ସୀତା ରୂପରେ ଆଲିଆ ଭଟ୍ଟଙ୍କ ପ୍ରଥମ ଛବି ଆସିଲା; ଅଭିନେତ୍ରୀ କରୋନା ଯୋଗୁଁ ଘରେ ଅଛନ୍ତି

ଚଳିତ ବର୍ଷର ବହୁ ପ୍ରତୀକ୍ଷିତ ଫିଲ୍ମ ଆର୍.ଆର୍.ଆର୍. ମୁଭିର (RRR Movie) ନିର୍ମାତାମାନେ ଆଲିଆ ଭଟ୍ଟଙ୍କ (Alia Bhatt) ଜନ୍ମ ଦିନରେ ତାଙ୍କ ଚରିତ୍ର ସୀତାଙ୍କ (Sita) ପ୍ରଥମ ଲୁକ୍ ରିଲିଜ୍ କରିଛନ୍ତି ।

ନିର୍ମାତାମାନେ ନିଜ ସୋସିଆଲ ମିଡି଼ଆରେ ଏହି ଲୁକ୍ ଶେୟାର୍ କରି ଲେଖିଛନ୍ତି, ‘‘ଆମ ସୀତାଙ୍କୁ ଭେଟନ୍ତୁ ।’’ ଏହି ଲୁକରେ ଆଲିଆ ବହୁତ ସୁନ୍ଦର ଦେଖାଯାଉଛନ୍ତି । ସେ ନିଜେ ଇନଷ୍ଟାଗ୍ରାମରେ 'RRR' ବି ଏହି ଲୁକ୍ ଶେୟାର କରିଛନ୍ତି, ଯେଉଁଥିରେ ସେ ପାରମ୍ପରିକ ବେଶରେ ବହୁତ ସୁନ୍ଦର ଦିଶୁଛନ୍ତି ।

ଯେବେ ଠାରୁ ପାନ୍-ଇଣ୍ଡିଆ ମ୍ୟାଗ୍ନୁମ୍-ଓପସ୍ ‘ଆର୍.ଆର୍.ଆର୍.’ର ଘୋଷଣା କରିଛନ୍ତି ସେହି ଦିନଠାରୁ ଦର୍ଶକମାନେ ଧୈର୍ଯ୍ୟର ସହିତ ଅପେକ୍ଷା କରି ରହିଛନ୍ତି ଫିଲ୍ମର ସିନେମାଟିକ୍ ଯାଦୁ ଦେଖିବାକୁ । ଏହି ଚଳଚ୍ଚିତ୍ରର ସବୁ ଚରିତ୍ର ପୋଷ୍ଟର୍ ଓ ଲୁକ୍ ସାରା ଦେଶର ଲୋକଙ୍କୁ ଭଲ ଲାଗିଛି ।

ଅଭିନେତ୍ରୀ ଆଲିଆ ଭଟ୍ଟ ମାର୍ଚ୍ଚ ୧୫ ତାରିଖରେ ନିଜ ୨୮ତମ ଜନ୍ମ ଦିନ ପାଳନ କରିଛନ୍ତି । ଚଳିତ ବର୍ଷ ତାଙ୍କ ଜନ୍ମ ଦିନ ନିଜ ଘରେ ହିଁ ବିତିଛି କାରଣ ସେ କରୋନା ଭାଇରସ୍‌ ସଂକ୍ରମଣ କାରଣରୁ ଘରେ ରହିଛନ୍ତି । ଆଲିଆଙ୍କ ରିପୋର୍ଟ ନେଗେଟିଭ୍‌ ଆସିଛି, କିନ୍ତୁ ସୁରକ୍ଷା କାରଣରୁ ସେ ଘରେ ଅଛନ୍ତି ।

ଚଳିତ ବର୍ଷ ନିଜ ଜନ୍ମ ଦିନ ସମୟରେ ଆଲିଆ ତାଙ୍କ ପ୍ରେମିକ ରଣବୀର କପୁରଙ୍କ ସହ ଏହି ବିଶେଷ ଦିନ ବିତାଇ ପାରିନାହାନ୍ତି । କାରଣ କରୋନା ସଂକ୍ରମଣ କାରଣରୁ ରଣବୀର ବି ହୋମ୍‌ କ୍ୱାରେଣ୍ଟାଇନରେ ଅଛନ୍ତି । ମହେଶ ଭଟ୍ଟ ଓ ସୋନି ରଜଦାନଙ୍କ ଝିଅ ଆଲିଆ ୧୫ ମାର୍ଚ୍ଚ ୧୯୯୩ରେ ଜନ୍ମ ହୋଇଥିଲେ । (ଫଟୋରେ ମା’ ସୋନୀଙ୍କ କୋଳରେ ଆଲିଆ ଭଟ୍ଟ ।)

