ପାକିସ୍ତାନର ଗୁପ୍ତଚର ଏଜେନ୍ସିକୁ ବିରୋଧ; ରାତିରେ ଆଫଗାନିସ୍ତାନ ମହିଳାଙ୍କ ବିରୋଧ ପ୍ରଦର୍ଶନ

ଆଫଗାନିସ୍ତାନରେ ତାଲିବାନ ସପକ୍ଷରେ ପାକିସ୍ତାନର ହସ୍ତକ୍ଷେପ ବିରୋଧରେ ଲୋକଙ୍କ କ୍ରୋଧ ସୃଷ୍ଟି ହେଉଛି। କାବୁଲରୁ ୱାଶିଂଟନ ପର୍ଯ୍ୟନ୍ତ ବିକ୍ଷୋଭ ପ୍ରଦର୍ଶନ କରାଯାଉଛି। କାବୁଲରେ ମହିଳାମାନେ ଗତକାଲି ରାତିରେ ପାକିସ୍ତାନ ବିରୋଧରେ ପ୍ରଦର୍ଶନ କରିଥିଲେ ଓ ପାକିସ୍ତାନ ମୁର୍ଦାବାଦର ସ୍ଲୋଗାନ ଦେଇଥିଲେ।

ଯଦିଓ ଗତ କିଛି ଦିନ ହେବ ଆଫଗାନିସ୍ତାନର ବିଭିନ୍ନ ସହରରେ ମହିଳାମାନେ ନିଜର ଅଧିକାର ପାଇଁ ପ୍ରଦର୍ଶନ କରିଆସୁଥିଲେ ମଧ୍ୟ କାବୁଲରେ ପ୍ରଥମ ଥର ପାଇଁ ରାତିରେ ପ୍ରଦର୍ଶନ କରାଯାଇଥିଲା।

ମଜୁଲ-ଇ-ସରିଫ କାବୁଲରେ ଲୋକମାନେ ରାସ୍ତାରେ ଯାଇ ସୋମବାର ପ୍ରଦର୍ଶନ କରିଥିଲେ। ଏହି ସମୟରେ ଲୋକଙ୍କ ଟାର୍ଗେଟ ପାକିସ୍ତାନ ଓ ଆଇଏସଆଇ ମୁଖ୍ୟ ଥିଲା। ଲୋକମାନେ ସ୍ଲୋଗାନ ଦେଇଥିଲେ।

ଏହି ପ୍ରଦର୍ଶନ ସମୟରେ ଲୋକମାନେ ପାକିସ୍ତାନୀ ଏଜେନ୍ସି ଆଇଏସଆଇ ମୁଖ୍ୟ ଫୈଜ ହମିଦଙ୍କ ଫେରସ୍ତ ପାଇଁ ମଧ୍ୟ ଦାବି କରିଥିଲେ। କାରଣ ଆଫଗାନିସ୍ତାନର ଲୋକମାନେ ଅନୁଭବ କରୁଛନ୍ତି ଯେ ISI ହେଉଛି ତାଲିବାନ ଓ ହକ୍କାନି ନେଟୱାର୍କର ଖୋଲା ସମର୍ଥନ।

ପାକିସ୍ତାନର ଗୁପ୍ତଚର ଏଜେନ୍ସି ଇଣ୍ଟର ସର୍ଭିସେସ୍ ଇଣ୍ଟେଲିଜେନ୍ସ (ଆଇଏସଆଇ) ମୁଖ୍ୟ ଫୈଜ ହମିଦ କାବୁଲ ଗସ୍ତରେ ଯାଇଥିବା ବେଳେ ଅନ୍ୟ ପଟେ ତାଲିବାନ ସହ କାନ୍ଧ କାନ୍ଧରେ ଥିବା ତାଙ୍କ ସ୍ୱତନ୍ତ୍ର ବାଟାଲିୟନ ନ୍ୟାସନାଲ ରେଜିଷ୍ଟାନ୍ସ ଫ୍ରଣ୍ଟ (ଏନଆରଏଫ) ଯୋଦ୍ଧାମାନଙ୍କ ଉପରେ ହଇଚଇ ସୃଷ୍ଟି କରୁଛି। ଏହା ସମଗ୍ର ବିଶ୍ୱରେ ପାକିସ୍ତାନ ବିରୋଧରେ କ୍ରୋଧ ସୃଷ୍ଟି କରିଛି।

ଆମେରିକାର ୱାଶିଂଟନରେ ପାକିସ୍ତାନ ବିରୋଧରେ ମଧ୍ୟ ପ୍ରଦର୍ଶନ କରାଯାଇଥିଲା। ଏଠାରେ ରହୁଥିବା ଆଫଗାନିସ୍ତାନ ନାଗରିକମାନେ ତାଲିବାନ ବିରୋଧରେ ସ୍ଲୋଗାନ ଦେଇଥିଲେ।

ସୋସିଆଲ ମିଡିଆରେ ପାକିସ୍ତାନ ଉପରେ ମଧ୍ୟ ଆନ୍ତର୍ଜାତୀୟ ପ୍ରତିବନ୍ଧକ ଲଗାଇବାକୁ ଦାବି ରହିଛି। ଲୋକମାନେ ଏହାକୁ ପଞ୍ଜଶିରରେ ପାକିସ୍ତାନର ପାପ ବୋଲି ଯୁଦ୍ଧ ଅପରାଧ ବୋଲି ବିଚାର କରୁଛନ୍ତି।