ଦିନ ଥିଲା ଆଫଗାନିସ୍ତାନରେ ଆରାମରେ ବୁଲୁଥିଲେ ମହିଳା; ଏବେ ସ୍ଥିତି ସମ୍ପୂର୍ଣ୍ଣ ଅଲଗା

୧୯୨୧ମସିହାରେ ଯେତେବେଳେ ଆଫଗାନିସ୍ତାନ ସ୍ୱାଧୀନ ହେଲା ସେତେବେଳେ ଅମୀର ଅମାନୁଲ୍ଲା ଖାନ ମହିଳାମାନଙ୍କୁ ଶିକ୍ଷିତ ତଥା ଆଗକୁ ବଢ଼ାଇବା ପାଇଁ ଉଦ୍ୟମ ଆରମ୍ଭ କରିଥିଲେ। ଯାହାକି ସମୟ ଦୃଷ୍ଟିରୁ ଏକ ଗୁରୁତ୍ତ୍ୱପୂର୍ଣ୍ଣ ପଦକ୍ଷେପ ବୋଲି ବିବେଚନା କରାଯାଉଥିଲା। ଆଫଗାନିସ୍ତାନବାସୀ ମଧ୍ୟ ଏହାକୁ ସ୍ୱାଗତ କରିଥିଲେ।

ଏ ହେଉଛି ୧୯୬୨ ମସିହାରେ କାବୁଲର ମେଡିକାଲ କଲେଜର ଏକ ଚିତ୍ର। ଯେଉଁଠାରେ ଦୁଇଜଣ ମହିଳା ଛାତ୍ର ସେମାନଙ୍କ ଶିକ୍ଷକଙ୍କଠାରୁ କିଛି ବୁଝୁଥିବାର ଦେଖା ଯାଉଛି। ସେମାନଙ୍କ ଆତ୍ମବିଶ୍ୱାସୀ ବ୍ୟକ୍ତ କରୁଛି କି ଯେ ସେହି ଦିନମାନଙ୍କରେ ଆଫଗାନିସ୍ତାନର ମୁଖ୍ୟ ସ୍ରୋତରେ ନିଜକୁ ପ୍ରବେଶ କରିବାରେ ସେମାନେ କେତେ ଆତ୍ମବିଶ୍ୱାସୀ ଥିଲେ। ୬୦ ଦଶକରେ ଆଫଗାନିସ୍ତାନର ବହୁ ସଂଖ୍ୟକ ଡାକ୍ତର ଓ ଇଞ୍ଜିନିୟର କଲେଜରୁ ପାଠ ପଢ଼ି ବାହାରୁ ଥିଲେ ଓ ସରକାରୀ ଚାକିରିରେ କାମ କରୁଥିଲେ।

୬୦ ଦଶକରେ ଆଫଗାନିସ୍ତାନରେ ମହିଳାମାନେ ନିଜ ପାଦରେ ଠିଆ ହେବାକୁ ସକ୍ଷମ ହୋଇଥିଲେ। ସେହି ଦିନ ମାନଙ୍କରେ ମହିଳାମାନେ ଏକାକୀ କିମ୍ବା ଏକ ଦଳରେ ବିଦେଶ ଯାତ୍ରା କରିବା ସାଧାରଣ କଥା ଥିଲା। ଏହି ଫଟୋ ହେଉଛି ୧୯୬୯ ମସିହାର। କିଛି ମହିଳା କାବୁଲ ବିମାନ ବନ୍ଦରରେ ବିମାନକୁ ଅପେକ୍ଷା କରିଥିଲେ।

ଷାଠିଏ ଦଶକରେ ଯେତେବେଳେ ମହମ୍ମଦ ଦାଉଦ ଖାନ ପ୍ରଧାନମନ୍ତ୍ରୀ ହୋଇଥିଲେ ମହିଳାମାନଙ୍କ ପାଇଁ ଅନେକ କାମ କରାଯାଇଥିଲା। ନୂତନ ସମ୍ବିଧାନରେ ବିଶେଷ କରି ସେମାନଙ୍କୁ ବ୍ୟାପକ ଅଧିକାର ଦିଆଯାଇଥିଲା। ୬୦ ଦଶକରେ ଆଫଗାନିସ୍ତାନରେ ମହିଳା ସୌନ୍ଦର୍ଯ୍ୟକରଣ ପ୍ରତିଯୋଗିତା ସାଧାରଣ ହୋଇଗଲା।

ଏହି ଚିତ୍ର ହେଉଛି ୭୦ ଦଶକରେ କାବୁଲର ପଲିଟେକ୍ନିକାଲ ୟୁନିଭରସିଟିର। ଏହି ବିଶ୍ୱବିଦ୍ୟାଳୟରେ ବହୁ ସଂଖ୍ୟାରେ ବାଳିକା ଛାତ୍ର ଥିଲେ। ୯୦ ଦଶକରେ ଯେତେବେଳେ ତାଲିବାନ ଆଫଗାନିସ୍ତାନକୁ ଶାସନ କରିବା ଆରମ୍ଭ କଲା, ସେତେବେଳେ ଏହି ମହିଳାମାନଙ୍କୁ ଚାକିରୀ ଛାଡ଼ିବାକୁ ପଡିଲା। ମହିଳାମାନଙ୍କର ଉଚ୍ଚ ଓ ବୈଷୟିକଶିକ୍ଷା ଉପରେ ପ୍ରତିବନ୍ଧକ ଲଗାଯାଇଥିଲା। ବର୍ତ୍ତମାନ ଆଫଗାନିସ୍ତାନର ଅଧିକାଂଶ ମହିଳା ଇଞ୍ଜିନିୟର ଓ ଡାକ୍ତରମାନେ ବିଦେଶ ଯାତ୍ରା କରିଛନ୍ତି କିମ୍ବା ନିଜ ଘରେ ଅଛନ୍ତି। ଗତ ଦୁଇ ଦଶନ୍ଧି ମଧ୍ୟରେ ଏହି ମହିଳାମାନଙ୍କୁ ମୁଖ୍ୟ ସ୍ରୋତକୁ ଫେରାଇ ଆଣିବା ପାଇଁ ପ୍ରୟାସ କରାଯାଇଛି। କିନ୍ତୁ ବର୍ତ୍ତମାନ ପୁନର୍ବାର ସେମାନଙ୍କର ଭବିଷ୍ୟତ ଦୁର୍ବଳ ଦେଖାଯାଉଛି।

୭୦ ଓ ୮୦ ଦଶକ ପର୍ଯ୍ୟନ୍ତ ଆଫଗାନିସ୍ତାନର ମହିଳାମାନେ ସେଠାକାର ବଜାରରେ ବୁଲାବୁଲି କରି ଆରାମରେ ସପିଂ କରୁଥିବା ଦେଖାଯାଇଥିଲା। ତାଙ୍କ ଜୀବନ ବହୁତ ଭଲ ଥିଲା। ସେମାନେ ସ୍ୱାଧୀନ ଥିଲେ। କିନ୍ତୁ ୯୦ ଦଶକ ପରେ ସେମାନଙ୍କର ସ୍ୱାଧୀନତା ସମ୍ପୂର୍ଣ୍ଣ ରୂପେ ଚୂର୍ଣ୍ଣ ହୋଇଗଲା।