ଟ୍ରେନରେ ଯାତ୍ରା ସମୟରେ ଆମେ ସବୁବେଳେ ଝରକା ବାଟେ ବାହାରକୁ ଦେଖୁ । କେବେ କେବେ ମନରେ ପ୍ରଶ୍ନ ଉଠେ ଏତେ ଗୁଡ଼ିଏ ଟ୍ରାକ ଭିତରୁ କେଉଁ ଟ୍ରାକ ଠିକ ବୋଲି ଲୋକ ପାଇଲଟ କିପରେ ଜାଣେ । ସମାନ ଦେଖା ଯାଉଥିବା ଟ୍ରାକ ମଧ୍ଯରୁ କେଉଁଟିରେ ଗାଡ଼ି ଯିବ ସେ ବାବଦରେ ସେମାନେ କେମିତି ଜାଣି ପାରନ୍ତି । ଭାରତୀୟ ରେଳବାଇ ଏହାକୁ ନେଇ ସୂଚନା ଦେଇଛି । ରେଳ ବିଭାଗ କହିଛି ଯେ, ଟ୍ରେନ ଚଲାଇବା ସମୟରେ ଲୋକ ପାଇଲଟ କିପରି ଠିକ ଟ୍ରାକ ବାଛି ଥାଏ । ଏହାକୁ ନେଇ ରେଳ ବିଭାଗ ଏକ ଫଟୋ ମଧ୍ଯ ସେୟାର କରିଛି ।
ସବୁ ଟ୍ରେନରେ ସବୁବେଳେ ୨ ଜଣ ଡ୍ରାଇଭର ରୁହନ୍ତି । ଯେଉଁଥିରେ ଜଣେ ଲୋକ ପାଇଲଟ ଓ ଆଉ ଜଣେ ଆସିଷାଣ୍ଟ ଲୋକ ପାଇଲଟ ସାମିଲ । ଯଦି ଲୋକ ପାଇଲଟକୁ ନିଦ ଆସିଯାଏ, ତେବେ ଅନ୍ଯଜଣେ ଲୋକ ପାଇଲଟ କମାଣ୍ଡ ନିଜ ହାତକୁ ନେଇଥାଏ । ଜରୁରୀକାଳୀନ ପରିସ୍ଥିତିରେ ଆସିଷ୍ଟାଣ୍ଟ ଲୋକ ପାଇଲଟ ମୁଖ୍ଯ ଲୋକ ପାଇଲଟଙ୍କ ଜାଗା ନେଇଥାଏ । ଯଦି ମୁଖ୍ଯ ଲୋକ ପାଇଲଟଙ୍କ ସ୍ୱାସ୍ଥ୍ଯ ବିଗିଡିଯାଏ, ତାହେଲେ ଅନ୍ଯ ଜଣେ ଲୋକ ପାଇଲଟକୁ ଗାଡ଼ି ଅନ୍ୟ ଷ୍ଟେସନ ପର୍ଯ୍ଯନ୍ତ ନେବାକୁ ପଡ଼ିଥାଏ ।
