Happy Birthday MS Dhoni: ଧୋନିଙ୍କୁ ନିଜ ନିଜ ଷ୍ଟାଇଲ୍‌ରେ ଜନ୍ମ ଦିନର ଶୁଭେଚ୍ଛା ଜଣାଇଲେ ଖେଳାଳିମାନେ

ଭାରତୀୟ କ୍ରିକେଟ୍‌ ଦଳର ପୂର୍ବତନ ଅଧିନାୟକ ଏମ୍‌.ଏସ୍‌. ଧୋନି ଜୁଲାଇ ୭ ତାରିଖ ଦିନ ନିଜ ୪୦ତମ ଜନ୍ମଦିନ ପାଳନ କରୁଛନ୍ତି । ସେ ଜୁଲାଇ ୭, ୧୯୮୧ରେ ଝାଡ଼ଖଣ୍ଡର ରାଜଧାନୀ ରାଞ୍ଚିରେ ଜନ୍ମ ହୋଇଥିଲେ । ମହେନ୍ଦ୍ର ସିଂ ଧୋନି କେବଳ କ୍ରିକେଟର୍‌ ନୁହଁନ୍ତି, ବରଂ ଏକ ଚିନ୍ତାଧାରା ଯାହା ଭାରତୀୟ ଦଳକୁ ଉଚ୍ଚ ସ୍ଥାନକୁ ନେଇଛି। (ଫଟୋ: ସାକ୍ଷୀ ଧୋନି / ଇନଷ୍ଟାଗ୍ରାମ୍‌)

ଧୋନୀଙ୍କୁ ଜଣେ କିମ୍ବଦନ୍ତୀ ଖେଳାଳି ଓ ସବୁ ଖେଳାଳିଙ୍କ ପାଇଁ ଏକ ପ୍ରେରଣା ବୋଲି କହି ଭାରତୀୟ କ୍ରିକେଟ୍ ବୋର୍ଡ଼ ତାଙ୍କୁ ଜନ୍ମଦିନର ଅଭିନନ୍ଦନ ଜଣାଇଛି।

ଏକ ଫଟୋ ଶେୟାର୍ କରି ଭାରତୀୟ କ୍ରିକେଟ୍ ଖେଳାଳି ହାର୍ଦ୍ଦିକ ପାଣ୍ଡ୍ୟା କହିଛନ୍ତି, ‘‘ମୋ’ର ଚିର ଦିନର ପ୍ରେମ ଓ ସବୁଠୁ ଭଲ ବନ୍ଧୁ ମହି ଭାଇଙ୍କୁ ଜନ୍ମ ଦିନର ଶୁଭେଚ୍ଛା।’’

ଜନ୍ମ ଦିନରେ ଏମ୍‌.ଏସ୍‌. ଧୋନିଙ୍କୁ ଶୁଭେଚ୍ଛା ଜଣାଇ ସୁରେଶ ରାଇନା କହିଛନ୍ତି, ‘‘ଆପଣ ମୋ’ର ବନ୍ଧୁ, ଭାଇ ଓ ପରାମର୍ଶଦାତା ।’’

ମହମ୍ମଦ କୈଫ୍‌ କହିଛନ୍ତି ଯେ ଦାଦା ଅର୍ଥାତ ସୌରଭ ଗାଙ୍ଗୁଲି ଭାରତୀୟ ଦଳକୁ କେମିତି ମ୍ୟାଚ୍‌ ଜିତିବାକୁ ହୁଏ ତାହା ଶିଖାଇଥିଲେ ଏବଂ ଧୋନି ଜିତିବାକୁ ଏକ ଅଭ୍ୟାସରେ ପରିଣତ କରିଥିଲେ । ‘‘ଗୋଟିଏ ଦିନର ବ୍ୟବଧାନରେ ଦୁଇ ଭିନ୍ନ ଯୁଗରେ ଜନ୍ମ ହୋଇଥିବା ଦୁଇ ମହାନ ଖେଳାଳିଙ୍କ ଜନ୍ମ ଦିନର ଶୁଭେଚ୍ଛା!’’

ଭାରତୀୟ ଦ୍ରୁତ ବୋଲର ଇଶାନ୍ତ ଶର୍ମା ଏକ ପୁରୁଣା ଫଟୋ ଶେୟାର୍‌ କରି ଧୋନିଙ୍କୁ ଅଭିନନ୍ଦନ ଜଣାଇଛନ୍ତି।

ନବଦୀପ ସଇନି ଧୋନିଙ୍କ ସହ ଆଇ.ପି.ଏଲ୍‌.ରୁ ଏକ ଫଟୋ ଶେୟାର କରିଛନ୍ତି ଓ ତାଙ୍କୁ ଜନମ୍ ଦିନର ଶୁଭକାମନା ଦେଇଛନ୍ତି ।