ନୂଆ ରୂପରେ କଂଗ୍ରେସ ନେତା ରାହୁଲ ଗାନ୍ଧି । ୧୭୦ ଦିନ ପରେ ରାହୁଲ ଗାନ୍ଧିଙ୍କୁ ନୂଆ ଲୁକରେ ଦେଖିବାକୁ ମିଳିଛି । ଦାଢି କାଟିବା ପରେ ବହୁତ ହ୍ୟାଣ୍ଡସମ ଲାଗୁଛନ୍ତି ରାହୁଲ । ପୂରା ତାଙ୍କ ସ୍ବଗୀୟ ପିତା ତାଥା ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧିଙ୍କ ଭଳି ଦେଖାଯାଉଛନ୍ତି ବୋଲି ତାଙ୍କ ଫ୍ୟାନମାନେ କହିଛନ୍ତି । ଏହି ଫଟୋ ଏବେ ଖୁବ ଭାଇରାଲ ହେବାରେ ଲାଗିଛି । ରାହୁଲ ଏବେ ବ୍ରିଟେନ ଗସ୍ତରେ ଅଛନ୍ତି । ଏହି ସମୟରେ କେମ୍ବ୍ରିଜ ୟୁନିଭରସିଟିର ଏକ କାର୍ଯ୍ୟକ୍ରମରେ ଯୋଗଦେବେ । ଏହି ସମୟରେ ପ୍ରବାସୀ ଭାରତୀୟଙ୍କୁ ସମ୍ବୋଧନ କରିବାର କାର୍ଯ୍ୟକ୍ରମ ରହିଛି । ରାହୁଲ ଗାନ୍ଧି ‘ଲର୍ଣ୍ଣିଂ ଟୁ ଲୁସନ ଇନ ଦ ୨୧ ସେଞ୍ଜୁରୀ’ ବିଷୟରେ ଛାତ୍ରଙ୍କୁ ସମ୍ବୋଧିତ କରିବେ । ସେହିପରି ବିଗ୍ ଡାଟା ଆଣ୍ଡ ଡେମୋକ୍ରାସି ଏବଂ ଭାରତ ଚାଇନା ସଂପର୍କ ବିଷୟରେ ମଧ୍ୟ କହିବେ । ତେବେ ତାଙ୍କ ନୂଆ ଲୁକକୁ ବେଶ ପ୍ରଶଂସା କରିଛନ୍ତି ତାଙ୍କ ଫ୍ୟାନମାନେ ।
