ଆପଣଙ୍କ ଫୋନ ୱାଟରପ୍ରୁଫ କି ନୁହେଁ । ଆପଣ ଏବାବଦରେ କିପରି ଜାଣିବେ । ପ୍ରାୟତଃ ସବୁ ଲୋକ ପ୍ରତିଦିନ ମୋବାଇଲ ବ୍ୟବହାର କରୁଛନ୍ତି । ତେଣୁ ଏବାବଦରେ ଜାଣିବା ନିହାତି ଜରୁରୀ । ହୋଲି ହେଉ କିମ୍ୱା କେଉଁ ଦର୍ଶନୀୟ ସ୍ଥାନ ଯେପରିକି ସମୁଦ୍ର, ହ୍ରଦ, ଝରଣା ବୁଲିବାକୁ ଯିବା ସମୟରେ ଲୋକମାନେ ନିଜ ସାଥିରେ ମୋବାଇଲ ରଖିଥାନ୍ତି । କିନ୍ତୁ ଏସବୁ ସ୍ଥାନରେ ଫୋନ ଆପଣ ବ୍ଯବହାର କରିପାରେବେ ଯଦି ଆପଣଙ୍କ ଫୋନ ୱାଟରପ୍ରୁଫ ନଥିବ । ଆପଣ ଫୋନ ୱାଟରପ୍ରୁଫ କି ନୁହେଁ ଜାଣିବା ପାଇଁ ଫୋନର ଆଇପି ରେଟିଂ କିମ୍ୱା ୱାଟରପ୍ରୁଫ ରେଟିଂ ଦେଖିବା ଜରୁରୀ । ଏହି ସୂଚନା ସାଧାରଣତଃ ପ୍ରଡକ୍ଟର ସ୍ପେକ୍ସ ରୂପରେ ଲେଖା ଯାଇଥାଏ । ଆପଣ ଗୁଗୁଲରେ ଆପଣଙ୍କ ଡ଼ିଭାଇସର ଆଇପି ରେଟିଂ ଦେଖିପାରିବେ । ଯଦି ଆପଣଙ୍କ ଫୋନ ୱାଚରପ୍ରୁଫ, ତେବେ ଏହାର ଆଇପି ରେଟିଂ ଏହାର ୱାଟର ରେଜିଷ୍ଟାନ୍ସ ଲେଭଲକୁ ସୂଚାଇବ । ସ୍ମାର୍ଟଫୋନ ପାଇଁ ସବୁଠୁ କମ ଆଇପି ରେଟିଂ IP68 ହୋଇଥାଏ । ଯାହାର ଅର୍ଥ ହେଉଛି ଡିଭାଇସ ୧.୫ମିଟର ଗଭୀରତାରେ ୩୦ମିନିଟ ପର୍ଯ୍ୟନ୍ତ ପାଣିରେ ବୁଡ଼ି ରହିଲେ ବି ଖରାପ ହେବ ନାହିଁ । ଯଦି ଆପଣ ଆପଣଙ୍କ ସ୍ମାର୍ଟ ଫୋନର ୱାଟରପ୍ରୁଫ ରେଟିଂ ବାବଦରେ ଜାଣି ନାହାନ୍ତି, ତେବେ ଏହାକୁ ପାଣି କିମ୍ୱା ଅନ୍ୟ ତରଳ ପଦାର୍ଥଠୁ ଦୂରେଇ ରଖନ୍ତୁ । ଏହା ଛଡ଼ା ପାଣିରୁ ରକ୍ଷା କରିବା ପାଇଁ ଆପଣ ୱାଟରପ୍ରୁଫ ଖୋଳ କିମ୍ୱା କଭର ବ୍ୟବହାର କରନ୍ତୁ ।
