‘‘ମୁଁ ମ୍ୟାଚ୍ ପୂର୍ବରୁ Sex କରେ, ତା’ ଦ୍ୱାରା ସଫଳତା ମିଳେ’’: ୩ଟି ଅଲିମ୍ପିକ୍ Gold ବିଜୟିନୀ ଆଥଲେଟ୍

ସ୍ୱର୍ଣ୍ଣ ପଦକ ବିଜୟିନୀ ଏଲା ଶିଶକିନା (Ella Shishkina)

ଟୋକିଓ ଅଲିମ୍ପିକ୍ସରେ (Tokyo Olympics 2020) ସ୍ୱିମିଂ ସ୍ୱର୍ଣ୍ଣ ପଦକ ଜିତିଥିବା ରୁଷିଆର ସନ୍ତରଣକାରୀ ଏଲା ଶିଶକିନା (Alla Shishkina) ଗୋଟେ ଚମକପ୍ରଦ ଦାବି କରିଛନ୍ତି । ସେ ସେକ୍ସକୁ (sex) ନିଜ ସଫଳତାର ରହସ୍ୟ ବୋଲି କହିଛନ୍ତି ଓ ଦାବି କରିଛନ୍ତି ଯେ ଏହା ତାଙ୍କ ପ୍ରଦର୍ଶନରେ ବହୁତ ଉନ୍ନତି ଆଣିଛି ।

ଟୋକିଓ ଅଲିମ୍ପିକ୍ସ ପୂର୍ବରୁ ରିଓ ଓ ଲଣ୍ଡନ ଅଲିମ୍ପିକ୍ସରେ ବି ଏଲା ଶିଶକିନା ସ୍ୱର୍ଣ୍ଣ ପଦକ ଜିତିଛନ୍ତି । ସିଙ୍କ୍ରୋନାଇଜଡ୍ ସନ୍ତରଣର (synchronised swimming) ଅନ୍ୟତମ ମହାନ ଖେଳାଳି ଭାବେ ପରିଗଣିତ ଏଲା କହିଛନ୍ତି ଯେ ଯୌନ ସମ୍ପର୍କ (sexual relation) ଏକ ଶାରୀରିକ ବ୍ୟାୟାମ, ଆଉ ସେଇଥି ପାଇଁ ସେ ମ୍ୟାଚ୍ ପୂର୍ବରୁ ଯୌନ ସମ୍ପର୍କ ରଖିବା ଉପରେ ପ୍ରାଧାନ୍ୟ ଦିଅନ୍ତି ।

ଏଲା ଡାକ୍ତରଙ୍କ ପରାମର୍ଶରେ ହିଁ ମ୍ୟାଚ୍ ପୂର୍ବରୁ ସେକ୍ସ କରିବା ଆରମ୍ଭ କରିଥିଲେ । ସେ ଏକ ସାକ୍ଷାତକାରରେ କହିଛନ୍ତି ଯେ ଡାକ୍ତରଙ୍କ ପରାମର୍ଶ ପରେ ହିଁ ସେ କୌଣସି ପଦକ୍ଷେପ ନିଅନ୍ତି ।

ଏଲା କହିଛନ୍ତି ଯେ ଗବେଷଣାରେ ଏହା ମଧ୍ୟ ପ୍ରମାଣିତ ହୋଇଛି ଯେ ଯଦି ଜଣେ ବୃତ୍ତିଗତ କ୍ରୀଡ଼ାରେ ଅଳ୍ପ ସମୟ ମଧ୍ୟରେ ଭଲ ପ୍ରଦର୍ଶନ କରିବାକୁ ଚାହାନ୍ତି ତାହେଲେ ଏଥି ପାଇଁ ସେକ୍ସ ସମ୍ପର୍କ ଲାଭପ୍ରଦ ସାବ୍ୟସ୍ତ ହୋଇପାରେ ।

ଅଧିକ ଦୂରତା ଥିବା କ୍ରୀଡ଼ାରେ ସେକ୍ସକୁ ପ୍ରାଥମିକତା ଦେବା ଠିକ୍ ହେବ ନାହିଁ ବୋଲି ଏଲା କହିଛନ୍ତି । ତାଙ୍କ କହିବା ଅନୁଯାୟୀ ପ୍ରତ୍ୟେକ ବ୍ୟକ୍ତିଙ୍କ ଶରୀର ଅଲଗା । ତେଣୁ ଏଭଳି ପରିସ୍ଥିତିରେ ଡାକ୍ତରଙ୍କୁ ପଚାରିବା ପରେ କେହି ଏମିତି ରୁଟିନ୍‌ ଅନୁସରଣ କରିବା ଉଚିତ ।

