ଡିସେମ୍ବର ୩୦ରେ ଏକ କାର ଦୁର୍ଘଟଣାରେ ଗୁରୁତର ଆହତ ହୋଇଥିବା ଭାରତ ୱିକେଟ୍ କିପର-ବ୍ୟାଟ୍ସମ୍ୟାନ୍ ଋଷଭ ପନ୍ତ ସମସ୍ତଙ୍କୁ ଧନ୍ୟବାଦ ପ୍ରଦାନ କରିଛନ୍ତି। ଋଷଭଙ୍କ ଅସ୍ତ୍ରୋପଚାର ସଫଳ ହୋଇଛି ବୋଲି ପନ୍ତ ଏକ ଟ୍ୱିଟ୍ରେ କହିଛନ୍ତି। ସମସ୍ତ ସମର୍ଥନ ଏବଂ ଶୁଭେଚ୍ଛା ପାଇଁ ମୁଁ କୃତଜ୍ଞ। ମୋର ଅସ୍ତ୍ରୋପଚାର ସଫଳ ହୋଇଛି। ମୁଁ ସୁସ୍ଥ ହେଉଛି ଓ ମୁଁ ଆଗାମୀ ଚ୍ୟାଲେଞ୍ଜଗୁଡ଼ିକ ପାଇଁ ପ୍ରସ୍ତୁତ। ଅଦମ୍ୟ ସମର୍ଥନ ପାଇଁ ସେ ବିସିସିଆଇ, ଜୟ ଶାହ ଓ ସରକାରୀ କର୍ମଚାରୀଙ୍କୁ ଧନ୍ୟବାଦ ଜଣାଇଛନ୍ତି। ପନ୍ତ ଲେଖିଛନ୍ତି, ମୋର ହୃଦୟର ଅନ୍ତରରୁ ମୁଁ ମୋର ସମସ୍ତ ପ୍ରଶଂସକ, ସାଥୀ ଖେଳାଳି, ଡାକ୍ତର ଏବଂ ଫିଜିଓଥେରାପିଷ୍ଟଙ୍କୁ ଧନ୍ୟବାଦ ଦେବାକୁ ଚାହୁଁଛି। ଡିସେମ୍ବର ୩୦ ରେ ପ୍ରାୟ ୫:୩୦ ସମୟରେ, ୨୫ ବର୍ଷୀୟ ପନ୍ତଙ୍କ କାର ଦିଲ୍ଲୀ-ଦେହରାଡୁନ୍ ରାଜପଥରେ ଏକ ରୋଡ୍ ଡିଭାଇଡରରେ ପିଟି ହୋଇ ନିଆଁ ଲାଗି ଯାଇଥିଲା।
