ଏହି ଦୁଃଖଦ ଘଟଣାଟି ଘଟିଛି ଗୁଜୁରାଟର ଭାବନଗର ସହରର। ଭାବନଗରର ସୁଭାଷ ନଗର ଅଞ୍ଚଳର ବାସିନ୍ଦା ଜିନ୍ନାଭାଇ ଭାକାଭାଇ ରାଠୋରଙ୍କ ଘରେ ଏକ ବିବାହ ଉତ୍ସବ ଅନୁଷ୍ଠିତ ହୋଇଥିଲା। ଘରର ପରିବେଶ ଅନୁକୂଳ ଥିଲା। ବିବାହ ଗୀତ ଏବଂ ଅତିଥିମାନଙ୍କ ରିସେପ୍ସନ୍ ଚାଲିଥିଲା। ଜିନ୍ନାଭାଇ ରାଠୋରଙ୍କ ଝିଅ ହେତଲଙ୍କ ବିବାହ ନାରୀ ଗାଁର ରାଣଭାଇ ଭୁଟାଭାଇ ଆଲଗୋଟାରଙ୍କ ପୁଅ ବିଶାଲଙ୍କ ସହ ସ୍ଥିର ହୋଇଥିଲା।
ହେଲେ ଭଗବାନଙ୍କ ଇଚ୍ଛା କିଛି ଭିନ୍ନ ଥିଲା। ବିବାହ ପୂର୍ବରୁ, ହେତଲଙ୍କ ମୁଣ୍ଡ ବୁଲାଇଥିଲା। ଏହାପରେ ହଠାତ୍ ସେ ତଳେ ଖସି ପଡ଼ିଥିଲେ। ତାଙ୍କର ଏ ଅବସ୍ଥା ଦେଖି ୧୦୮ର ସହାୟତାରେ ତାଙ୍କୁ ତୁରନ୍ତ ଚିକିତ୍ସା ପାଇଁ ଡାକ୍ତରଖାନା ନିଆଯାଇଥିଲା। ହେଲେ ହେତଲଙ୍କ ଜୀବନ ରକ୍ଷା ହୋଇପାରିଲା ନାହିଁ। ହୃଦଘାତରେ ତାଙ୍କର ମୃତ୍ୟୁ ହୋଇଥିବା ଘୋଷଣା କରିଥିଲେ ଡାକ୍ତର। ଆଉ ସଙ୍ଗେ ସଙ୍ଗେ ବିବାହ ଗୀତ ବାଜୁଥିବା ଘରେ ଶୋକର ଛାୟା ଖେଳିଯାଇଥିଲା।
ଭାବନଗର ସହରର କର୍ପୋରେଟର ତଥା ମାଲଦ୍ୱାର ସମାଜର ନେତା ଲକ୍ଷ୍ମଣଭାଇ ରାଠୋର ଏ ବିଷୟରେ କହିଛନ୍ତି ଯେ ଘଟିଥିବା ଘଟଣା ଅତ୍ୟନ୍ତ ଦୁଃଖଦାୟକ। ଝିଅର ମୃତ୍ୟୁକୁ ନେଇ ପରିବାରରେ ଶୋକର ଛାୟା ଖେଳିଯାଇଛି। କିନ୍ତୁ ସମାଜ ଏବଂ ଆମ ଭାଇମାନେ ପରିବାରକୁ ବୁଝାଇଥିଲେ। ବଡ଼ ଝିଅକୁ ହରାଇଥିବା ପିତାମାତା ସାନ ଝିଅକୁ ବର ସହ ବିବାହ ବିବାହ କରି ସମାଜ ପାଇଁ ଏକ ଉଦାହରଣ ସୃଷ୍ଟି କରିଛନ୍ତି।
