ବଜେଟ୍ ପୂର୍ବରୁ ହାଲୱା ସୋରେମୋନି; ସମସ୍ତଙ୍କ ପାଟି ମିଠା କରାଇଲେ ନିର୍ମଳା ସୀତାରମଣ

ୟୁନିୟନ ବଜେଟ୍ ୨୦୨୩-୨୪ (Budget 2023) ଫେବୃଆରୀ ୧ ତାରିଖରେ ସଂସଦରେ ଉପସ୍ଥାପିତ ହେବାକୁ ଯାଉଛି, ଯାହାର ପ୍ରସ୍ତୁତି ଶେଷ ହୋଇଛି। ହେଲେ ଏହା ପୂର୍ବରୁ ଗଣତନ୍ତ୍ର ଦିବସ ଦିନ ଅର୍ଥ ମନ୍ତ୍ରଣାଳୟରେ ହାଲୱା ସେରେମୋନିର ଆୟୋଜନ କରାଯାଇଥିଲା।

ଗତ ଗୁରୁବାର ଦିନ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଉପସ୍ଥିତିରେ ପାରମ୍ପାରିକ ହାଲୱା ସେରେମୋନି ପାଳନ କରାଯାଇଥିଲା। ଏହି ଅବସରରେ କେନ୍ଦ୍ର ଅର୍ଥମନ୍ତ୍ରୀ ଡକ୍ଟର ଭଗବତ କିଶନରାୱ କରାଡ Union MoS for Finance Dr Bhagwat Kishanrao Karad) ଏବଂ ରାଜ୍ୟ ଅର୍ଥମନ୍ତ୍ରୀ ପଙ୍କଜ ଚୌଧୁରୀ (Union MoS for Finance Pankaj Chaudhary) ଏବଂ ଅର୍ଥ ମନ୍ତ୍ରଣାଳୟର ବରିଷ୍ଠ ଅଧିକାରୀମାନେ (Senior officials of Finance Ministry) ଉପସ୍ଥିତ ଥିଲେ।

ହାଲୱା ସେରେମୋନିରେ ମନ୍ତ୍ରଣାଳୟର ପରମ୍ପରା ଅନୁଯାୟୀ ହାଲୱା ଅର୍ଥ ମନ୍ତ୍ରଣାଳୟରେ ତିଆରି ହୋଇଥିଲା। ଯାହା ଅର୍ଥ ମନ୍ତ୍ରଣାଳୟର ସମସ୍ତ କର୍ମଚାରୀଙ୍କୁ ଖାଇବାକୁ ଦିଆଯାଇଥିଲା। ପାଟି ମିଠା କରିବା ପରେ ସମସ୍ତ କର୍ମଚାରୀ ବଜେଟ୍ ମୁଦ୍ରଣରେ ଜଡିତ ହୁଅନ୍ତି।

ଅର୍ଥ ମନ୍ତ୍ରଣାଳୟ ଏକ ବୟାନରେ କହିଥିଲା, "ଏକ ଅପ୍ରତ୍ୟାଶିତ ପଦକ୍ଷେପ ଅଧୀନରେ, କେନ୍ଦ୍ର ବଜେଟ୍ ୨୦୨୩-୨୪ ପ୍ରଥମ ଥର ପାଇଁ ଡିଜିଟାଲ୍ ଲୋକଙ୍କ ପାଇଁ ଉପଲବ୍ଧ ହେବାକୁ ଯାଉଛି। ଏହି ବଜେଟ୍ ୨୦୨୩ ଫେବୃଆରୀ ୧ରେ ଉପସ୍ଥାପିତ ହେବାକୁ ଯାଉଛି।"

ଏହା ପୂର୍ବରୁ ପ୍ରତିବର୍ଷ ହାଲୱା ସମାରୋହର ଉତ୍ସବ ସହିତ ବଜେଟ୍ ଡକ୍ୟୁମେଣ୍ଟ୍ ପ୍ରକାଶନ ଆରମ୍ଭ ହୋଇଥିଲା ଏବଂ ଏହି ସମାରୋହ ପ୍ରାୟ ୧୫-୨୦ ଦିନ ପୂର୍ବରୁ ଅନୁଷ୍ଠିତ ହୋଇଥିଲା।

ପାରମ୍ପାରିକ ହାଲୱା ସମାରୋହ ସହିତ ୭ ଦିନ ପୂର୍ବରୁ ବଜେଟ୍ ଡକ୍ୟୁମେଣ୍ଟ୍ ସଂକଳନ ପ୍ରକ୍ରିୟା ଆରମ୍ଭ ହୋଇଛି। ଏହା ସହିତ ଅର୍ଥମନ୍ତ୍ରୀ ନିର୍ମଳା ସୀତାରମଣ, ଅର୍ଥ ମନ୍ତ୍ରଣାଳୟର ବରିଷ୍ଠ ଅଧିକାରୀମାନେ ଏହି ସମାରୋହରେ ଅଂଶଗ୍ରହଣ କରିଥିଲେ।

କରୋନା ମହାମାରୀ ପରେ ଅର୍ଥାତ୍ ପ୍ରାୟ ୨ ବର୍ଷ ପରେ ବଜେଟ୍ ଡକ୍ୟୁମେଣ୍ଟ୍ ପ୍ରିଣ୍ଟ୍ ହେବ। ଏହା ବଦଳରେ ଏଥର ବଜେଟ୍ ଡକ୍ୟୁମେଣ୍ଟ ସାଂସଦମାନଙ୍କୁ ଡିଜିଟାଲ୍ ଫର୍ମରେ ଦିଆଯିବ।

ଫେବୃଆରୀ ୧ରେ ସୀତାରମଣଙ୍କ ବଜେଟ୍ ଭାଷଣ ସମାପ୍ତ ହେବା ପରେ ଉଭୟ ଆଣ୍ଡ୍ରଏଡ୍ ଏବଂ ଆଇଓଏସ୍ ପ୍ଲାଟଫର୍ମରେ 'ୟୁନିଅନ୍ ବଜେଟ୍ ମୋବାଇଲ୍ ଆପ୍'ରେ ବଜେଟ୍ ଡକ୍ୟୁମେଣ୍ଟ୍ ଉପଲବ୍ଧ ହେବ ବୋଲି ଅର୍ଥ ମନ୍ତ୍ରଣାଳୟ ଏକ ଟ୍ବିଟ ମାଧ୍ୟମରେ ସୂଚନା ଦେଇଛି। (ଫଟୋ ସୌଜନ୍ୟ- ଅର୍ଥ ମନ୍ତ୍ରଣାଳୟ)।