Valentine Day For Single: କାଲି ଠୁ ଆରମ୍ଭ ହେବାକୁ ଯାଉଛି ପ୍ରେମ ସପ୍ତାହ। ଫେବ୍ରୁଆରୀ ମାସର ଏହି ଦିନକୁ ସ୍ପେସିଆଲ କରିବା ପାଇଁ ପ୍ରେମୀ ଯୁଗଳମାନେ ବିଭିନ୍ନ ପ୍ଲାନ କରିଥାନ୍ତି। ନିଜ ସମ୍ପର୍କକୁ ସଦୃଢ଼ କରିବା ପାଇଁ ନିଜ ଢଙ୍ଗରେ ଜିନିଷ କରିଥାନ୍ତି। କିନ୍ତୁ ସବୁଠୁ ବଡ଼ ପ୍ରଶ୍ନ ଏହି ଦିନମାନଙ୍କରେ ସିଙ୍ଗଲ ଥିବା ଲୋକମାନେ କଣ କରିବେ? ପ୍ରେମ ସପ୍ତାହରେ ସିଙ୍ଗଲ ଲୋକମାନେ ଆଦୌ ଚିନ୍ତା କରନ୍ତୁନି। ଏହି ଦିନମାନଙ୍କରେ ଆପଣ ନିଜକୁ ଏକା ଅନୁଭଵ ନ କରି ଆନନ୍ଦ ମଧ୍ୟ ହୋଇପାରିବେ। ଆପଣ ଚାହିଁଲେ ଏହି ୮ଟି କାମ କରି ନିଜକୁ ଖୁସି ରଖିପାରିବେ। ଏକ ଡିନର ପାର୍ଟି ଆୟୋଜନ କରନ୍ତୁ: ପ୍ରେମ ସପ୍ତାହ ମଧ୍ୟରେ ଆପଣଙ୍କ ପରି ସିଙ୍ଗଲ ଥିବା ବନ୍ଧୁମାନଙ୍କୁ ନେଇ ଏକ ଡିନର ଟେବୁଲ ବୁକ କରନ୍ତୁ। ଡିନର ସମୟରେ ପୂର୍ବ ଦିନ ମାନଙ୍କରେ ବିତାଇଥିବା କଥା ମନେ ପକାନ୍ତୁ। ଢେର ସାରା ଗପ ଖୁସି ମଜା କରନ୍ତୁ। କପଲ ମସାଜ ବୁକ କରନ୍ତୁ: କପଲ ମସାଜ ପାଇଁ ଏକ ସମୟ ବସ୍ଥିର କରନ୍ତୁ। କିନ୍ତୁ ନିଜର ଭଲ ଭଲ ସାଙ୍ଗଙ୍କୁ ନେଇ ସେଠାକୁ ଯାଆନ୍ତୁ। ମସାଜ ଦ୍ୱାରା ମନ ସହ ଶରୀର ମଧ୍ୟ ଭଲ ଅନୁଭବ ହେବ। ଏହା ହେଉଛି ପ୍ରେମ ସପ୍ତାହରେ ନିଜକୁ ଖୁସି କରିବାର ସବୁଠୁ ଭଲ ଉପାୟ। ପିତାମାତାଙ୍କୁ ଡିନର ଡେଟରେ ନେଇ ଯାଆନ୍ତୁ: ଆପଣଙ୍କ ମଧ୍ୟରୁ ଅନେକ ଏପରି ଅଛନ୍ତି ଯେଉଁମାନଙ୍କ ବାପା ମା ମାନେ କେବେ କୌଣସି ରେଷ୍ଟୁରାଣ୍ଟ କିମ୍ବା ଭଲ ହୋଟେଲକୁ ଖାଇବାକୁ ଯାଇନଥିବେ। ଏହି