Plus Size: ପ୍ଲେ’ବୟ ମ୍ୟାଗାଜିନ୍‌ର କଭର୍‌ରେ ପ୍ରଥମ ପ୍ଲସ୍-ସାଇଜ୍ ମଡେଲ୍ ହେଲେ ହେଲି ହ୍ୟାସେଲଫ୍

ଆମେରିକୀୟ ଅଭିନେତା ଡେଭିଡ ହ୍ୟାସେଲହଫଙ୍କ ୨୮-ବର୍ଷୀୟା ଝିଅ ତଥା ଅଭିନେତ୍ରୀ ହେଲି ହ୍ୟାସେଲହଫ୍ (Hayley Hasselhoff) ପ୍ଲେ-ବୟ ପତ୍ରିକାର (Playboy magazine) ୟୁରୋପୀୟ କଭରରେ ସ୍ଥାନ ପାଇଥିବା ପ୍ରଥମ ପ୍ଲେ-ସାଇଜ ମଡେଲ (plus-size model) ହୋଇଛନ୍ତି ।

ପ୍ଲସ୍-ସାଇଜ୍ ମଡେଲ୍ (plus-size model) ହେଲି ହ୍ୟାସେଲହଫ୍ ପ୍ଲେବୟ ପତ୍ରିକାର ଜର୍ମାନ୍ ସଂସ୍କରଣର ସଦ୍ୟ କଭରକୁ ଆବୃତ କରିଛନ୍ତି । ଏକ ଇନଷ୍ଟାଗ୍ରାମ୍ ପୋଷ୍ଟରେ ମଡେଲ ଏହି ଖବର ପ୍ରକାଶ କରି ଲେଖିଛନ୍ତି: “ପ୍ଲେବୟର ଇଉରୋପୀୟ କଭରରେ ପ୍ରଥମ ପ୍ଲସ୍-ସାଇଜ୍ ମଡେଲ ହୋଇଥିବାରୁ ମୁଁ ଅତ୍ୟନ୍ତ ନମ୍ର ଓ ଗୌରବାନ୍ୱିତ ମନେକରୁଛି ।’’

“ସମସ୍ତଙ୍କୁ ଅନ୍ତର୍ଭୂକ୍ତ କରିବାର ପ୍ରୟାସ ଓ ମହିଳା ସଶକ୍ତିକରଣ ଦିଗରେ ଏହି କଭର୍ ଯାହା ଇଙ୍ଗିତ କରେ ତାହା ହୃଦୟଙ୍ଗମ କରି ମୁଁ ଭାବପ୍ରବଣ ହୋଇଯାଉଛି,’’ କହିଛନ୍ତି ହେଲି ହ୍ୟାସେଲଫ୍ । (ଫଟୋ: ରେକ୍ସ ଫିଚର୍ସ)

“ମୁଁ ଏହି ପ୍ଲାଟଫର୍ମକୁ ବ୍ୟବହାର କରି କହିବାକୁ ଚାହୁଁଥିଲି ଯେ ସମାଜରେ ପ୍ରଚଳିତ ସୌନ୍ଦର୍ଯ୍ୟର ମାନଦଣ୍ଡକୁ ଅଣଦେଖା କରି ଆପଣଙ୍କ ପାଖରେ ନିଜ ଶରୀରକୁ ବିନା ଦ୍ୱିଧାରେ ଭଲପାଇବାର ଶକ୍ତି ଅଛି,” ଲେଖିଛନ୍ତି ହେଲି ହ୍ୟାସେଲଫ୍ । (ଫଟୋ: ମାଇକ୍‌ ମାର୍ସଲ୍ୟାଣ୍ଡ)

ସେ ଆହୁରି କହିଛନ୍ତି, ‘‘ମୋ’ ଶରୀର ସହ ମୋ’ ସମ୍ପର୍କ ସର୍ବଦା ମୋ’ର ମାନସିକ ସୁସ୍ଥତା ସହିତ ଜଡ଼ିତ ଥାଏ । ମେ’ ମାସ ମାନସିକ ସ୍ୱାସ୍ଥ୍ୟ ସଚେତନତା ମାସ ହୋଇଥିବାରୁ ମୁଁ ସଶକ୍ତ ଅନୁଭବ କରୁଛି ଓ ନିଜେ ବିନା କ୍ଷମାଯାଚନାରେ ବଞ୍ଚି ରହିପାରିବି ବୋଲି ଜାଣୁଛି । ମୁଁ ଆଶା କରୁଛି ଯେ ମୁଁ ମହିଲାମାନଙ୍କୁ ପ୍ରେରଣା ଦେଇପାରିବି ଯେ ସେମାନେ ଅଜ୍ଞାତ ଭୟକୁ ସାମ୍ନା କରନ୍ତୁ ଓ ଏମିତି ଏକ ଉଦ୍ଦେଶ୍ୟରେ ଭରା ଜୀବନଯାପନ କରନ୍ତୁ ଯେଉଁଠି ସେମାନଙ୍କ ଶରୀର ସେମାନଙ୍କୁ ପରିଭାଷିତ କରେ ନାହିଁ ।’’

ହେଲି ହ୍ୟସେଲଫଙ୍କର ସୌନ୍ଦର୍ଯ୍ୟପୂର୍ଣ୍ଣ ଭାବେ ଉତ୍ତୋଳିତ ଫଟୋଗୁଡ଼ିକ ପ୍ଲେବୟ ଜର୍ମାନୀର ଅଫିସିଆଲ୍ ଇନଷ୍ଟାଗ୍ରାମ୍ ପୃଷ୍ଟାରେ ବି ଶେୟାର୍ କରାଯାଇଛି । (ଫଟୋ: ରେକ୍ସ ଫିଚର୍ସ)

ନିଜ ପୋଷ୍ଟରେ ମଡେଲ୍ ହେଲି ହ୍ୟାସେଲଫ୍ ଏହା ବି କହିଛନ୍ତି ଯେ ଯଦି ଗୋଟିଏ କଥା ସେ ନିଜ ସାନ ବୟସର ମଣିଷକୁ କହିବାକୁ ଚାହାଁନ୍ତି, ତେବେ ତାହା ହେଉଛି, “ତୁମେ ଠିକ୍ ଯେମିତି ଅଛ ତୁମେ ସେହି ରୂପ ଓ ପ୍ରକାରରେ ମୂଲ୍ୟବାନ ।’’ (ଫଟୋ: ମାଇକ୍‌ ମାର୍ସଲ୍ୟାଣ୍ଡ)

ହେଲି ହ୍ୟାସେଲଫ୍ ୧୪ ବର୍ଷ ବୟସରୁ ମଡେଲିଂ କରୁଛନ୍ତି । (ଫଟୋ: ମାଇକ୍ ମାର୍ସଲ୍ୟାଣ୍ଡ)

ଦି ଡେଲି ମେଲକୁ ଦେଇଥିବା ଏକ ସାକ୍ଷାତକାରରେ ହେଲି କହିଛନ୍ତି ଯେ ତାଙ୍କ ପିତାମାତା ତାଙ୍କର ସବୁ ପ୍ରକଳ୍ପକୁ ସମର୍ଥନ କରନ୍ତି । (ଫଟୋ ସୌଜନ୍ୟ: ଟ୍ୱିଟର୍)

ହେଲି ହ୍ୟାସେଲଫ୍ (ଫଟୋ: ବ୍ରାଡଫୋର୍ଡ଼ ରୁଜ୍‌)