ଭାରତୀୟ ବାୟୁସେନାର ଏକ ସ୍ୱତନ୍ତ୍ର C-17 ଗ୍ଲୋବାମାଷ୍ଟର ବିମାନ ଆଜି ସକାଳେ ଚିତା ଆଣିବା ପାଇଁ ଦକ୍ଷିଣ ଆଫ୍ରିକା ଅଭିମୁଖେ ଯାତ୍ରା କରିଛି। ଏହି ବିମାନ ଦକ୍ଷିଣ ଆଫ୍ରିକାରୁ ଆଜି ରାତି ୮ରେ ଚିତା ନେଇ ଫେବୃଆରୀ ୧୮ ଶନିବାର ଦିନ ସକାଳ ୧୦ଟା ସମୟରେ ଗ୍ୱାଲିଅର୍ ବିମାନବନ୍ଦରରେ ଅବତରଣ କରିବ । ଦକ୍ଷିଣ ଆଫ୍ରିକାରୁ ୧୨ଟି ଚିତା ମଧ୍ୟପ୍ରଦେଶର କୁନୋ ଜାତୀୟ ଉଦ୍ୟାନକୁ ଆସିବେ। ଭାରତୀୟ ବାୟୁସେନାର ଏକ ସ୍ୱତନ୍ତ୍ର C-17 ଗ୍ଲୋବାମାଷ୍ଟର ବିମାନ ଆଜି ସକାଳେ ଚିତା ଆଣିବା ପାଇଁ ଦକ୍ଷିଣ ଆଫ୍ରିକା ଅଭିମୁଖେ ଯାତ୍ରା କରିଛି। ଗ୍ୱାଲିଅର ବିମାନବନ୍ଦରରୁ ସ୍ୱତନ୍ତ୍ର ବିମାନ ମାଧ୍ୟମରେ ପ୍ରାୟ ୧୬୫ କିଲୋମିଟର ଦୂରରେ ଥିବା ଶୋପୁରର କୁନୋ ନ୍ୟାସନାଲ ପାର୍କ (କେଏନପି) କୁ ନିଆଯିବ। ଯେଉଁଠାରେ ଚିତାଙ୍କୁ କ୍ୱାରେଣ୍ଟାଇନ ଏନକ୍ଲୋଜରରେ ରଖାଯିବ । ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ ବାୟୁସେନା ଏହି ସମ୍ପୂର୍ଣ୍ଣ ସେବା ପାଇଁ ପରିବେଶ ମନ୍ତ୍ରଣାଳୟରୁ କୌଣସି ଶୁଳ୍କ ନେଇ ନାହିଁ ଓ ଏହି ସେବାକୁ ମାଗଣାରେ ଯୋଗାଇ ଦେଇଛି। ଏଥର ଦକ୍ଷିଣ ଆଫ୍ରିକାରୁ ଆସୁଥିବା ଚିତାଙ୍କ ମଧ୍ୟରେ ୭ ମେଲ ଓ ୫ ଫିମେଲ ଅଛନ୍ତି । ପ୍ରାଣୀ ଚିକିତ୍ସା ଡାକ୍ତର ତଥା ଚିତା ବିଶେଷଜ୍ଞ ଡକ୍ଟର ଲୌରେଲଙ୍କ ଉପସ୍ଥିତିରେ ସେମାନଙ୍କୁ ସ୍ୱତନ୍ତ୍ର ବିମାନ C-17 ଗ୍ଲୋବେମାଷ୍ଟର ମାଧ୍ୟମରେ ଅଣାଯାଉଛି । ଦକ୍ଷିଣ ଆଫ୍ରିକାରୁ ଆସୁଥିବା ଚିତାକୁ ସ୍ୱାଗତ କରିବା ପାଇଁ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ଓ କେନ୍ଦ୍ର ପରିବେଶ ମନ୍ତ୍ରୀ ଭୁପେନ୍ଦ୍ର ଯାଦବ କୁନୋ ଜାତୀୟ ଉଦ୍ୟାନରେ ଉପସ୍ଥିତ ରହିବେ। କୁନୋ ନ୍ୟାସନାଲ ପାର୍କର ନିର୍ଦ୍ଦେଶକ ଉତ୍କଳ ଶର୍ମା କହିଛନ୍ତି, ସେ ଦକ୍ଷିଣ ଆଫ୍ରିକାର ଚିତା ପାଇଁ ୧୦ ଟି କ୍ୱାରେଣ୍ଟାଇନ ସ୍ଥାନ ପ୍ରସ୍ତୁତ କରିଛନ୍ତି। ସେ କହିଛନ୍ତି, ଚିତାକୁ ସ୍ୱାଗତ କରିବା ପାଇଁ ଆମେ ପ୍ରସ୍ତୁତି ଶେଷ କରିଛୁ।
