Gold-Silver Price: ସପ୍ତାହର ପ୍ରଥମ ଦିନରେ ଶସ୍ତା ହେଲା ସୁନା; ଦରରେ ୫୫୨୧ ଟଙ୍କା ହ୍ରାସ ପାଇଛି

ନୂଆ ଦିଲ୍ଲୀ: ସୋମବାର ଦିନ ଏମସିଏକ୍ସରେ ସୁନା ଓ ରୂପା ଦର ହ୍ରାସ ପାଇଥିବା ଦେଖିବାକୁ ମିଳିଛି । ଆଜି ପ୍ରାରମ୍ଭିକ କାରବାର ଏମସିଏକ୍ସରେ ଡିସେମ୍ବର ଡେଲିଭରି ହୋଇଥିବା ସୁନା ଦର ୦.୩% ହ୍ରାସ ପାଇ ୧୦ ଗ୍ରାମ ପ୍ରତି ୫୦୬୭୯ ଟଙ୍କା ହୋଇଥିବା ବେଳେ ଏହି ସମୟରେ ରୂପା ଦର ୧.୧୨% ହ୍ରାସ ହୋଇ ୬୧,୭୪୯ ପ୍ରତି କିଲୋଗ୍ରାମରେ ପହଞ୍ଚିଛି । ଅଗଷ୍ଟ ମାସରେ ସୁନା ଦର ୧୦ ଗ୍ରାମ ପ୍ରତି ୫୬,୨୦୦ ରେକର୍ଡ ସ୍ତରରେ ପହଞ୍ଚିବା ପରେ ସୁନା ଦର କ୍ରମଶଃ ହ୍ରାସ ପାଇବାରେ ଲାଗିଛି । ବର୍ତ୍ତମାନ ପର୍ଯ୍ୟନ୍ତ ଘରୋଇ ବଜାର ଦଶ ଗ୍ରାମ ପିଛା ୫୫୨୧ ଟଙ୍କା ହ୍ରାସ ପାଇଛି । ପୂର୍ବ ଅଧିବେଶନରେ ସୁନା ୦.୨ % ବୃଦ୍ଧି ହୋଇଥିବା ବେଳେ ରୂପା ୦.୩ %% ହ୍ରାସ ପାଇଛି ।

ଶୁକ୍ରବାର ଦିନ ଶସ୍ତା ହୋଇଥିଲା ସୁନା - ଦିଲ୍ଲୀ ସରାଫା ବଜାରରେ ଶୁକ୍ରବାର ସୁନା ଦର ଶସ୍ତା ହୋଇଥିଲା । କିନ୍ତୁ ରୂପାର ଦର ବୃଦ୍ଧି ହୋଇଥିଲା । ଶୁକ୍ରବାର ଦିନ ପ୍ରତି ୧୦ ଗ୍ରାମ ସୁନାର ଦର ୭୫ ଟଙ୍କା ହ୍ରାସ ପାଇଁ ୫୧,୦୬୯ ଟଙ୍କା ହୋଇଥିଲା । ଏଥି ସହିତ ରୂପା ଦର ୧୨୧ ଟଙ୍କା ବୃଦ୍ଧି ହୋଇ କିଲୋଗ୍ରାମରେ ୬୨,୯୩୩ ଟଙ୍କା ହୋଇଥିଲା । ଏହାପୂର୍ବରୁ ଗୁରୁବାର ଦିନ ସୁନା ୧୦ ଗ୍ରାମ ପିଛା ୫୧,୧୪୪ ଟଙ୍କା ବନ୍ଦ ହୋଇଯାଇଥିଲା । ଗୁରୁବାର ଦିନ ରୂପା ଦର କିଲୋଗ୍ରାମ ପାଇଁ ୬୨,୮୧୨ ଟଙ୍କା ଥିଲା ।