ସପ୍ତାହ ମଧ୍ୟରେ ସେମାନଙ୍କୁ ଭଲ ଜାଗାକୁ ଖାଇବାକୁ ନେଇଯାଆନ୍ତୁ। ଏପରି କରିବା ଦ୍ୱାରା ଆପଣଙ୍କୁ ଖୁସି ଲାଗିବା ସହ ସେମାନଙ୍କ ଆଶୀର୍ବାଦ ମଧ୍ୟ ମିଳିବ। ସୋଲୋ ଟ୍ରିପରେ ଯାଆନ୍ତୁ: ଯଦି ଆପଣଙ୍କୁ କପଲଙ୍କ ରହିବାକୁ ପସନ୍ଦ ନୁହେଁ ତେବେ ଆପଣ ସୋଲୋ ଟ୍ରିପରେ ଯାଆନ୍ତୁ। ନିଜକୁ ନିଜେ ସମୟ ଦିଅନ୍ତୁ। ଆପଣ ଚାହିଁଲେ ହିଲ ଷ୍ଟେସନ କିମ୍ବା ଥଣ୍ଡା ସ୍ଥାନକୁ ଯାଇପାରିବେ। ସପିଂ କରନ୍ତୁ: ପ୍ରେମ ସପ୍ତାହରେ ନିଜକୁ ବ୍ୟସ୍ତ ରଖିବାର ସବୁଠୁ ଭଲ ଉପାୟ ହେଉଛି ସପିଂ କରିବା। ଅବଶ୍ୟ ଏହା ଟିକେ ବ୍ୟୟ ବହୁଳ କିନ୍ତୁ ଆପଣଙ୍କୁ ଏହା ଖୁସି ଦେବ। ନିଜକୁ ଖୁସି କରନ୍ତୁ: ଏହି ଦିନମାନଙ୍କରେ ଆପଣ ଏକ ଭଲ ହେୟାର ସ୍ପା କିମ୍ବା ହେୟାର କଟ କରି ନିଜକୁ ଖୁସି କରନ୍ତୁ। ନିଜକୁ ଭଲ ପାଇବାର ଏହା ଏକ ଭଲ ଉପାୟ। ନିଜ ଉପରେ ଧ୍ୟାନ ଦିଅନ୍ତୁ: ଏହି ଦିନମାନଙ୍କରେ ଆପଣ ନିଜ ଉପରେ ଫୋକସ କରନ୍ତୁ। କିଛି ନୂଆ କରିବାକୁ କିମ୍ବା ନୂଆ ଶିଖିବାକୁ ଚେଷ୍ଟା କରନ୍ତୁ। ଯେପରି ରୋଷେଇ କ୍ଲାସରେ ଯୋଗ ଦିଅନ୍ତୁ,ଜିମ ଯଏନ କରନ୍ତୁ କିମ୍ବା ଡ୍ୟାନ୍ସ କ୍ଲାସରେ ନାଚ ଶିଖନ୍ତୁ। ଏକ ଭିଜନ ବୋର୍ଡ଼ ପ୍ରସ୍ତୁତ କରନ୍ତୁ: ଏକ ଭିଜନ ବୋର୍ଡ଼ ପ୍ରସ୍ତୁତ କରନ୍ତୁ। ଯେଉଁଥିରେ ଆପଣ ନିଜ ଲକ୍ଷ୍ୟ ବାବଦରେ ଲେଖନ୍ତୁ। ଲକ୍ଷ୍ୟ ପୂରଣ ପାଇଁ ଟାଇମ ଲାଇନ ଧାର୍ଯ୍ୟ କରନ୍ତୁ। ସେଥିପାଇଁ ଆପଣଙ୍କ ପ୍ଲାନ ବାବଦରେ ଲେଖନ୍ତୁ। ବୋର୍ଡକୁ ଏମିତି ଜାଗାରେ ରଖନ୍ତୁ ଯେପରି ପ୍ରତିଦିନ ଆପଣ ଏହାକୁ ଦେଖିପାରିବେ।