ଏଲା ଏହା ବି କହିଛନ୍ତି ଯେ ମ୍ୟାଚ୍ ପୂର୍ବରୁ ଯୌନ ସମ୍ପର୍କ ରହିବା ତ ଉଚିତ, କିନ୍ତୁ ସେଥିରେ ଅର୍ଗାଜମର କୌଣସି ଆବଶ୍ୟକତା ନାହିଁ ।

ଏଲା ଶିଶକିନା ଦାବି କରିଛନ୍ତି ଯେ ଅର୍ଗାଜମ୍ (orgasm) ବିନା ଯୌନ ସମ୍ପର୍କ କରିବା ଦ୍ୱାରା ମାଂସପେଶୀର ଶକ୍ତି ବଢ଼ିଥାଏ ଓ ନାରୀ ମଧ୍ୟରେ ଆକ୍ରାମକତା ବି ବଢ଼ିଥାଏ । (ସବୁ ଫଟୋ: ଶିଷ୍କିନା /ଇନଷ୍ଟାଗ୍ରାମ)

ମସ୍କୋରେ ଜନ୍ମ ହୋଇଥିବା ଅଲିମ୍ପିଆନ୍ ଏଲା ଶିଶକିନା ଯୌନ ଟିପ୍ସ (sex tips) ଶେୟାର୍ କରିବା ଓ ଅନ୍ତରଙ୍ଗ କଥା ବିଷୟରେ କଥାବାର୍ତ୍ତା କରିବାକୁ କେବେ ଲଜ୍ଜା ଅନୁଭବ କରନ୍ତି ନାହିଁ ।

ଏହା ପୂର୍ବରୁ ଏଲା ଏହି କଥାକୁ ବି ଖଣ୍ଡନ କରିଛନ୍ତି ଯେ ବଡ଼ ସ୍ତନ (big breasts)ଥିବା ଯୁବତୀଙ୍କୁ ସନ୍ତରଣ କରିବାରେ ସାହାଯ୍ୟ ମିଳେ । ସେ କହିଛନ୍ତି ଯେ ସତ୍ୟ ଏହାର ବିପରୀତ ।

ଏଲା କହିଛନ୍ତି ଯେ ବଡ଼ ସ୍ତନ (big breasts)ଥିଲେ ସନ୍ତରଣ ପ୍ରଶିକ୍ଷଣ ନେବା କଠିନ ହୋଇଥାଏ । ହେଲେ ବଡ଼ ସ୍ତନ ଥିବା ମହିଳାମାନଙ୍କୁ ଅସ୍ତ୍ରୋପଚାର ବିଷୟରେ ବିଚାର ନ କରିବା ପାଇଁ ସେ ପରାମର୍ଶ ଦେଇଛନ୍ତି ।

ଅସ୍ତ୍ରୋପଚାର ପରିବର୍ତ୍ତେ ବଡ଼ ସ୍ତନ (big breasts) ଥିବା ମହିଳାମାନେ ବ୍ୟାୟାମ କରିବା ଉଚିତ ବୋଲି ସେ କହିଛନ୍ତି । (ସବୁ ଫଟୋ: ଶିଷ୍କିନା /ଇନଷ୍ଟାଗ୍ରାମ)

ଏଲା ଶିଶକିନାଙ୍କ ପୂର୍ବରୁ ମଧ୍ୟ ଅନେକ ଆଥଲେଟ୍ ମ୍ୟାଚ୍ ପୂର୍ବରୁ ଯୌନ ସମ୍ପର୍କର ଆବଶ୍ୟକତା ବିଷୟରେ କହିସାରିଛନ୍ତି । କିମ୍ବଦନ୍ତୀ ଫୁଟବଲ୍‌ ଖେଳାଳି ରୋନାଲଡୋ ମଧ୍ୟ ଦାବି କରିଛନ୍ତି ଯେ ସେ ଅନେକ ମ୍ୟାଚ୍ ପୂର୍ବରୁ ସେ ଯୌନ ସମ୍ପର୍କ ସାରିବା ପରେ ପଡ଼ିଆକୁ ଓହ୍ଲାନ୍ତି । (ଫଟୋ: ଏ.ଏଫ୍‌.ପି.)