Happy Birthday Rajinikanth: ଏକଦା ବସ୍ କଣ୍ଡକ୍ଟର ଭାବରେ କାମ କରୁଥିବା ରଜନୀକାନ୍ତ, ଆଜି ସିନେମା ଜଗତର ସୁପରଷ୍ଟାର

ଆଜି ଭାରତର ଭେଟେରାନ୍ ଅଭିନେତା ତଥା ସୁପରଷ୍ଟାର ରଜନୀକାନ୍ତଙ୍କ ଜନ୍ମଦିନ । ୧୨ ଡିସେମ୍ବର ୧୯୫୦ ରେ ବେଙ୍ଗାଲୁରୁରେ ଜନ୍ମଗ୍ରହଣ କରିଥିବା ରଜନୀକାନ୍ତ ଆଜି କଠିନ ପରିଶ୍ରମ କରି ଏହି ପଦ ହାସଲ କରିଛନ୍ତି । ଆଜି ତାଙ୍କ ପ୍ରଶଂସକମାନେ ୭୦ ତମ ଜନ୍ମଦିନ CDP ଅର୍ଥାତ୍ କମନ୍ ଡିସପ୍ଲେ ପିକ୍ଚର୍ ଟ୍ୱିଟରରେ ଭାଇରାଲ୍ କରୁଛନ୍ତି । ତାଙ୍କର ୭୦ ତମ ଜନ୍ମଦିନ ପାଇଁ ଏହା ପ୍ରସ୍ତୁତ କରାଯାଇଛି । (ଫଟୋ: ସୋସିଆଲ୍ ମିଡିଆ)

ରଜନୀକାନ୍ତଙ୍କ ପ୍ରକୃତ ନାମ ଥିଲା ଶିବାଜୀ ରାଓ ଗାଇକୱାଡ । ତାଙ୍କର ପିଲାଦିନ ଅନେକ ଅଭାବ ଅନାଟନ ଦେଇ ଗତି କରିଥିଲା ​​। ପିଲାଦିନେ ତାଙ୍କ ମାଙ୍କର ମୃତ୍ୟୁ ହୋଇଥିଲା । (ଫଟୋ: ସୋସିଆଲ୍ ମିଡିଆ)

ଘର ଚଳାଇବା ଦାୟିତ୍ୱ ତାଙ୍କ କାନ୍ଧରେ ଥିଲା । ରଜନୀକାନ୍ତ ଘର ଚଳାଇବା ପାଇଁ ଜଣେ କୁଲି ଭାବରେ କାମ କରୁଥିଲେ । (ଫଟୋ: ସୋସିଆଲ୍ ମିଡିଆ)

ଖୁବ୍ କମ୍ ଲୋକ ଜାଣିଛନ୍ତି ଯେ ରଜନୀକାନ୍ତ ପୂର୍ବରୁ ବସ୍ କଣ୍ଡକ୍ଟର ଭାବରେ କାମ କରୁଥିଲେ । ତାଙ୍କର ଫିଲ୍ମରେ କାମ କରିବା ଆରମ୍ଭ ସ୍ୱପ୍ନ ଥିଲା । (ଫଟୋ: ସୋସିଆଲ୍ ମିଡିଆ)

ରଜନୀକାନ୍ତ କନ୍ନଡ ନାଟକରୁ ନିଜର ଅଭିନୟ ଜୀବନ ଆରମ୍ଭ କରିଥିଲେ । ମହାଭାରତର ଦୁର୍ଯ୍ୟୋଧନ ଭାବରେ ତାଙ୍କର ପ୍ରଦର୍ଶନ ସେଠାରେ ଉଚ୍ଚ ପ୍ରଶଂସିତ ହୋଇଥିଲା । (ଫଟୋ: ସୋସିଆଲ୍ ମିଡିଆ)

ରଜନୀକାନ୍ତ ତାମିଲ ଫିଲ୍ମ ଇଣ୍ଡଷ୍ଟ୍ରିରେ ପ୍ରବେଶ କରିବା ପୂର୍ବରୁ ତାମିଲ ଭାଷା ଅଧ୍ୟୟନ କରିଥିଲେ । ତାଙ୍କର ପ୍ରଥମ ଫିଲ୍ମ ଥିଲା ଆପୋରଭା ରାଗନାଗଲ୍ । ଏହି ଫିଲ୍ମରେ କମଲ ହାସନ ମଧ୍ୟ ନଜର ଆସିଥିଲେ । (ଫଟୋ: ସୋସିଆଲ୍ ମିଡିଆ)

