ଆପଣ ପାଇରେଟ୍ସ ଅଫ୍ କାରିବିଆନ୍ (Pirates Of Caribbean) ନିଶ୍ଚୟ ଫିଲ୍ମରେ ଦେଖିଥିବେ । ଫିଲ୍ମରେ ହାଡ ଓ ଖପୁରୀରେ ପରିପୂର୍ଣ୍ଣ (Abandoned Island) ଦେଖିବାକୁ ମିଳିଥିବ । ହେଲେ ବାସ୍ତବରେ ମଧ୍ୟ ଏମିତି ଏକ ଆଇଲ୍ୟାଣ୍ଡ ଅଛି, ଯେଉଁ ସ୍ଥାନକୁ ଯିବା ପାଇଁ ଲୋକଙ୍କୁ ବ୍ୟାନ କରାଯାଇଛି । ଡେଡମ୍ୟାନ ଆଇଲ୍ୟାଣ୍ଡ ନାମରେ ନାମିତ ଏହି ଆଇଲ୍ୟାଣ୍ଡକୁ ଯିବାକୁ ଲୋକଙ୍କୁ ମନା କରାଯାଇଛି । ତେବେ ଆସନ୍ତୁ ଜାଣିବା ଏହାର ରହସ୍ୟ… ବ୍ରିଟେନର ଡେଡମ୍ୟାନ୍ ଆଇଲ୍ୟାଣ୍ଡ ବର୍ଷ ବର୍ଷ ଧରି ଜନସାଧାରଣଙ୍କ ଦୃଷ୍ଟିରେ ନଥିଲା। ବର୍ତ୍ତମାନ ସି-ସ୍ତରର ପରିବର୍ତ୍ତନ ପରେ ଏହା ପୁଣି ଜନସାଧାରଣଙ୍କ ସାମ୍ନାକୁ ଆସିଛି । ହେଲେ ସବୁଠାରୁ ଆଶ୍ଚର୍ଯ୍ୟଜନକ କଥା ହେଉଛି ଏହି ଆଇଲ୍ୟାଣ୍ଡର ପ୍ରତ୍ୟେକ ପାର୍ଶ୍ୱରେ ମାନବ ହାଡ଼ ପଡ଼ିଥିବାର ଦେଖିବାକୁ ମିଳୁଛି । ବ୍ରିଟେନର କେଣ୍ଟ ନିକଟରେ ଥିବା ଏହି ରହସ୍ୟମୟ ଆଇଲ୍ୟାଣ୍ଡରେ ବହୁତ କମ୍ ଲୋକ ପହଞ୍ଚି ପାରିଛନ୍ତି । ଏହାର ଫଟୋ ଦେଖିବା ପରେ, ଆପଣ ବୋଧହୁଏ ଅନୁଭବ କରିବେ ଯେ ଏହା ପ୍ରକୃତ ସ୍ଥାନ ନୁହେଁ । ହେଲେ ଆମେ ଆପଣଙ୍କୁ କହିବି ଯେ ଏହା ବାସ୍ତବ ବୋଲି । ଏହାକୁ ଡେଡ୍ ଆଇଲ୍ୟାଣ୍ଡ କୁହାଯାଏ କାରଣ ମାନବଙ୍କ ହାଡ଼ ଓ କଙ୍କାଳ ସବୁଆଡେ ବିଛାଡି ହୋଇଥିବାର ଦେଖିବାକୁ ମିଳିଛି । ଏହା ବ୍ୟତୀତ ମନୁଷ୍ୟର ଦାନ୍ତ ମଧ୍ୟ ଏଠାରେ ଦେଖିବାକୁ ମିଳିଥିଲା । ସସେକ୍ସଲାଇଭ ଖବର ଅନୁଯାୟୀ, ପ୍ରାୟ ୨୦୦ ବର୍ଷ ପୂର୍ବେ ଏହି ଆଇଲ୍ୟାଣ୍ଡ ବନ୍ଦୀମାନଙ୍କ ଶବକୁ କବର ଦେବା ପାଇଁ ବ୍ୟବହୃତ ହୋଇଥିଲା । ମୃତ ଦେହକୁ କବର ଦିଆଯାଇଥିଲା କିନ୍ତୁ ପରେ ଏହା ସମୁଦ୍ରରେ ବୁଡ଼ିଯାଇଥିଲା । ବର୍ତ୍ତମାନ ଯେତେବେଳେ ସମୁଦ୍ର ପତ୍ତନ ହ୍ରାସ ହେଲା ଓ ଏହା ପୁନର୍ବାର ଭୂପୃଷ୍ଠକୁ ଆସିଲା, ସେତେବେଳେ ଲୋକେ ଏହି ସବୁ ସ୍ଥାନରେ ହାଡ଼ ଓ କଙ୍କାଳ ଦେଖିବା ଆରମ୍ଭ କରିଛନ୍ତି । ଏହାର ଫଟୋ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି ।
