କୋହଲି ଟେଷ୍ଟ ଅଧିନାୟକତ୍ୱ ଛାଡି଼ବା ପରେ ଧୋନି ଓ ଶାସ୍ତ୍ରୀଙ୍କ ନାଁ ନେଲେ; କ’ଣ କହିଲେ ଜାଣନ୍ତୁ
Virat Kohli takes MS Dhoni and Ravi Shastri’s names after quitting Test captainship | ୨୦୧୪ରେ ବିରାଟ କୋହଲି ଟେଷ୍ଟ ଫର୍ମାଟରେ ଅଧିନାୟକତ୍ୱ ଗ୍ରହଣ କରିଥିଲେ । ଏହି ୩୩ ବର୍ଷୀୟ ବ୍ୟାଟ୍ସମ୍ୟାନ୍ ୬୮ଟି ମ୍ୟାଟରେ ଭାରତୀୟ ଟେଷ୍ଟ ଦଳର ନେତୃତ୍ୱ କରିଥିଲେ ଓ ସେଥି ମଧ୍ୟରୁ ୪୦ଟି ମ୍ୟାଚ୍ ଭାରତ ଜିତିଥିଲା ।
ବିରାଟ କୋହଲି ଟେଷ୍ଟ ଅଧିନାୟକତ୍ୱ ଛାଡି଼ବା ବିଷୟରେ ସୂଚନା ଦେଇ ସୋସିଆଲ୍ ମିଡିଆରେ ଏକ ପୋଷ୍ଟ ଶେୟାର୍ କରିଛନ୍ତି । ସେ ଏହି ପୋଷ୍ଟରେ କେବଳ ଦୁଇ ଜଣଙ୍କ ନାମ ଲେଖିଛନ୍ତି – ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନି ଓ ପୂର୍ବତନ ମୁଖ୍ୟ ପ୍ରଶିକ୍ଷକ ରବି ଶାସ୍ତ୍ରୀ । ଧୋନି ଟେଷ୍ଟ ଅଧିନାୟକତ୍ୱ ଛାଡି଼ବା ପରେ ବିରାଟଙ୍କୁ ୨୦୧୪ ମସିହାରେ ଦଳର ନେତୃତ୍ୱ ନେବାର ସୁଯୋଗ ଦିଆଯାଇଥିଲା । (ଫଟୋ: AFP)
ବିରାଟ କୋହଲି ଟିମ୍ ଇଣ୍ଡିଆର ପୂର୍ବତନ ମୁଖ୍ୟ ପ୍ରଶିକ୍ଷକ ରବି ଶାସ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି । ସେ ନିଜ ପୋଷ୍ଟରେ ଲେଖିଛନ୍ତି, ‘‘ରବି ଭାଇ ଓ ସପୋର୍ଟ ଷ୍ଟାଫଙ୍କୁ ଧନ୍ୟବାଦ ଯେଉଁମାନେ ଏହି ଗାଡି ପଛରେ ଏକ ଇଞ୍ଜିନ ପରି ଥିଲେ, ଯାହା କ୍ରମାଗତ ଭାବରେ ଟେଷ୍ଟ କ୍ରିକେଟରେ ଆମକୁ ଉପରକୁ ନେଇଥିଲା । ଏହି ଦର୍ଶନକୁ ବାସ୍ତବତାରେ ପରିଣତ କରିବାରେ ଆପଣମାନେ ସମସ୍ତେ ଏକ ବଡ଼ ଭୂମିକା ଗ୍ରହଣ କରିଛନ୍ତି ।’’ (ଫଟୋ: AFP)
୨୦୧୪ରେ ବିରାଟ କୋହଲି ଟେଷ୍ଟ ଫର୍ମାଟରେ ଅଧିନାୟକତ୍ୱ ଗ୍ରହଣ କରିଥିଲେ । ଏହି ୩୩ ବର୍ଷୀୟ ବ୍ୟାଟ୍ସମ୍ୟାନ୍ ୬୮ଟି ମ୍ୟାଟରେ ଭାରତୀୟ ଟେଷ୍ଟ ଦଳର ନେତୃତ୍ୱ କରିଥିଲେ ଓ ସେଥି ମଧ୍ୟରୁ ୪୦ଟି ମ୍ୟାଚ୍ ଭାରତ ଜିତିଥିଲା । ୨୦୧୧ରେ ଟେଷ୍ଟ ଡେବ୍ୟୁ କରିଥିବା ବିରାଟ ଏ ପର୍ଯ୍ୟନ୍ତ ଏହି ଫର୍ମାଟରେ ୯୯ଟି ମ୍ୟାଚ୍ ଖେଳିଛନ୍ତି ଓ ୨୭ଟି ଶତକ ଏବଂ ୨୮ଟି ଅର୍ଦ୍ଧଶତକ ସହ ମୋ’ଟ ୭,୯୬୨ ରନ୍ ସ୍କୋର କରିଛନ୍ତି । (ଫଟୋ: AP)
ବିରାଟ କୋହଲିଙ୍କ ଅଧିନାୟକତ୍ୱରେ ନିକଟରେ ଦକ୍ଷିଣ ଆଫ୍ରିକା ବିପକ୍ଷରେ ତିନି ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜରେ ଭାରତକୁ ପରାଜୟର ସାମନା କରିବାକୁ ପଡି଼ଥିଲା । ସିରିଜ୍ ଶେଷ ହେବାର ମାତ୍ର ଦିନକ ପରେ ସେ ଟେଷ୍ଟ ଅଧିନାୟକତ୍ୱ ଛାଡି଼ଥିଲେ । ସେ ଟି-୨୦ ଅଧିନାୟକତ୍ୱ ପୂର୍ବରୁ ଛାଡିଛନ୍ତି । ତା’ ପରେ ODI ଫର୍ମାଟରେ ଅଧିନାୟକତ୍ୱ ପଦ ତାଙ୍କଠାରୁ କାଢ଼ି ନିଆଯାଇଛି । (ଫଟୋ: AFP)
