ହକି ବିଶ୍ୱକପ୍ ଉଦଘାଟନୀ ଉତ୍ସବରେ ସାମିଲ ହେବେ ରଣବୀର ସିଂହ ଓ ଦିଶା ପଟାନୀ। ଏନେଇ ଏବେଠୁ ପ୍ରସ୍ତୁତି ଆରମ୍ଭ ହୋଇଯାଇଛି। କଟକ ବାରବାଟୀ ଷ୍ଟାଡିୟମରେ ୧୧ ତାରିଖରେ ଉଦଘାଟନୀ ଉତ୍ସବ ଅନୁଷ୍ଠିତ ହେବ । ଉଦଘାଟନୀ ଉତ୍ସବକୁ ନିଆରା କରିବା ପାଇଁ ଜୋରସୋରରେ ଉଦ୍ୟମ କରାଯାଉଛି । ଉଦଘାଟନୀ ଉତ୍ସବର ନାଁ ‘ସେଲିବ୍ରେସନ୍’ ରଖାଯାଇଛି । ଏଥିରେ ଓଡ଼ିଶାର ସଂସ୍କୃତି ସହ ଗୀତ, ନୃତ୍ୟ ଏବଂ ପ୍ରଯୁକ୍ତିବିଦ୍ୟାର ଭରପୁର ମନୋରଞ୍ଜନ ରହିବ । ଆଜି ରଣବୀର ସିଂ ଓ ଦିଶା ପଟାନୀ ଓଡ଼ିଶାରେ ପହଞ୍ଚିଛନ୍ତି। ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତାଙ୍କୁ ହକି ଜର୍ସି ପ୍ରଦାନ କରିଛନ୍ତି। ଦିଶା ପଟାନୀଙ୍କୁ ମଧ୍ୟ ନିଜ ନାମର ଜର୍ସି ପ୍ରଦାନ କରାଯାଇଛି। ସାରା ରାଜ୍ୟରେ ଧିରେ ଧିରେ ଚଢୁଛି ହକି ଫିଭର୍ । ସଜେଇ ହେଉଛି ରାଜଧାନୀ ।ଗାୟିକା ନମିତା ମେଲକାଙ୍କୁ ମଧ୍ୟ ନବୀନ ପଟ୍ଟନାୟକ ସହ ଭେଟ କରିଛନ୍ତି।
