୨୭ ବର୍ଷୀୟା ଅଭିନେତ୍ରୀ ମିଷ୍ଟି ମୁଖାର୍ଜୀଙ୍କ ମୃତ୍ୟୁ ହେଲା; ଡାଏଟିଂ କରୁଥିଲେ, କିଡନୀ ଫେଲ୍ ହେଲା

ମନୋରଞ୍ଜନ ଜଗତରେ ପୁଣି ଆଉ ଏକ ମୃତ୍ୟୁ ଖବର ଆସିଛି । ୨୭ ବର୍ଷୀୟା ଅଭିନେତ୍ରୀ ମିଷ୍ଟି ମୁଖାର୍ଜୀଙ୍କ ହଠାତ୍ ଦେହାନ୍ତ ହୋଇଛି । ଅଭିନେତ୍ରୀ ମିଷ୍ଟି ମୁଖାର୍ଜୀ ଶୁକ୍ରବାର ଦିନ ବେଙ୍ଗାଲୁରୁର ଏକ ନର୍ସିଂହୋମରେ ଶେଷ ନିଶ୍ୱାସ ତ୍ୟାଗ କରିଛନ୍ତି ।

ମୃତ୍ୟୁର କାରଣ କୁହାଯାଉଛି ଯେ ତାଙ୍କ କିଡନୀ ଫେଲ୍‌ ହୋଇଥିଲା । ଖବର ଅନୁଯାୟୀ ମିଷ୍ଟି କିଛି ମାସ ଧରି କିଡନୀ ସମସ୍ୟା ସହ ସଙ୍ଘର୍ଷ କରୁଥିଲେ । ଚିକିତ୍ସା ମଧ୍ୟ ଚାଲିଥିଲା । ହେଲେ ସବୁ ଚେଷ୍ଟା ବିଫଳ ହୋଇଥିଲା ।

କୁହାଯାଉଛି ଯେ ମିଷ୍ଟି ମୁଖାର୍ଜୀ କେଟୋ ଡାଏଟ୍ କରୁଥିଲେ । ଏହା ଯକୃତ ଓ କିଡନୀ ଉପରେ ପ୍ରଭାବ ପକାଇଥାଏ । ସେ ଯେବେ ଠୁଁ କେଟୋ ଡାଏଟ୍ ନେବା ଆରମ୍ଭ କରିଥିଲେ, ସେବେ ଠୁଁ ତାଙ୍କ ସ୍ୱାସ୍ଥ୍ୟ ଅବସ୍ଥା ଖରାପ ହେବାକୁ ଲାଗିଥିଲା ବୋଲି କୁହାଯାଉଛି ।

ମିଷ୍ଟି ମୁଖାର୍ଜୀଙ୍କୁ ବଙ୍ଗଳା ଫିଲ୍ମ ସହ ଅନ୍ୟାନ୍ୟ କେତେକ ଭାଷାର ଫିଲ୍ମରେ ଦେଖିବାକୁ ମିଳିଥିଲା । ‘ମୈଁ କୃଷ୍ଣା ହୁଁ’, ‘ଲାଇଫ୍ କୀ ତୋ ଲଗ୍‌ ଗୟୀ’ ଭଳି ଚଳଚ୍ଚିତ୍ରରେ ତାଙ୍କ ଅଭିନୟକୁ ପ୍ରଶଂସା କରାଯାଇଥିଲା । ତାଙ୍କୁ ଅନେକ ଚଳଚ୍ଚିତ୍ରରେ ଆଇଟମ୍ ଡ୍ୟାନ୍ସରେ ମଧ୍ୟ ଦେଖିବାକୁ ମିଳିଥିଲା । ସେ ଏକାଧିକ ମ୍ୟୁଜିକ୍ ଭିଡିଓରେ ବି ଅଭିନୟ କରିଛନ୍ତି ।