Subhransu Nayak: ଓଡ଼ିଶାର ଏଇ କୁନି ବୈଜ୍ଞାନିକଙ୍କୁ ଆମେରିକାର ନାସାରୁ ଡକରା ଆସିଛି
ନବମ ଶ୍ରେଣୀର ଛାତ୍ର ଶୁଭ୍ରାଂଶୁ ପ୍ରସ୍ତୁତ କରିଛନ୍ତି ଏକ ରୋବର୍ଟ ଡ୍ରୋନ୍ ଯାହା ବେଶ୍ ନିଆରା । ଏଇ ଡ୍ରୋନ୍ ପ୍ରାୟ 25 କିମି ଦୁରତା ପର୍ଯ୍ୟନ୍ତ ଯାଇ ପାରିବ ଏବଂ ପ୍ରାୟ 15 କେଜି ଓଜନର ଜିନିଷ ବୋହି ଦୀର୍ଘ ସମୟ ଆକାଶରେ ଉଡ଼ି ପାରିବ ।
ନବମ ଶ୍ରେଣୀର ଛାତ୍ର ଶୁଭ୍ରାଂଶୁ ନାୟକଙ୍କ ଦ୍ବାରା ପ୍ରସ୍ତୁତ ଡ୍ରୋନ୍ 'ମାଭିକ୍' ଏକ ମିରାକ୍ଲ୍ ବୋଲି ଦର୍ଶାଇ ଆମେରିକାର ନାସା ସ୍ପେସ୍ ସେଟେଲମେଣ୍ଟ୍ ପ୍ରତିଯୋଗିତାରେ ଭାଗ ନେବା ପାଇଁ ତାଙ୍କୁ ଡାକରା ଆସିଛି ।
ଏଇ ଡ୍ରୋନ୍ ପ୍ରାୟ 25 କିମି ଦୁରତା ପର୍ଯ୍ୟନ୍ତ ଯାଇ ପାରିବ ଏବଂ ଦୀର୍ଘ ସମୟ ଆକାଶରେ ଉଡ଼ି ପାରିବ । ପ୍ରାୟ 15 କେଜି ଓଜନ ଜିନିଷ ବୋହି ପାରିବ ।
ଶୁଭ୍ରାଂଶୁଙ୍କ ଏହି କୃତୀତ୍ବ ପାଇଁ ତାଙ୍କ ସ୍କୁଲର ଶିକ୍ଷକ-ଶିକ୍ଷୟତ୍ରୀ ଓ ଛାତ୍ରଛାତ୍ରୀ ସମସ୍ତେ ଗର୍ବିତ ଓ ଆନନ୍ଦିତ । ଚାରିଆଡ଼ୁ ଛୁଟିଛି ଅଭିନନ୍ଦନର ସୁଅ ।
ସ୍କୁଲ ସ୍ତରରେ ହେଉଥିବା ବିଜ୍ଞାନ ପ୍ରତିଯୋଗିତାରେ ନୂଆ ନୂଆ ପ୍ରକଳ୍ପ ତିଆରି କରି ସବୁବେଳେ ପ୍ରଶଂସିତ ତଥା ପୁରସ୍କୃତ ହୋଇଚନ୍ତି ଶୁଭ୍ରାଂଶୁ । ଏଥର ଏକ ଡ୍ରୋନ୍ ତିଆରି କରି ସେ ନାସାର ଔେବସାଇଟ୍କୁ ପଠାଇ ଥିଲେ । ସେଠାରେ ତାଙ୍କ ମଡ଼େଲ୍ ବେଶ୍ ଆଦୃତ ହୋଇଥିଲା ।
ବାପା ଲକ୍ଷ୍ମଣ ନାୟକ ଓ ମା ସୁଲୋଚନା ନାୟକଙ୍କ ସହ ତାଙ୍କ ଏକମାତ୍ର ସନ୍ତାନ ଶୁଭ୍ରାଂଶୁ । ସେମାନେ ଅନୁଗୁଳ ସହର ଉପକଣ୍ଠ ହୁଲୁରୁସିଂହାର ଏକ ବସ୍ତିରେ ବସବାସ କରନ୍ତି ।
ଶୁଭ୍ରାଂଶୁଙ୍କ ବାପା ଲକ୍ଷ୍ମଣ ପୁରୁଣା ସିମେଣ୍ଟ୍ ବସ୍ତାରେ ବ୍ୟାଗ୍ ତିଆରି କରି ବିକ୍ରି କରି ପରିବାର ଚ଼ଳାନ୍ତି । ସେହି କାମରେ ସ୍ତ୍ରୀ ସୁଲୋଚନା ସହାୟତା କରନ୍ତି ।
ପିଲାଟି ଦିନରୁ ତାଙ୍କର ରହିଛି ବିଜ୍ଞାନ ପ୍ରତି ଅହେତୁକ ଆଗ୍ରହ । ଘରେ କିଛି ନା କିଛି ନୂଆ ନୂଆ ଜିନିଷ କରିବା ତାଙ୍କର ଅଭ୍ୟାସ ।
ସବୁ ଦିନ ଘରୁ ସାଇକେଲ ଚଢ଼ି ଶୁଭ୍ରାଂଶୁ ସ୍କୁଲ୍ ଯାଆନ୍ତି । ତାଙ୍କ ପାଇଁ କେବଳ ତାଙ୍କ ପରିବାର କାହିଁକି ସାରା ବସ୍ତି ବାସିନ୍ଦା ଗର୍ବିତ । ବସ୍ତିରେ ଖୁସିର ଲହରୀ ଖେଳି ଯାଇଛି ।
ଶୁଭ୍ରାଂଶୁଙ୍କ ନାସା ଅଭିମୁଖେ ଯାତ୍ରା କରିବା ପାଇଁ ସରକାରୀ ସ୍ତରରେ ତାଙ୍କୁ ସମସ୍ତ ସୂଚନା ଦିଆ ଯାଇଛି । ସେଠାରେ ଭାରତର ଜଣେ ପ୍ରତିଭାବାନ ଯୁବ ବୈଜ୍ଞାନିକ ଭାବେ ସେ ନିଜର ଦକ୍ଷତା ପ୍ରଦର୍ଶନ କରିବେ ।
