ଅଷ୍ଟ୍ରେଲିଆର ପରାଜୟ ସତ୍ତ୍ୱେ ବହୁତ ଖୁସି ଅଛନ୍ତି ୱାର୍ନରଙ୍କ ଝିଅ; ବିରାଟ କୋହଲି ଦେଇଛନ୍ତି 'ମୂଲ୍ୟବାନ ଗିଫ୍ଟ'
ଟେଷ୍ଟ ସିରିଜରେ ଭାରତ ଅଷ୍ଟ୍ରେଲିଆକୁ ୨-୧ ରେ ପରାସ୍ତ କରିଥିଲା । ଏହି ସିରିଜରେ ଡେଭିଡ ୱାର୍ନର ମଧ୍ୟ ଫ୍ଲପ୍ ପ୍ରମାଣ ହୋଇଥିଲେ । କିନ୍ତୁ ତାଙ୍କ ଝିଅ ଇଣ୍ଡି ରେ (Indi Rae) ବହୁତ ଖୁସି ଅଛନ୍ତି ।
ନୂଆ ଦିଲ୍ଲୀ: ନିକଟରେ ଅଷ୍ଟ୍ରେଲିଆ ନିଜ ମାଟିରେ ଟେଷ୍ଟ ସିରିଜରେ ପରାଜୟ ବରଣ କରିଛି । ଭାରତ ଶକ୍ତିଶାଳୀ ଅଷ୍ଟ୍ରେଲିୟ ଦଳକୁ ୨-୧ ରେ ପରାସ୍ତ କରି ପୁଣି ଥରେ ବର୍ଡ଼ର ଗାଭାସ୍କର ସିରିଜକୁ କାବୁ କରିଥିଲା । ଏହି ପରାଜୟ ପରେ ଅଷ୍ଟ୍ରେଲୀୟ ଖେଳାଳିମାନେ ବହୁତ ନିରାଶ ହୋଇଥିଲେ କିନ୍ତୁ ଡେଭିଡ ୱାର୍ନରଙ୍କ ଘରର ଜଣେ ସଦସ୍ୟ ବହୁତ ଖୁସି ଥିଲେ । ଡେଭିଡ ୱାର୍ନର ନିଜେ ଏହି ବିଷୟରେ ସୂଚନା ଦେଇଥିଲେ । (ଫଟୋ ସୌଜନ୍ୟ: ୱାର୍ଣ୍ଣର ଇନଷ୍ଟାଗ୍ରାମ)
ଡେଭିଡ ୱାର୍ଣ୍ଣର ଶନିବାର ଟ୍ୱିଟ କରି କହିଛନ୍ତି ଯେ ଯଦିଓ ଅଷ୍ଟ୍ରେଲିଆ ଟେଷ୍ଟ ସିରିଜ ହାରିଛି । କିନ୍ତୁ ବିରାଟ କୋହଲିଙ୍କ ଉପହାରରେ ତାଙ୍କ ଝିଅ ଇଣ୍ଡି ରେ ବହୁତ ଖୁସି ଅଛନ୍ତି । ବିରାଟ କୋହଲି ନିଜ ଟେଷ୍ଟ ଜର୍ସି ଇଣ୍ଡି ରେଙ୍କୁ ଦେଇଛନ୍ତି ଯେଉଁଥିରେ ତାଙ୍କର ଅଟୋଗ୍ରାଫ୍ ମଧ୍ୟ ରହିଛି । ୱାର୍ଣ୍ଣରଙ୍କ ଝିଅ ବିରାଟ କୋହଲି ଜଣେ ବଡ଼ ପ୍ରଶଂସକ । ସେ ନିଜ ପିତାଙ୍କ ଅପେକ୍ଷା ବିରାଟ କୋହଲିଙ୍କ ବ୍ୟାଟିଂକୁ ଅଧିକ ଭଲ ପାଆନ୍ତି । (ଫଟୋ ସୌଜନ୍ୟ: ୱାର୍ଣ୍ଣର ଇନଷ୍ଟାଗ୍ରାମ)
ଇନଷ୍ଟାଗ୍ରାମରେ ଲାଇଭ ସେସନରେ ଡେଭିଡ ୱାର୍ନର ଅନେକ ଥର କହିଛନ୍ତି ଯେ ତାଙ୍କ ଝିଅ ଇଣ୍ଡି ରେ ବିରାଟ କୋହଲିଙ୍କ ଜଣେ ବଡ଼ ପ୍ରଶଂସକ । ୱାର୍ଣ୍ଣର ବିରାଟ କୋହଲିଙ୍କୁ ବର୍ତ୍ତମାନର ଯୁଗର ସର୍ବଶ୍ରେଷ୍ଠ ବ୍ୟାଟ୍ସମ୍ୟାନ୍ ବୋଲି ବର୍ଣ୍ଣନା କରିଛନ୍ତି । (ଫଟୋ ସୌଜନ୍ୟ- AP)
