Australian Open 2023: କ୍ୟାରିୟର ଶେଷ ଗ୍ରାଣ୍ଡସ୍ଲାମ୍ ଖେଳିବେ ସାନିଆ ମିର୍ଜା!

ଅଷ୍ଟ୍ରେଲିଆ ଓପନ୍‌ ଆଜିଠୁ ଆରମ୍ଭ ହୋଇଯାଇଛି। ସାରା ଦୁନିଆର ଆଖି ରାଫେଲ ନାଡାଲ, ନୋଭାକ ଜୋକୋଭିକଙ୍କ ଉପରେ ରହିଛି। ଯଦି ନାଡାଲ ତାଙ୍କ ଟାଇଟେଲ୍ ରକ୍ଷା କରିବାକୁ ଖେଳିବେ। ତେବେ ଜୋକୋଭିକ୍ ଏହି ଗ୍ରାଣ୍ଡସ୍ଲାମକୁ ଫେରିବେ। ଏହି ଦୁଇଟି ବ୍ୟତୀତ ସମଗ୍ର ବିଶ୍ୱର ଆଖି ଭାରତର କିମ୍ବଦନ୍ତୀ ଟେନିସ୍ ଖେଳାଳି ସାନିଆ ମିର୍ଜାଙ୍କ ଉପରେ ମଧ୍ୟ ରହିବ।

୬ ଥର ଗ୍ରାଣ୍ଡସ୍ଲାମ ବିଜେତା ତଥା ପୂର୍ବତନ ବିଶ୍ୱ ନମ୍ବର ୱାନ ମହିଳା ଡବଲ୍ସ ଖେଳାଳି ସାନିଆ ତାଙ୍କର ଶେଷ ଗ୍ରାଣ୍ଡସ୍ଲାମ ଖେଳିବାକୁ କୋର୍ଟକୁ ଓହ୍ଲାଇବେ। ଏନା ଡାନିଲିନା ତାଙ୍କର ସହଯୋଗୀ।

ସାନିଆ ନିକଟରେ ଘୋଷଣା କରିଥିଲେ ଯେ ତାଙ୍କର ଶେଷ ପ୍ରମୁଖ ଟୁର୍ନାମେଣ୍ଟ ଅଷ୍ଟ୍ରେଲିଆ ଓପନ୍‌ ହେବ ଏବଂ ସେ ଆସନ୍ତା ମାସରେ ଦୁବାଇରେ କ୍ୟାରିୟରର ଶେଷ ଟୁର୍ନାମେଣ୍ଟ ଖେଳିବେ।

ସାନିଆ ତାଙ୍କର ଶେଷ ଗ୍ରାଣ୍ଡସ୍ଲାମ ଖେଳିବା ପାଇଁ କୋର୍ଟରେ ଓହ୍ଲାଇବେ। ଏଭଳି ପରିସ୍ଥିତିରେ, ତାଙ୍କର ପ୍ରୟାସ ୨୦୦୯ ଏବଂ ୨୦୧୬ର ଚମତ୍କାର ଖେଳ ପରି ଖେଳିବାକୁ ରହିବ। ୨୦୦୯ରେ ମିଶ୍ରିତ ଡବଲ୍ସରେ ଏବଂ ୨୦୧୬ରେ ମହିଳା ଡବଲ୍ସରେ ଭାରତୀୟ ତାରକା ବର୍ଷର ପ୍ରଥମ ଗ୍ରାଣ୍ଡସ୍ଲାମ ଜିତିଥିଲେ।

ଅଷ୍ଟ୍ରେଲିଆ ଓପନର ସିଙ୍ଗଲ୍ସ ମ୍ୟାଚ୍ ଜାନୁଆରୀ ସୋମବାରରୁ ଆରମ୍ଭ ହୋଇଛି। ଡବଲ୍ସ ମ୍ୟାଚ୍ ୨ ଦିନ ପରେ ଆର୍ଥାତ୍ ଜାନୁଆରୀ ୧୮ ତାରିଖରୁ ଆରମ୍ଭ ହେବ। ସେହିପରି ମିଶ୍ରିତ ଡବଲ୍ସ ମ୍ୟାଚ୍ ଜାନୁଆରୀ ୨୧ରୁ ଆରମ୍ଭ ହେବ।