ଆଲିଆ କରଣ ଜୋହରଙ୍କ ‘ଷ୍ଟୁଡେଣ୍ଟ ଅଫ୍ ଦି ଇୟର୍‌’ (Student of the Year) ଫିଲ୍ମରୁ ନିଜ ଅବିନୟ କରିଅର୍‌ ଆରମ୍ଭ କରିଥିଲେ । ଏହି ଚଳଚ୍ଚିତ୍ରରେ ଆଲିଆଙ୍କ ଅଭିନୟକୁ ଖୁବ୍‌ ପସନ୍ଦ କରାଯାଇଥିଲା । ବର୍ତ୍ତମାନ ସେ ଇଣ୍ଡଷ୍ଟ୍ରିର ଶ୍ରେଷ୍ଠ ଅଭିନେତ୍ରୀମାନଙ୍କ ମଧ୍ୟରେ ଗଣାଯାଉଛନ୍ତି ।

ସଦ୍ୟତମ ରିପୋର୍ଟ ଅନୁଯାୟୀ ଆଲିଆ ଭଟ୍ଟ ହେଉଛନ୍ତି ବଲିଉଡ ଅଭିନେତ୍ରୀମାନଙ୍କ ମଧ୍ୟରେ ସର୍ବାଧିକ ଆୟ କରୁଥିବା ଅଭିନେତ୍ରୀ । ସେ ନିଜ ଚଳଚ୍ଚିତ୍ର ବ୍ୟତୀତ ଅନ୍ୟ ଅନେକ ଉପାୟରେ ବି ଟଙ୍କା ରୋଜଗାର କରନ୍ତି । ଏହା ସୂଚିତ କରେ ଯେ ଆଲିଆ ଜଣେ ଭଲ ଅଭିନେତ୍ରୀ ସହ ଜଣେ ଭଲ ବ୍ୟବସାୟୀ ମଧ୍ୟ ।

ଫୋର୍ବସ୍ ଦ୍ୱାରା ପ୍ରକାଶିତ ୨୦୧୯ ଟପ୍ ୧୦୦ ସେଲିବ୍ରିଟି ତାଲିକାରେ ଆଲିଆ ଅଷ୍ଟମ ସ୍ଥାନରେ ଅଛନ୍ତି ।

ଏହି ଫୋର୍ବସ୍ ତାଲିକା ଅନୁଯାୟୀ ଆଲିଆ ଗତ ବର୍ଷ ୫୯.୨୧ କୋଟି ଟଙ୍କା ଆୟ କରିଥିଲେ । ୨୦୧୮ରେ ତାଙ୍କ ଆୟ ୫୮.୮୩ କୋଟି ଟଙ୍କା ଥିଲା ।

ସୋସିଆଲ୍‌ ମିଡି଼ଆ ମ୍ୟାନେଜମେଣ୍ଟ କମ୍ପାନୀ ହାପ୍ରର୍ସ୍‌ HQ ଇନଷ୍ଟାଗ୍ରାମ ଧନୀ ତାଲିକା ୨୦୧୯ ପ୍ରକାଶ କରିଛି, ଯେଉଁଥିରୁ ଜଣାଯାଇଛି ସେଲିବ୍ରିଟିମାନେ ଗୋଟିଏ ପୋଷ୍ଟ ପାଇଁ କେତେ ଟଙ୍କା ଚାର୍ଜ କରନ୍ତି । ଏହି ରିପୋର୍ଟରେ କୁହାଯାଇଛି ଯେ ଆଲିଆ ଭଟ୍ଟ ଇନଷ୍ଟାଗ୍ରାମର ଗୋଟିଏ ପୋଷ୍ଟ ପାଇଁ ଏକ କୋଟି ଟଙ୍କା ନିଅନ୍ତି ।

ଆଲିଆ, ରଣବୀର କପୁର ଓ ଅମିତାଭ ବଚ୍ଚନଙ୍କ ଫିଲ୍ମ ‘ବ୍ରହ୍ମାସ୍ତ୍ର’ (Brahmastra) ମୁକ୍ତିଲାଭ ପାଇଁ ପ୍ରସ୍ତୁତ ହୋଇ ଅଛି । ଏଥି ସହିତ ସଞ୍ଜୟ ଲୀଲା ଭନସାଲୀଙ୍କ ‘ଗଙ୍ଗୁବାଇ କାଠିଆୱାଡି଼’ର ନିର୍ମାଣ ମଧ୍ୟ ଶେଷ ହୋଇଛି । ଏହା ଚଳିତ ବର୍ଷ ଇଦ୍‌ ସମୟରେ ମୁକ୍ତିଲାଭ କରିବ । ଆଲିଆଙ୍କୁ କରଣ ଜୋହରଙ୍କ ମଲ୍ଟି-ଷ୍ଟାରର ‘ତଖ୍ତ୍‌’ ଓ ଏସ୍. ରାଜମୌଳିଙ୍କ ‘ଆର୍‌.ଆର୍‌.ଆର୍‌.’ରେ ମଧ୍ୟ ଦେଖିବାକୁ ମିଳିବ । (ସବୁ ଫଟୋ ସୌଜନ୍ୟ: ଇନଷ୍ଟାଗ୍ରାମ୍‌ @ ଆଲିଆଭଟ୍)