ବୈଦେଶିକ ବଜାରରେ ସୁନା ଦର ଆଜି ଏକ ସପ୍ତାହ ତଳକୁ ହ୍ରାସ ପାଇଲା । ଆମେରିକାର ରିଲିଫ ପ୍ୟାକେଜ୍ ସମ୍ବନ୍ଧରେ ଘୋଷଣା ହବାକୁ ନେଇ ଡଲାର ମଜବୁତ ହୋଇଥିଲା । ତେବେ ଆମେରିକାରେ କରୋନା ଭୂତାଣୁର ରେକର୍ଡ ସଂଖ୍ୟକ ମାମଲା ପୁର୍ନବାର ଦେଖା ଦେଇଥିବାରୁ ସୁନାରେ କୌଣସି ବଡ଼ ହ୍ରାସ ଘଟିନାହିଁ । ଆଜି ବିଦେଶ ବଜାରରେ ସ୍ପଟ୍ ସୁନା ୦.୧% ହ୍ରାସ ହୋଇ ୧,୮୯୯.୪୧ ଡଲାର ପ୍ରତି ଆଉନ୍ସରେ ପହଞ୍ଚିଛି । ଅନ୍ୟ ମୂଲ୍ୟବାନ ଧାତୁ ମଧ୍ୟରେ ରୂପା ୦.୫% ହ୍ରାସ ହୋଇ ୨୪.୪୫ ଡଲାର ପ୍ରତି ଆଉନ୍ସରେ ପହଞ୍ଚିଥିବା ବେଳେ ପ୍ଲାଟିନମ ୦.୭% ହ୍ରାସ ହୋଇ ୮୯୫ ଡଲାରରେ ପହଞ୍ଚିଛି । ବ୍ୟବସାୟୀମାନେ ଆଶା କରୁଛନ୍ତି ଯେ ଆମେରିକାରେ ଜଲ୍ଦି କରୋନା ଭାଇରସ୍ ରିଲିଫ୍ ପ୍ୟାକେଜ୍ ଆସିବାର କୌଣସି ସମ୍ଭାବନା ନାହିଁ ।

ଆଗକୁ କଣ ହେବ - ଆମେରିକାର ଗୃହ ବାଚସ୍ପତି ନାନସୀ ପେଲୋସି କହିଛନ୍ତି ଯେ ସେ ୩ ନଭେମ୍ବରରେ ନିର୍ବାଚନ ପୂର୍ବରୁ ଆଉ ଏକ କରୋନା ଭାଇରସ୍ ଆର୍ତ୍ତନୀତିକ ପ୍ୟାକେଜ୍ ଦେବାକୁ ଯାଉଛନ୍ତି । ଏହି ସମୟରେ ବିଶ୍ୱର ସର୍ବ ବୃହତ ସୁନା ବିନିମୟ ବିନିମୟ-ବାଣିଜ୍ୟ ପାଣ୍ଠି କିମ୍ବା ସୁନା ETF ରେ SPDR ଗୋଲ୍ଡ ଟ୍ରଷ୍ଟର ହୋଲ୍ଡିଂ ଶୁକ୍ରବାର ଦିନ ୦.୧୪% ହ୍ରାସ ହୋଇ ୧,୨୬୩.୮୦ ଟନରେ ରହିଛି ।

ଆମେରିକାର ରିଲିଫ୍ ପ୍ୟାକେଜ୍ ନେଇ ଅନିଶ୍ଚିତତା ଓ ଡଲାରର ଦେଖାଯାଇଥିବା ବୃଦ୍ଧି ଯୋଗୁଁ ଫେଷ୍ଟିଭାଲ ସିଜିନରେ ଅଳଙ୍କାରର ଚାହିଦା ବୃଦ୍ଧି ପାଇବ ନାହିଁ ବୋଲି ଆଶା କରାଯାଉଛି । ଚୀନ୍ ପରେ ଭାରତରେ ସୁନାର ବ୍ୟବହାର ସର୍ବାଧିକ ହୋଇଥାଏ ।