ଅମିତାଭ ଓ ଜୟାଙ୍କ ପ୍ରେମ କାହାଣୀର ସାକ୍ଷୀ ୧୦ଟି ଫଟୋ; ଦୀର୍ଘ ଦିନ ଡେଟିଂ ପରେ ବାହା ହୋଇଥିଲେ

ବଲିଉଡର ଚିର-ସବୁଜ ଦମ୍ପତି ଅମିତାଭ ବଚ୍ଚନ (Amitabh Bachchan) ଓ ଜୟା ବଚ୍ଚନ (Jaya Bachchan) ଜୁନ୍‌ ୩ ତାରିଖରେ ନିଜ ୪୮ତମ ବିବାହ ବାର୍ଷିକୀ ପାଳନ କରିଛନ୍ତି । ଅମିତାଭ ଓ ଜୟାଙ୍କ ପ୍ରେମ କାହାଣୀ ବଲିଉଡର ସବୁଠାରୁ ଚର୍ଚ୍ଚିତ କାହାଣୀ ମଧ୍ୟରୁ ଅନ୍ୟତମ । ଜୀବନର ସବୁ ଉତ୍ଥାନ-ପତନ ସତ୍ତ୍ୱେ ଏହି ଦମ୍ପତି ଏତେ ଦୂର ଯାତ୍ରା କରି ଏକ ଉଦାହରଣ ସୃଷ୍ଟି କରିଛନ୍ତି ।

ନିଜ ୪୮ତମ ବିବାହ ବାର୍ଷିକୀରେ ଅମିତାଭ ବଚ୍ଚନ ସେହି ମୁହୂର୍ତ୍ତଗୁଡ଼ିକୁ ମନେପକାଇଥିଲେ ଯେତେବେଳେ ସେ ଜୟାଙ୍କ ସହ ବିବାହ ବନ୍ଧନରେ ବନ୍ଧା ହୋଇଥିଲେ ।

୪୮ତମ ବାର୍ଷିକୀ ଅବସରରେ ଅମିତାଭ୍‌ ନିଜର ଓ ଜୟାଙ୍କର ଏକ ପୁରୁଣା ଓ ଅତି ସୁନ୍ଦର ଫଟୋ ସୋସିଆଲ୍‌ ମିଡ଼ିଆରେ ପୋଷ୍ଟ କରି ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି । ପ୍ରଶଂସକମାନେ ସେହି ଫଟୋ ଉପରେ କ୍ରମାଗତ ଭାବରେ ମନ୍ତବ୍ୟ ଦେଉଛନ୍ତି ଓ ବିଗ୍ ବିଙ୍କୁ (Big B) ଶୁଭେଚ୍ଛା ଜଣାଉଛନ୍ତି ।

କେତେକ ସୁନ୍ଦର ଫଟୋର ଏକ କୋଲାଜ୍ ତିଆରି କରି ବିଗ୍ ବି (Big B) ଲେଖିଛନ୍ତି, ‘‘ଜୁନ୍ ୩, ୧୯୭୩... ଆମ ବିବାହ ବାର୍ଷିକୀରେ ଆମକୁ ଶୁଭକାମନା ଦେଇଥିବାରୁ ଆପଣ ସମସ୍ତଙ୍କୁ ଧନ୍ୟବାଦ ।’’

ସେହି ଯୁଗରେ ବି ଏହି ଯୋଡ଼ି ବଲିଉଡର ସୁପରଷ୍ଟାର୍‌ ଥିଲେ । ଦୁହେଁ ଦୀର୍ଘ ଦିନ ଧରି ପରସ୍ପରକୁ ଡେଟ୍‌ କରିବା ପରେ ବାହା ହୋଇଥିଲେ ।

ସେତେବେଳେ ଫିଲ୍ମରେ ସେମାନଙ୍କ ଯୋଡି଼କୁ ଲୋକେ ବହୁତ ପସନ୍ଦ କରୁଥିଲେ । ଗଣମାଧ୍ୟମରେ ସେମାନଙ୍କ ସମ୍ପର୍କକୁ ନେଇ ଅନେକ କଳ୍ପନାଜଳ୍ପନା କରାଯାଇଥିଲା ।

ମହାନାୟକଙ୍କ ଏହି ପୋଷ୍ଟ ଉପରେ ମନ୍ତବ୍ୟ ଦେଇ ଅନେକ ସେଲିବ୍ରେଟି ଅଭିନନ୍ଦନ ଜଣାଇଛନ୍ତି ।

ବିଗ୍‌ ବିଙ୍କ ପୋଷ୍ଟ ଉପରେ ମନ୍ତବ୍ୟ ଦେଇ ଅଭିନେତ୍ରୀ ଶିଳ୍ପା ଶେଟ୍ଟୀ ଲେଖିଛନ୍ତି, ‘‘ଶୁଭ ବିବାହ ବାର୍ଷିକୀର ଅଭିନନ୍ଦନ, ଅମିତାଭ ବଚ୍ଚନ ଜୀ, ଜୟା ଆଣ୍ଟି ।’’

ଅମିତାଭ ବଚ୍ଚନ ଓ ଜୟା ବଚ୍ଚନ ଅନେକ ଚଳଚ୍ଚିତ୍ରରେ ଏକାଠି କାମ କରିଛନ୍ତି । ଏଥିରେ ଚୁପକେ-ଚୁପକେ, ଅଭିମାନ, ସିଲସିଲା, ମିଲି ଭଳି ଚଳଚ୍ଚିତ୍ର ଅନ୍ତର୍ଭୁକ୍ତ | ଫଟୋ କ୍ରେଡିଟ୍: @amitabh bachchan Instagram

ଏହି ଯୋଡ଼ି ପରିଣତ ବୟସରେ ‘କଭୀ ଖୁସି କଭୀ ଗମ୍‌’ ଭଳି ଚଳଚ୍ଚିତ୍ରରେ ସ୍ୱାମୀ-ସ୍ତ୍ରୀ ଭାବରେ ବି ଏକାଠି ଅଭିନୟ କରିଛନ୍ତି । (ସବୁ ଫଟୋ କ୍ରେଡିଟ୍: @amitabh bachchan Instagram)