ବଡ଼ ଖବର: ବିସିସିଆଇର ପୂର୍ବତନ ଚୟନକର୍ତ୍ତାଙ୍କ ନିଧନ; କରୋନା ସଂକ୍ରମିତ ଥିଲେ

ନୂଆ ଦିଲ୍ଲୀ: ସମଗ୍ର ବିଶ୍ୱ ବର୍ତ୍ତମାନ କରୋନା ଭୂତାଣୁ ସହିତ ଯୁଦ୍ଧ କରୁଛି । ଏହି ମହାମାରୀର ଦ୍ୱିତୀୟ ଲହର ଦେଶରେ ଭୟାବହ ପରିସ୍ଥିତି ସୃଷ୍ଟି କରିଛି । ସାଧାରଣ ଲୋକଙ୍କ ସହ ଅନେକ ଭେଟେରାନ ମଧ୍ୟ ଏହି କରୋନାରେ ଶିକାର ହୋଇଛନ୍ତି । ବର୍ତ୍ତମାନ ଭାରତୀୟ କ୍ରିକେଟ୍ ଜଗତର ଖବର ସମସ୍ତଙ୍କୁ ଚକିତ କରିଛି ।

ପୂର୍ବତନ ଭାରତୀୟ କ୍ରିକେଟ୍ ବୋର୍ଡ (BCCI) ଚୟନକର୍ତ୍ତା ତଥା ରାଜସ୍ଥାନର ପୂର୍ବତନ ଅଧିନାୟକ କିଶାନ ରୁଙ୍ଗଟା ପୃଥିବୀ ପୃଷ୍ଠରୁ ବିଦାୟ ଦେଇଛନ୍ତି । ଜୟପୁର ହସ୍ପିଟାଲରେ କୋଭିଡ -୧୯ ସହିତ ଲଢ଼େଇ କରି ଶେଷରେ ଜୀବନ ଯୁଦ୍ଧ ହାରିଯାଇଛନ୍ତି । ମୃତ୍ୟୁ ବେଳକୁ ତାଙ୍କୁ ୮୮ ବର୍ଷ ବୟସ ହୋଇଥିଲା । (ପ୍ରତୀକାତ୍ମକ ଛବି)

ଭେଟେରାନ୍ ଆଡମିନିଷ୍ଟ୍ରେଟର ଗତ ସପ୍ତାହରେ କରୋନା ଭୂତାଣୁ ଦ୍ୱାରା ପଜିଟିଭ୍ ହୋଇଥିଲେ ଓ ଶନିବାର ତାଙ୍କର ମୃତ୍ୟୁ ହୋଇଯାଇଛି । (ପ୍ରତୀକାତ୍ମକ ଛବି)

ବିସିସିଆଇ ସୂତ୍ର ତାଙ୍କ ମୃତ୍ୟୁକୁ ନିଶ୍ଚିତ କରି ପିଟିଆଇକୁ କହିଛି ଯେ ରାଜସ୍ଥାନର ପ୍ରଥମ ଶ୍ରେଣୀ କ୍ରିକେଟର ତଥା ପୂର୍ବତନ ଜାତୀୟ ଚୟନକର୍ତ୍ତା କିଶାନ ରୁଙ୍ଗଟା କୋଭିଡ -19 ରେ ମୃତ୍ୟୁ ବରଣ କରିଛନ୍ତି । ରଙ୍ଗଟା 1998 ରେ ସେଣ୍ଟ୍ରାଲ୍ ଜୋନରୁ ଚୟନକର୍ତ୍ତା ଥିଲେ । ସେ 1953 ରୁ 1970 ମଧ୍ୟରେ 59 ଟି ପ୍ରଥମ ଶ୍ରେଣୀ ମ୍ୟାଚ୍ ଖେଳି 2717 ରନ୍ ସ୍କୋର କରିଥିଲେ । (ପ୍ରତୀକାତ୍ମକ ଛବି)