ବିହାର ବିଧାନସଭା ନିର୍ବାଚନର ପ୍ରାରମ୍ଭିକ ଧାରା ଏନଡିଏ ଓ ମହାଗଠବନ୍ଧନ ମଧ୍ୟରେ କଡ଼ା ଟକ୍କର ହେଉଥିବା ସାମ୍ନାକୁ ଆସୁଛି । ଅପରାହ୍ନ ୧:୦୦ ସୁଦ୍ଧା ପ୍ରକାଶିତ ଟ୍ରେଣ୍ଡ ଅନୁଯାୟୀ ଏନଡିଏର ୧୨୫ଟି ସିଟ୍ ଓ ମହାଗଠବନ୍ଧନର ୧୦୫ଟି ସିଟ୍ ଦେଖିବାକୁ ମିଳିଛି । ଏନଡିଏ ଓ ମହାଗଠବନ୍ଧନ ବ୍ୟତୀତ ଏଲଜିପି ୨ଟି ଆସନରେ ଓ ଅନ୍ୟ ଦଳ ୧୧ଟି ସିଟରେ ଆଗୁଆ ରହିଛି । ପାଟଣାର ଅନୁଗ୍ରା ନାରାୟଣ କଲେଜରେ ସ୍ଥାପିତ ଗଣନା କେନ୍ଦ୍ରରେ ବିହାର ବିଧାନସଭା ନିର୍ବାଚନର ଗଣନା ଚାଲିଛି । ବିହାର ବିଧାନସଭାରେ ମୋଟ ୨୪୩ଟି ଆସନ ରହିଛି । ଏଠାରେ ସରକାର ଗଠନ ପାଇଁ ୧୨୨ଟି ଆସନର ବହୁମତ ଆବଶ୍ୟକ ।