ରଜନୀକାନ୍ତ ବିଲା ନାମକ ଏକ ଫିଲ୍ମରୁ ସବୁଠୁ ବଡ଼ ସଫଳତା ପାଇଥିଲେ । ୧୯୭୮ ମସିହାରେ ମୁକ୍ତିଲାଭ କରିଥିବା ଅମିତାଭ ବଚ୍ଚନଙ୍କ ଫିଲ୍ମ ଡନ୍ ବିଲାର ରିମେକ୍ ଥିଲା । (ଫଟୋ: ସୋସିଆଲ୍ ମିଡିଆ)

ରଜନୀକାନ୍ତ ପ୍ରଥମ ଥର ପାଇଁ ମୁଣ୍ଡ୍ରୁ ମୁଗମ୍ ନାମକ ଏକ ଫିଲ୍ମରେ ଟ୍ରିପଲ୍ ରୋଲ କରିଥିଲେ । ଏହି ଫିଲ୍ମରେ ଅଭିନୟ ପାଇଁ ତାଙ୍କୁ ତାମିଲନାଡୁ ସରକାର ଶ୍ରେଷ୍ଠ ଅଭିନେତା ପୁରସ୍କାର ମଧ୍ୟ ପ୍ରଦାନ କରିଥିଲେ । (ଫଟୋ: ସୋସିଆଲ୍ ମିଡିଆ)

ଅନ୍ଧା କାନୁନ ଫିଲ୍ମ ଥିଲା ରଜନୀକାନ୍ତଙ୍କ ପ୍ରଥମ ହିନ୍ଦୀ ଫିଲ୍ମ। ଏହି ଫିଲ୍ମରେ ଅମିତାଭ ବଚ୍ଚନ, ହେମା ମାଳିନୀ ଓ ରେନା ରୟ ମଧ୍ୟ ଅଭିନୟ କରିଥିଲେ । 'ହମ' ଫିଲ୍ମରେ ରଜନୀକାନ୍ତ ଅମିତାଭ ବଚ୍ଚନଙ୍କ ସହ ମଧ୍ୟ ନଜର ଆସିଥିଲେ । (ଫଟୋ: ସୋସିଆଲ୍ ମିଡିଆ)

ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ରଜନୀକାନ୍ତ କେବଳ ତାମିଲ ଓ ହିନ୍ଦୀରେ ନୁହେଁ ମାଲାୟାଲମ୍, କନ୍ନଡ, ତେଲୁଗୁ ଓ ବଙ୍ଗଳା ଫିଲ୍ମରେ ମଧ୍ୟ କାମ କରିଛନ୍ତି । ରଜନୀକାନ୍ତ 'ଭାଗ୍ୟ ଦେବତା' ନାମକ ଏକ ବଙ୍ଗଳା ଚଳଚ୍ଚିତ୍ରରେ ନଜର ଆସିଥିଲେ । (ଫଟୋ: ସୋସିଆଲ୍ ମିଡିଆ)

ରଜନୀକାନ୍ତଙ୍କୁ ୨୦୦୦ ମସିହାରେ ପଦ୍ମ ଭୂଷଣ ଓ ୨୦୧୬ରେ ପଦ୍ମବିଭୂଷଣ ସମ୍ମାନରେ ସମ୍ମାନିତ କରାଯାଇଛି । (ଫଟୋ: ସୋସିଆଲ୍ ମିଡିଆ)

ରଜନୀକାନ୍ତ ଆସନ୍ତା ବର୍ଷ ନିଜର ରାଜନୈତିକ ଦଳ ଗଠନ କରିବାକୁ ଯାଉଛନ୍ତି । ଏହା ପରେ ସେ ମଧ୍ୟ ରାଜନୀତିରେ ପାଦ ଦେବେ । (ଫଟୋ: ସୋସିଆଲ୍ ମିଡିଆ)