ପାଇଁ ଲୋକଙ୍କ ପାଖରେ ଆଧାର କାର୍ଡ଼ ଥିବା ବାଧ୍ୟତାମୂଳକ କରାଯାଇଛି। ଏ ପର୍ଯ୍ୟନ୍ତ ନିୟମ ଅନୁସାରେ ଯଦି କେହି ପ୍ରଥମ ଥର ପାଇଁ ନିଜର ଆଧାର କାର୍ଡ଼ ତିଆରି କରାଉଛନ୍ତି, ତେବେ ଏଥି ପାଇଁ ତାଙ୍କ ପାଖରେ ଫଟୋ ପରିଚୟ ପତ୍ର ଓ ନିଜ ଠିକଣାର ପ୍ରମାଣ ଥିବା ID କାର୍ଡ଼ ଥିବା ଆବଶ୍ୟକ ଥିଲା। ଏବେ ଯଦି ଆପଣଙ୍କ ପାଖରେ କୌଣସି ପରିଚୟ ପତ୍ର ନାହିଁ, ତଥାପି ଆପଣ ନିଜର ଆଧାର କାର୍ଡ଼ ତିଆରି କରାଇପାରିବେ। ଜାଣନ୍ତୁ କେମିତି। ଆପଣ ବିନା ଡକ୍ୟୁମେଣ୍ଟରେ ବି ନିଜର ଆଧାର କାର୍ଡ଼ ତିଆରି କରିପାରିବେ। ଏଥି ପାଇଁ ଆପଣଙ୍କୁ ନିକଟସ୍ଥ ସେବା କେନ୍ଦ୍ରକୁ ଯିବାକୁ ପଡ଼ିବ। ସେଠାରେ କୌଣସି ଜଣେ ପରିଚୟକାରୀଙ୍କ (ଇଣ୍ଟ୍ରୋଡ୍ୟୁସର୍, introducer) ସାହାଯ୍ୟରେ ଆପଣ ସହଜରେ ନିଜର ଆଧାର କାର୍ଡ଼ ବନାଇପାରିବେ। ଏହି ପରିଚୟକାରୀଙ୍କୁ (ଇଣ୍ଟ୍ରୋଡ୍ୟୁସର୍, introducer) UIDAIର ଆଞ୍ଚଳିକ କାର୍ଯ୍ୟାଳୟ ଦ୍ୱାରା ନିଯୁକ୍ତ କରାଯାଇଛି। ପରିଚୟକାରୀଙ୍କ ପାଖରେ ତାଙ୍କର ନିଜର ଆଧାର କାର୍ଡ଼ ରହିଥିବା ଆବଶ୍ୟକ। ଆଧାର କେନ୍ଦ୍ରରେ ସାଧାରଣ ପ୍ରକ୍ରିୟା ମାଧ୍ୟମରେ ଆଧାର କାର୍ଡ଼ ସୃଷ୍ଟି କରିହେବ। ୯୦ ଦିନ ମଧ୍ୟରେ ଆଧାର କାର୍ଡ଼ ଆପଣ ଦେଇଥିବା ଠିକଣାକୁ ଡାକ ମାଧ୍ୟମରେ ପଠାଯିବ। ଆବେଦନକାରୀଙ୍କ ପରିଚୟ ଓ ଠିକଣା ନିଶ୍ଚିତ କରିବା ପାଇଁ ପରିଚୟକାରୀ କାର୍ଯ୍ୟ କରନ୍ତି। ସେ ନାମଲେଖା ଫର୍ମରେ ଦସ୍ତଖତ କରିବା କାମ ବି କରନ୍ତି। UIDAIର ନିର୍ଦ୍ଦେଶାବଳୀ ଅନୁଯାୟୀ ପରିଚୟକାରୀଙ୍କୁ ଆବେଦନକାରୀଙ୍କ ନାମରେ ଏକ ସାର୍ଟିଫିକେଟ୍ ଦେବାକୁ ପଡ଼େ, ଯାହା ତିନି ମାସ ପାଇଁ ବୈଧ ରହେ । ଆଧାର କାର୍ଡ଼ ଆବେଦନ ପ୍ରକ୍ରିୟା ସମୟରେ ପରିଚୟକାରୀଙ୍କ ଉପସ୍ଥିତ ରହିବା ବାଧ୍ୟତାମୂଳକ ।
