କ୍ରିକେଟର୍ ୟୁଜବେନ୍ଦ୍ର ଚହଲ ଧନଶ୍ରୀ ବର୍ମାଙ୍କୁ ନିଜ ଜୀବନ ସାଥୀ କଲେ, ଦେଖନ୍ତୁ ବିବାହର ଫଟୋ ସବୁ

ଭାରତୀୟ କ୍ରିକେଟ୍‌ ଟିମର ଷ୍ଟାର ବୋଲର ୟୁଜବେନ୍ଦ୍ର ଚହଲ (Yujavendra Chahal) ମଙ୍ଗଳବାର ଦିନ ଧନଶ୍ରୀ ବର୍ମାଙ୍କୁ (Dhanashree Verma) ବିବାହ କରିଛନ୍ତି । ଏହି ଦମ୍ପତି ନିଜ ସୋସିଆଲ ମିଡ଼ିଆ ଆକାଉଣ୍ଟରେ ନିଜ ବିବାହ ଉତ୍ସବର କିଛି ସୁନ୍ଦର ଫଟୋ ସେୟାର କରିଛନ୍ତି ।

ଚହଲ ଚଳିତ ବର୍ଷ ଅଗଷ୍ଟରେ ଧନଶ୍ରୀଙ୍କ ସହ ନିଜ ନିର୍ବନ୍ଧ କରାଇଥିଲେ । ଏହା ପୂର୍ବରୁ ଏହି ଯୋଡ଼ିଙ୍କୁ କେହି କେବେ ଏକାଠି ଦେଖି ନ ଥିଲେ ।

ନିର୍ବନ୍ଧ ପରେ ଚହଲ ଆଇପିଏଲରେ ବ୍ୟସ୍ତ ରହିଗଲେ । ଧନଶ୍ରୀ ବି ତାଙ୍କୁ ସେହି ଟୁର୍ଣ୍ଣାମେଣ୍ଟରେ ଉତ୍ସାହିତ କରିବାକୁ ୟୁଏଇ ଯାଇଥିଲେ । ଷ୍ଟାଡିୟମରେ ଧନଶ୍ରୀ ଅନେକ ଥର ଚହଲଙ୍କ ଉତ୍ସାହ ବଢ଼ାଉଥିବା ଦେଖିବାକୁ ମିଳିଥିଲା ।<br /><br />

ବିବାହରେ ଧନଶ୍ରୀ ଏକ ଗାଢ଼ ଲାଲ ରଙ୍ଗର ଲେହେଙ୍ଗା ପିନ୍ଧିଥିବା ବେଳେ ଚହଲ୍‌ ଏକ ଶେରୱାନି ସହିତ ଗାଢ଼ ଲାଲ ରଙ୍ଗର ସାଫା ପିନ୍ଧିଥିଲେ ।

ସେମାନଙ୍କ ବିବାହ ସମାରୋହ ଗୁରୁଗ୍ରାମର ଏକ ରିସୋର୍ଟରେ ଅନୁଷ୍ଠିତ ହୋଇଥିଲା ।

ଚହଲ କିଛି ଦିନ ପୂର୍ବରୁ ଅଷ୍ଟ୍ରେଲିଆ ଗସ୍ତରୁ ଭାରତ ଫେରିଥିଲେ । ଅଷ୍ଟ୍ରେଲିଆ ବିପକ୍ଷ ODI ଓ ଟି-୨୦ ସିରିଜ ପାଇଁ ଚହଲ ଟିମ ଇଣ୍ଡିଆର ଅଂଶ ହୋଇଥିଲେ ।