ବନ୍ୟା ଯୋଗୁଁ ରେଳପଥ ନଷ୍ଟ ହୋଇଯାଇଛି। ଭାରତୀୟ ବାୟୁ ସେନା ସିଲଚର ଓ ଗୌହାଟୀ ଏକ୍ସପ୍ରେସରୁ ୧୧୯ଜଣ ଯାତ୍ରୀଙ୍କୁ ଉଦ୍ଧାର କରିଛନ୍ତି। ପ୍ରବଳ ବର୍ଷା ଯୋଗୁଁ ରେଳ ପଥ ଜମି ଯାଇଥିଲା। ଫଳରେ ସିଲଚର ଓ ଗୌହାଟୀ ଏକ୍ସପ୍ରେସ ଚାଚର ଅଞ୍ଚଳରେ ଅଟକି ରହିଥିଲା। ବର୍ଷା ଯୋଗୁଁ ବିଭିନ୍ନ ସ୍ଥାନରେ ଭୂ ସ୍ଖଳନ ହୋଇଛି। ଏଥିରେ ୩ଜଣଙ୍କର ମୃତ୍ୟୁ ହୋଇଥିବାର ସୂଚନା ମିଳିଛି। ବନ୍ୟା ଯୋଗୁଁ ଆସମର ଡିମା ହସାଓ ଜିଲ୍ଲାର ରେଳ ଷ୍ଟେସନରୁ ବାରକ ଭେଲି ଅଞ୍ଚଳ ସହ ଯୋଗାଯୋଗ ବିଛିନ୍ନ ହୋଇଛି। ୧୭ଟି ଟ୍ରେନ ଚଳାଚଳ ବନ୍ଦ କରାଯାଇଛି। ୨୬ ଅଞ୍ଚଳରେ ଟ୍ରେନ ଟ୍ରାକ ନଷ୍ଟ ହୋଇଯାଇଛି। ଚାଚର ଅଞ୍ଚଳରେ ୪୦ହଜାରରୁ ଅଧିକ ଲୋକ ଜଳବନ୍ଦୀରେ ଅଛନ୍ତି। ୧୬୮୫ଲୋକଙ୍କୁ ଆଶ୍ରୟ ସ୍ଥଳୀକୁ ସ୍ଥାନାନ୍ତରଣ କରାଯାଇଛି। ରବିବାରଦିନଠୁ ଛୋଟ ଛୁଆ ସହ ୩ଜଣ ଲୋକ ନିଖୋଜ ଅଛନ୍ତି।
