ହୋମ୍ » ଫଟୋ ଗ୍ୟାଲେରୀ » ଟ୍ରେଣ୍ଡିଙ୍ଗ
1/ 7
ଆଫଗାନିସ୍ତାନରେ ତାଲିବାନ ସରକାରଙ୍କୁ ଚୀନ୍ ପ୍ରଥମ ସହାୟତା ପଠାଇଛି। ବେଜିଂରୁ ପଠାଯାଇଥିବା ଜରୁରୀକାଳୀନ ମାନବିକ ସହାୟତା ସାମଗ୍ରୀ ବୁଧବାର ବିଳମ୍ବିତ ରାତିରେ କାବୁଲରେ ପହଞ୍ଚିଛି। ଆଫଗାନିସ୍ତାନରେ ଚୀନ୍ର ରାଷ୍ଟ୍ରଦୂତ ୱାଙ୍ଗ ୟୁ ବୁଧବାର ରାତିରେ କାବୁଲ ଅନ୍ତର୍ଜାତୀୟ ବିମାନବନ୍ଦରରେ ଏହି ସାମଗ୍ରୀ ଗ୍ରହଣ କରି ଶରଣାର୍ଥୀ ବ୍ୟାପାରର କାର୍ଯ୍ୟକାରୀ ମନ୍ତ୍ରୀ ଖଲିଲ-ଉର-ରେହମାନ ହକ୍କାନିଙ୍କୁ ହସ୍ତାନ୍ତର କରିଛନ୍ତି ବୋଲି ସିନ୍ଧୁଆ ନ୍ୟୁଜ୍ ଏଜେନ୍ସି ସୂତ୍ରରୁ ପ୍ରକାଶ ହୋଇଛି ।
2/ 7
ଏହି ସମୟରେ ଚୀନର ରାଷ୍ଟ୍ରଦୂତ ୱାଙ୍ଗ କହିଛନ୍ତି ଯେ ଅନେକ ଅସୁବିଧା ମଧ୍ୟରେ ଚୀନ୍ ଆଫଗାନିସ୍ତାନ ପାଇଁ ଜରୁରୀକାଳୀନ ମାନବିକ ସହାୟତା ସାମଗ୍ରୀର ବ୍ୟବସ୍ଥା କରିବାରେ ସକ୍ଷମ ହୋଇଥିଲା। ଏଥିରେ କମ୍ବଳ, ଶୀତକାଳୀନ ଜ୍ୟାକେଟ୍ ଓ ଅନ୍ୟାନ୍ୟ ସାମଗ୍ରୀ ଅନ୍ତର୍ଭୂକ୍ତ ହୋଇଛି ଯାହା ଆଫଗାନିସ୍ତାନର ଲୋକେ ଆବଶ୍ୟକ କରନ୍ତି ।
3/ 7
ରିପୋର୍ଟ ଅନୁଯାୟୀ ଚୀନ୍ ଏହା ସହିତ ଖାଦ୍ୟ ଓ ପାନୀୟ ପ୍ୟାକେଟ୍ ମଧ୍ୟ ପଠାଇଛି। ରାଷ୍ଟ୍ରଦୂତ ୱାଙ୍ଗ କହିଛନ୍ତି ଯେ ଆଫଗାନିସ୍ତାନକୁ ଖାଦ୍ୟ ସାମଗ୍ରୀ ସମେତ ଚୀନ୍ ସହାୟତା ଜାରି ରଖିବ।
4/ 7
ଆଫଗାନିସ୍ତାନର ଲୋକମାନଙ୍କ ପାଇଁ ଜରୁରୀକାଳୀନ ସାମଗ୍ରୀ ଯୋଗାଇ ଦେଇଥିବାରୁ ହକ୍କାନି ଚୀନ୍କୁ ଧନ୍ୟବାଦ ଜଣାଇଛନ୍ତି।
5/ 7
ତାଲିବାନର ଅନ୍ତରୀଣ ବୈଦେଶିକ ମନ୍ତ୍ରୀ ମୁତ୍ତାକି ମଧ୍ୟ ଚୀନ୍କୁ ସହାୟତା ପାଇଁ ଧନ୍ୟବାଦ ଜଣାଇଛନ୍ତି। ସେ କହିଛନ୍ତି ଯେ ଏହା ଠିକ୍ ସମୟରେ ଆସିଛି। ଉଭୟ ଦେଶ ସର୍ବଦା ବନ୍ଧୁତ୍ୱପୂର୍ଣ୍ଣ ଓ ପରସ୍ପରକୁ ସାହାଯ୍ୟ କରିଆସୁଛନ୍ତି। ଆଫଗାନିସ୍ତାନ ସରକାର ନିଶ୍ଚିତ କରିବେ ଯେ ସହାୟତା ଆବଶ୍ୟକ କରୁଥିବା ଲୋକଙ୍କ ନିକଟରେ ପହଞ୍ଚିବ।
6/ 7
ଚନାଯୋଗ୍ୟ ଯେ ସରକାରୀ ଆକଳନ ଅନୁଯାୟୀ ଚଳିତ ବର୍ଷ ଆରମ୍ଭରୁ ଆଫଗାନିସ୍ତାନରେ ବିବାଦ ହେତୁ ୬,୩୪,୦୦୦ରୁ ଅଧିକ ଲୋକ ବିସ୍ଥାପିତ ହୋଇଛନ୍ତି। ଏଥି ସହିତ, ୨୦୧୦୨ ଠାରୁ ପ୍ରାୟ ୫୫ ଲକ୍ଷ ଲୋକ ସ୍ଥାନାନ୍ତର ହୋଇଛନ୍ତି।
